Rebeca Huayta 45 urteko emakumearen hilketa matxista salatzeko elkarretaratzeak egin dituzte abenduaren 29 arratsaldean Bilbon, Donostian eta Iruñean, Euskal Herriko Emakumeen Mundu Martxak deituta. Abenduaren 30 egingo dute Gasteizen.
Bilboko herritarra azken bi hamarkadetan, Boliviatik etorria zen Rebeca Huayta, bere ahizpa, alaba eta senar ohiarekin. Rebecaren gorpua abenduaren 28 goizean aurkitu zuten Errekalde auzoko taberna batean eta honen bikotekide Leonel B.T. (44 urtekoa) atxilotua dago hilketaren egile moduan, berak deitu baitzuen Udaltzaingora Huayta hil zuela adierazteko. 2022an Euskal Herrian indarkeria matxistak hil duen bosgarren emakumea da.
Naizek jakitera eman duenez, Rebecaren ahizpa ere indarkeria matxistak hil zuen, 2018an bere bikotekideak Errekaldeko bosgarren pisu batetik botata.
Gasteizko elkarretaratzea abenduaren 30ean, 19:30ean izango da, Andra Mari Zuriaren plazan.
Rebeca Huaytaren Boliviako anaiarekin harremanetan jarri dira agintariak. Bere sendiak eskaera formala egiten dutenean, hilotza sorterrira eramateko urratsak hasiko dituzte.
Eremu digitalak, gizakion dinamiketatik edaten duen heinean, gizarte eredu ezberdinetan aurkitu ditzakegun antzeko arazoak ditu. Pertsonen arteko arazo asko botere kontua izan ohi da; botere arazoek indarkeria dakarte zenbaitetan. Esate baterako, indarkeria matxista.
Eremu... [+]
Bizkaiko Foru Aldundiko Emakumeak Babesteko eta Familiei Laguntzeko zerbitzuan, lau psikologotik hiru kendu dituzte. Are gehiago, langileek salatu dute indarkeria matxistaren biktimak artatzeko plan berriak emakume ugari uzten dituela kanpoan.
Emakumea oso larri dago erietxean, Sud Ouest egunkariak jakinarazi duenez. Haren bikotekidea izan daitekeen gizona fidantzarik gabeko atxiloaldian sartu dute, aurrekariak dituelako.
Indarkeria matxistaren datu "onartezinak" salatu ditu Txibite presidenteak. Izan ere, Nafarroan erregistratutako salaketen %17 sexu-indarkeriagatik dira. Hartara, bihar zabalduko duten Sexu Indarkerien Arreta Integraleko Zentro "seguru eta konfidentzialaren"... [+]