Ruper Ordorika: “Inork ez dit baimenik eskatu ‘Zaindu maite duzun hori’ erabiltzeko”

  • Eztabaida piztu da ETBk EAEko 19 parlamentari Gabon gaueko Euskal Kantuen Gaua saioan Ruper Ordorikaren Zaindu maite duzun hori kanta abestuko dutelako. Gaiari buruz idatzi zuen Mikel Iturriak Harrikadak blogean eta Ordorikak bertan erantzun du.


2012ko abenduaren 14an - 00:00
Azken eguneraketa: 2015-02-26 13:37:33
Ruper Ordorika (argazkia: Noticias de Gipuzkoa).

“Ez dut uste inor ni baino gehiago harrituko zenik telebistan Zaindu Maite Duzun Hori zenbait parlamentariren ahotan entzutean. Labur esateko, gaur arte inork ez dit baimenik eskatu, eta susmoa dut aurrerantzean ere ez didatela eskatuko” idatzi du Oñatiko abeslariak.

Eztabaida Interneten

Eztabaidaren abiapuntua ETBk zabaldutako bideo hau izan zen. Bertan Eusko Legebiltzarreko talde guztietako kideak agertzen dira Ordorikaren abestia kantatzen.

Jon Eskisabelek Berrian Gorroto duzun hori zutabean bideoa kritikatu zuen: “Egunkaria indarrez ixtea babesteaz aparte, hura euskal kulturaren eta euskararen beraren mesederako operazioa zela esanez iseka egin zigun Angel Acebes ministroaren alderdiko ordezkariak jarri dituzte Zaindu maite duzun hori kantari”.

Gaiaz idatzi dute Aritz Galarragak Berrian bertan eta Oier Aranzabalek ZuZeun ere.

Xabier Isasi EH Bilduko parlamentariak Eskisabelen zutabea irakurri eta berak bideoan zergatik parte hartu zuen azaldu du bere blogean: “Ondo dago kritika, ongi etorri izan dadila. Baina egin dakigukeen kritikarik zorrotzena euskaldunen aurkarien ondoan euskaldun izatea zein nekeza den abestea bada, bejondeigula!”.


Kanal honetatik interesatuko zaizu: Ruper Ordorika
Ruper Ordorika
Mendea eta segundua gurutzatzen dituena

Mende laurdena bete du Bilboko Kafe Antzokiak eta hamar negu baino gehiago, hastapenetatik orain arteko guztiak, goxatu ditu Ruper Ordorikak.


2022-09-27 | ARGIA
Haur eta gazte literaturaren azoka Sarara itzuliko da

Ikusi Mikusi euskara hutsezko haur eta gazte literatura azoka urriaren 7 eta 8an egingo dute, Saran. Euskal Herri guztiko ikastetxeak hurbilduko dira eta ikasleek elkarren arteko topaketa egingo dute.


Argazki historiko bat

Ez nuen uste Gasteizen aparkatzea hain zaila izanen zenik. Edo, hobe esanda, ez nekien hainbeste koloretako marrak egon zitezkeenik pintaturik errepide ertzetan. Ez, ez dut gidabaimenik eta bai, denbora gure kontra zihoan. Azken minutuan heldu gara Principal Antzokiko... [+]


2022-03-13 | Xalba Ramirez
Santa Anara

Disko bat entzuteko momentuak marka dezake diskoa bera. Zu ez zara bera une bakoitzean, bainatzen zaren ibaiaren pare, eta kanta bakoitzak badu bere unea.

Ruper Ordorikaren Amour eta toujours-ekin horrelako zerbait pasa zait. Logelan eguzki epela sartzen zen neguko egun... [+]


Zerutik gertu

Uda hondarreko igandea, bazkalosteko alferkeria, iluntzerako aurreikusiriko plana kili-kolo… Eta Ruperren kontzertua Lizoainen, baina sarrerarik ez. Dena den, joanda ere galtzeko baino, gehiago genuen irabazteko edozein kasutan; kontzertua ez bazen, herria ezagutu, paseoa... [+]


Eguneraketa berriak daude