Binilo berria besapean, harat eta honat ibili da Ruper Ordorika (Oñati, Gipuzkoa, 1956) ostiral goizean, Durangoko Azokako Landakogunean, ikasle artean hor zeharretan, kazetariei elkarrizketak ematen. Goiz bakar batez egon da Durangon, musikari taldea elkartu eta entsegu eguna dutelako larunbat hau. Igandean Larzabaleko oholtzara igoko da, hilaren 13an Donostiako Victoria Eugenian egongo da, eta, besteren artean, hilaren 20an Bilbon, ospakizunetan izango den Kafe Antzokian.