Ruper Ordorika Artzibarko Hiriberrin


2024ko ekainaren 19an - 15:44
Zarata mediatikoz beteriko garai nahasiotan, merkatu logiketatik urrun eta irakurleengandik gertu dagoen kazetaritza beharrezkoa dela uste baduzu, ARGIA bultzatzera animatu nahi zaitugu. Geroz eta gehiago gara, jarrai dezagun txikitik eragiten.

Iruñetik berrogei minutura, Artzibarren, Hiriberri herri ttipia, bi dozena bizilagun dauzkana. Bertako emanaldira Ruper Ordorikarekin batera azaldu zen Martin Larralde, Ruperren emanaldietan sekula falta ez den lagun zaharra. Egia da beste lagun anitz ere agertu zirela, Hiriberrin jarritako karpa handiskoa betetzeko lain. Bihotz egoskorra izaki gurea, Artzibarrekoak ez ezik Agoitzekoak ere, aetzak eta Iruñerritik eta are mugaren bertze aldetik hurbildutako Ruper-zaleok bildu ginen; alde genuen garagarzaroko giro goxoa eta, aspalditxotik iraganda ere, baita Haize Garizumakoa ere.

Errudun sentitzen denik ere bada, sakelakoa autoan ahaztuta ezin izan zuelako irudirik edota bideorik jaso, eta gero lagun eta senideei matraka ematen ibili baita saioaren oroigarri bat izateko, zeren eta saioak grabatzea merezi zuen, eta autoa Hiriberrira heldu aitzineko azken bihurgunean utzia zuen sakelakoa ahantzita. Egin kontu: bertan bizi den lagun euskaldun batek baieztatu zidanez, Hiriberrin gutxitan bildu da horrenbeste auto, ezta Hiriberriko jaietan ere.

Artzibarrekoak ez ezik Agoitzekoak ere, aetzak eta Iruñerritik eta are mugaren bertze aldetik hurbildutako Ruper-zaleok bildu ginen; alde genuen garagarzaroko giro goxoa, baita Haize Garizumakoa ere

Izen zaharrak eta lagun berriak entzuteko eta ikusteko giro ederra sortu zen emanaldian, eta Ruper Edertasunaz mintzo zitzaigun, baina ez soilik edertasunaz, maitasunez eta engaiamenduz ere bai: Zaindu maite duzun hori horren lekuko. Emanaldian ene belarri eta Ene begiek jaso zuten Fernando Pessoa poetaren heteronimo Aberto Caeiroren bisita, eta gero, Ruperrek Joan soseguz xuxurlatu zion, bidea emateko Dionisio Cañas poetaren Zerutik gertu ez da ondo egoten poemari eta eskaintza bat egiteko: Geratu zaitez nirekin. Gustura geldituko ginen, Ruper, baina bederatziak eta hogei abantzu ziren, saioa biribiltzeko tenorea, beraz. Etxahun Iruri xiberotarraren Ama Euskadi hautatu zuen emanaldia finitzeko, bis bakarra, maleruski, egin aitzin.

Autorako buelta xamurragoa egin zitzaidan: aldapan behera zelako ala emanaldi gogoangarri bat gozatua nuen sentsazioa neramalako? Artzibarko Hiriberri, herri ttukun askoa, mendi ederrez inguratua, eta larunbat ezkero Ruper Ordorikaren emanaldi gogoangarri bat eman zen Artzibarko herri txiki polit hori.

Josu Jimenez Maia, idazlea

Bidali zure iritzi artikuluak iritzia@argia.eus helbide elektronikora

ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.


Kanal honetatik interesatuko zaizu: Irakurleen gutunak
Meaka-Irimo bizirik!

Enpresa batek Irimo mendian zentral eolikoa eraikitzeko asmoa zuela iragarri zigun aspaldi batean haize kolpe batek. Gehienek ezin zuten sinistu, inondik ere. Are gutxiago Irimo mendiaren orografia eta izaera harritsua ezagutzen dituztenek. "Baina ba al dakizu ze nolako... [+]


Bilbao BBK Live-k ‘life’-a xurgatzen dit!

Badator uda, eta horrekin batera, herri, auzo eta hirietako jai herrikoiak. Jaiak beti izan dira aldarrikapen sozial eta politikoen, auzokideen arteko harremanen eta euforia herrikoiaren aterpe. Gure kaleak hartzen dituzte, eta egun batzuez autogestioaren, desberdinen arteko... [+]


Eguzkiak etxebizitza erre du

Turistek neurrigabeko prezioak dituzten apartamentu eta hotelak bete dituzte. Eta zu gurasoen etxean, etsita, konpainia handiek eta espekulatzaileek alokairua puzten duten bitartean.


Eguneraketa berriak daude