PSOEk ez du onartuko erraustegirik Tenerifen, Kanariar uharteetan
Arico herrian (Tenerife) Coalición Canaria alderdiaren gobernuak proposatu duen errauste plantaren erabat kontra azaldu dira sozialistak eta esan dute horren ordez apostu egin behar dela hondakinak jatorrian sailkatuta bildu eta birziklatzetik.
Horrela mintzo dena ez da Podemos edo EHBildu, Kanariar uharteetako Tenerifeko PSOE baizik: "Erraustegia gaitzesten dugu, horrekin dozenaka urteko atzerakada egingo genukeelako. (...) Sozialistek betirako lurperatuko dugu erraustegiaren asmo hori eta gure ahalegin guztiak zentratuko ditugu hondakinak beren sorburuan berezi eta horrela birziklatzea sustatzen, hau industria berde bat delako ez bakarrik Arico herriari baizik eta uharte osoari ekarrikok diolako etekina lanpostu gehiago eta hobeekin. (...) Erabakiak kontutan hartu behar du ez bakarirk oraina baizik eta baita ondorengo belaunaldiak ere".
Kontua da Kanarietako Kabildoa (gobernua) 2006tik ari dela Hondakin Plan Orokor berria prestatzen eta justu duela gutxi zabaldu dela horren mamia: hondakinen kudeaketaren erdian aurreikusten ditu bi erraustegi uharte banatan, bata Tenerifen eta bestea Gran Canarian, bien artean urtean 300.000 tona erretzeko. Tenerifekoa joango litzateke Arico herrian, Granadilla eta Abades artean, lehendik han daukatelako Ingurumen Gunea, hau da, erraustegia ez beste tratamendu guztien biltokia. Agintariek 2008an egin zuten erraustegia Aricon ezartzeko aurreko ahalegina, eta orduan ere sozialistak haserre atera ziren kontra.
Kontsumo masiboak mundu osoan eragin duen hondakin uholdeak are eragin nabarmenagoak dauzka uharteetan, beren geografia mugatuagatik. Tenerifen, esaterako, 2017an zabaldu ziren Aricon pilatutako pneumatikoen irudi ikusgarriak: 7.600 tona gurpil zahar nola aprobetxatu ez zekitenak. Ziurrenik horientzako ere pentsatu dute erraustegia Kanarietako Hondakin Plan berria prestatu dutenek. Pentsatu duten bezala Europak errausketaren diru-laguntzak eteteko hartu berri duen erabakian salbuetsita geratzen direla uharteak. Eskerrak kanariarrek PSOEko sozialistak dauzkaten, errauste asmoak errotik moztuko dituztenak, seguru.
Larunbat arratsaldean ke zutabe handia bistaratu zen Zubietako erraustegian. Gipuzkoako Hondakinen Kontsortzioak garrantzi handirik eman ez dion arren, gertakariak hainbat herritar eta eragileren kezka eta haserrea eragin ditu.
Erraustegia elikatzen segi ez eta birziklatzeko eginiko eskakizuna nabarmendu dute, igande honetan, irailaren 14an Donostiako Kontxan eginiko giza katean.
Maiatzaren 24an 13:00ean Gipuzkoako Foru Aldundiaren aurrean elkarretaratzea egingo du Errausketen Aurkako Mugimenduak. Zubietako Erraustegiak sortzen duen kutsaduraren aurrean eta agente publiko eta alderdien jarrera salatzeko elkarretaratzera batzeko dei egin die herritarrei.
Suhiltzaileek beste sute bat itzali behar izan zuten abenduaren 27an Zubietako erraustegian.
Mikel Jauregi sailburuaren esanetan Eusko Jaurlaritzak ez du "inolako arau hausterik atzeman" Ekondakinek Zubietako erraustegitik Artaxoako zabortegira bidalitako lixibiatuetan. Hala, ez du sozietate publikoa zigortuko, Nafarroako Gobernuak eskatu bezala.
Errausketaren Aurkako Mugimenduak Errausketaren aurkako giza katea egingo du datorren hilaren 8an Donostian. 11:00etan abiatuko da Alderdi Ederretik.
Zubietako erraustegitik Artaxoara eramaten zituzten lixibiatuengatik, Ekondakini zigor espedientea irekitzeko eskatu zion ekainean Nafarroako Gobernuak Eusko Jaurlaritzari.
Ostiralean herritar batek detektatu zuen ura ez zegoela garbi, baina ezin da jakin noiztik dagoen horrela. ARGIAk jakin duenez, URA agentziako kideak bertaratu dira Arkaitzerrekara. Aspalditik salatzen ari dira erraustegiaren isuriak eta kutsadura.
Artaxoako Ecofert enpresara baimendu gabeko hondakinak eramateagatik, Zubietako Ekondakin enpresari zigor-espedientea abian jartzeko eskatu dio Nafarroako Gobernuak Eusko Jaurlaritzako Ingurumen Sailari. Jose Maria Aierdi Nafarroako Ingurumen kontseilariak jakinarazi duenez,... [+]
Gipuzkoako erraustegiaren emisioen bost urteko jarraipenaren emaitzak aurkeztu ditu ToxicoWatch fundazioak. Emaitza kezkagarriak, bizidunei eta zehazki gizakiei osasun kalte larriak eragin diezazkieketen kutsatzaileez ari garelako. Emaitza nabarmenak, erraustegi berria eta ustez... [+]
Bost urtez aritu da laginak hartzen Toxicowatch erakundea erraustegiaren inguruko oiloen arrautzetan, goroldioan, zuhaitzetan, sedimenduetan eta ama esnean, besteak beste. 2019tik dioxina maila asko handitu da, baita metal astunak, PFASak eta beste gai oso kutsagarri batzuk ere... [+]
Zubietako erraustegia geratzeko Errausketaren Aurkako Mugimenduak deitutako oinezko martxan parte hartu dute larunbat goiz honetan.
Zubietako erraustegia ixteko eskaria atariraino eraman du Errausketaren Aurkako Mugimenduak larunbat honetan Lasarte-Oriatik abiatu duen oinezko martxan. Ertzaintzak sarbidea inguratua zuen atari horretan bertan plazaratu duen adierazpenean, erraustegia behingoz ixtea eskatu... [+]
Maiatzaren 18an, larunbatez, Zubietako Erraustegiaren aurkako martxa antolatu du Erraustegiaren Aurkako Mugimenduak (EAM). Lasarte-Oriatik abiatuko da, Okendo plazatik 11:00etan.
Zubietako erraustegi inguruan laginak biltzen bost urte daramatza ToxicoWatch fundazioak, metal astunen, dioxinen, PCBen eta PFASen bila. Horiek guztiak ageri dira laginetan eta gainera kutsaduraren “igoera kezkagarria” aurkitu dutela jakinarazi du Errausketaren... [+]