Haur eta gazte literaturaren azoka Sarara itzuliko da

  • Ikusi Mikusi euskara hutsezko haur eta gazte literatura azoka urriaren 7 eta 8an egingo dute, Saran. Euskal Herri guztiko ikastetxeak hurbilduko dira eta ikasleek elkarren arteko topaketa egingo dute.

Iazko edizioa. Argazkia: Kulturklik

2022ko irailaren 27an - 12:05

Azokaren bigarren edizioa aurkeztu dute. Urriaren 7a eskolen eguna izango da eta 8a, familiena. Bigarren egun horrek “Gure xaharrak” izango du gai. Jaialdiaren “aitabitxia” Ruper Ordorika izango da.

Haur eta gazte literaturari leiho bat irekiz, Ikusi Mikusik “gizartean dagoen eskas eta behar bat betetzen du”, adierazi dute antolatzaileek, Kazetan jaso dutenez. Literaturaren inguruan Euskal Herri osoko ikasle eta jendeak elkartu nahi dituzte azokan.

Sormen lanen erakusketa, tailerrak eta ikuskizunak izango dira, besteak beste. Gerturatuko den haur bakoitzak 15 euroko bonu bat izango du, liburuak eskuratzeko.

Egitarau osoa ikusteko, sartu azokaren webgunean bertan.


Kanal honetatik interesatuko zaizu: Haur eta gazte literatura
Otsoa dator!

Gizakiak istorio kontatzaileak gara, hainbeste, ezen esan ere egin daitekeen narrazio gaitasuna dela gizaki egiten gaituen ezaugarrietako bat. Kontakizunak behar beharrezkoak zaizkigu geure burua eta errealitatea eraikitzeko, eta bereziki aipatzekoa da ipuin klasikoek horretan... [+]


Materialismo histerikoa
Haur euskaldun izatea

Igande goiza Tolstoiren ipuin bat irakurtzen pasa genuen, irakurtzen, euskaraz: “Zenbat lur behar du gizon batek?”. Eta Elena Odriozolaren marrazkiak ezagutu ditu Gulliverren abenturetan ikusi zituelako, Ipuinen harian gozatu. Diskotekero jartzen da gero, maiz, eta... [+]


Ireki dute Urruzuno literatur lehiaketarako lanak aurkezteko epea

Saria bost eguneko literatura-egonaldian parte hartzeko aukera izango da. Guztira hogei irabazle izango dira, eta ikastetxeak ere sarituko dituzte.


Oin bat bestearen aitzinean?

Gure semea irakurtzen hasi zelarik eskolan, bere adineko liburu bila aritu ginen. Horrela agertu zitzaigun etxean frantsesezko Sami et Julie font des crêpes (“Samik eta Juliek matahamiak egiten dituzte”), E. Massonaud eta T. Bontéren lana. Izenburua... [+]


Nolakoak dira haurrentzako ipuinak, genero ikuspegitik?

Haur literaturako pertsonaietan aniztasun falta dagoela eta estereotipo eta rol sexistak gehiegitan erreproduzitzen direla ondorioztatu du Parean elkarteak, azterketa egin ostean. Sustraietatik eraldatuz dokumentala atera du orain, ikerketaren emaitzak, ipuin gomendioak eta haur... [+]


Eguneraketa berriak daude