Sahararren aurkako Espainiako Gobernuaren erabakia salatu dute kaleetan

  • Mobilizazioak egin dituzte Gasteiz, Bilbo eta Donostian astearte arratsaldean, “Espainiako Gobernua: kolonialista eta traidorea” lelopean. Iruñean asteazkenean egingo dute elkarretaratzea.


2022ko martxoaren 23an - 09:10
Bilboko mobilizazioaren irudia. Argazkia: Ecuador Etxea.

Ehunka pertsona batu dira Mendebaldeko Sahararen autodeterminazio eskubidearen alde eta Espainiako Gobernuaren azken erabakiaren aurka. Bilbon komunikatu bateratua irakurri dute Saharako Ordezkaritzak, Elkartasun Mugimenduak eta Saharako Diasporak. “Marokoren xantaiaren aurrean egindako lagapen onartezinaren aurrean gaitzespena adierazten dugu eta Euskal Herrian geure egiten dugun gatazka hau behin betiko konpontzeko eskatzeko dugu”, adierazi dute.

Espainiaren erantzukizuna

Gogoratu dute Mendebaldeko Sahara deskolonizatzeko zain dagoen herrialdea dela NBEren arabera, horrek autodeterminazio eta independentzia eskubidea aitortu diola, eta Espainia dela lurraldearen “potentzia administratzailea”. Espainiako Gobernuak “bere erantzukizuna bertan behera utzi” duela salatu dute: “Mendebaldeko Sahararen legez kanpoko okupazioa babestean, Espainiako Gobernuak eta sostengatzen duten alderdiek lege-estaldura ematen diete nazioarteko erakundeek salatutako giza eskubideen urraketei eta haien baliabide naturalen espoliazioari”.

Alderdien adierazpenak

Bilboko mobilizazioan Eusko Jaurlaritzako, EAJko, EH Bilduko eta Elkarrekin-Podemoseko ordezkariak izan dira, besteak beste. Bingen Zupiria Jaurlaritzaren bozeramaileak atzo adierazi zuen Saharako gatazkari irtenbidea eman behar zaiola NBEk ezarritako bidetik. Arnaldo Otegik, “hipotesi” gisa, iradoki zuen litekeena dela Espainiako Gobernuak Maroko, Frantzia, Alemania eta AEBekin lerrokatzeko hautua egin izana. Elkarrekin-Podemosetik Espainian gobernukide dituzten PSOEren “aldebakarreko jarduera” salatu dute, jarrera aldaketa “traizioa” dela salatuz.


Kanal honetatik interesatuko zaizu: Mendebaldeko Sahara
2024-03-20 | Reyes Ilintxeta
Kristina Berasain. Sahararekin kateatuta
"Palestinakoa ikusita, zer egingo du orain Marokok Sahararekin?"

Arnas luzeko kazetaritza maite du Kristina Berasainek. Kazetaritza pausatua. Haimaz haima ibili da sahararrekin hizketan, kontakizunak eta testigantzak bilduz, gero horiek guztiak liburu eder batean harilkatzeko. Pasioz eta pazientziaz, ia 50 urte erresistentzian daraman saharar... [+]


2023-12-22 | Euskal Irratiak
Saharari buruzko euskarazko lehen kazetaritza kronika idatzi du Kristina Berasainek

Sahara, herri bat erresistentzian liburua argitaratu du Kristina Berasainek. Urte luzez jarraitu du Mendebaldeko Saharako gatazka, 2005ean BERRIA egunkariko kazetari gisa lurralde okupatuetara lehen aldiz bidaia egin zuenetik.


'Saharari kantari' diskoaren kontzertu solidarioa egingo dute Donostian

Mendebaldeko Sahararen alde egingo dute kontzertua hilaren 22an, Kursaalean. Bertan izango dira Oreka TX, Eñaut Elorrieta, Mikel Urdangarin, edo Minatu Embarek, Nayat Hosseinek eta Hayuh Ramsik artista sahararrak, besteak beste. Sahararrak gerran daudela ez dela ahaztu... [+]


Palestinan bezala Mendebaldeko Saharan ere, okupatzailea beti espoliatzaile

Mendebaldeko Saharako Smara hirian urriaren 29an jaurtigaiekin izandako eraso ezezagun batek gorenean jarri du Fronte Polisarioaren eta Marokoko armadaren arteko gerra. Gaza bezala, harresi luze batez inguratuta dago herrialde osoa, eta Israelek palestinarrekin egin bezala,... [+]


Eguneraketa berriak daude