Futbol amerikarreko jokalariek arrazakeriaren aurka hasitako protestak bizirik dirau AEBetan
Miami Dolphins taldeko bi jokalari belaunikatu egin dira protesta gisa AEBetako ereserkia entzutean; talde bereko hirugarren jokalari batek ukabila altxatu du. Azken bi urteetan arrazakeriaren kontrako keinuak ugaritu dira AEBetako kirol profesionalean.
AEBetako futbol amerikarreko elkarteko (NFL) jabe guztiek adostu berri dute, AEBetako ereserkiak jotzen duenean zutik entzun behar dela. Hala egiten ez duen jokalariak isuna jasoko du. Beste aukera da ereserkiak jotzen duen unean aldageletan geratzea.
Colin Kaepernick jokalariak hasi zuen protestak bizirik jarraitzen du bi urteren ondoren. Polizia armarik ez zuten pertsona beltzen aurka tiroka agertzen ziren zenbait bideo zabaldu ondoren, arrazakeriaren kontrako protesta-oldea piztu zen AEBetan eta futbol amerikarreko ligara ere iritsi zen horren eragina.
Hasieran, aulkitik ez altxatzea erabaki zuen Kaepernickek; baina 2016ko irailaren 22an belaunikatu egin zen lehenengo aldiz, polizien gehiegikeriak eta arrazakeria salatzeko. Partiduaren ondoren azaldu zuen bere jarrera: “Ni ez naiz harrotasunez jaikiko aulkitik pertsona beltzak eta koloreko pertsonak zapaltzen dituen herrialde baten ereserkian”.
Donald Trump AEBetako lehendakariak gogor kritikatu zuen jokalaria eta hark egindakoa aberriaren aurkakoa dela esan zuen. Hala jokatzen duten guztiak NFLtik kanporatu behar zirela ere adierazi zuen. Hainbat taldek, ordea, nahi bezala jokatzen utzi zieten beren jokalariei eta saskibaloiko eta beisboleko jokalariak gehitu ziren protestara Trumpen adierazpenak entzun ostean. Azken hauen artean Tom Brady, bere garaian Trumpen laguna izan zela aitortu zuen jokalari famatua.
Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.
Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!
Futbolaren aurpegirik distiratsu eta era berean lokaztuena erakutsi ohi digute hedabideek. Zirkua negozio. Asko dira, baina, futbolak herriarena izan behar duela aldarrikatzen duten zaleak, eta balore batzuk sustatzeko erreminta ona dela pentsatzen dutenak.
Hatz-marken, aurpegieraren, informazio genetikoaren eta datu pertsonalen kontrol integraturako sistema sortzeko asmoa daukate EBko agintariek. Errefuxiatu eta etorkinentzat pentsatuta badago ere, Europako herritar guztiak har litzake sistema horrek.
Pantera Beltz ohi Robert Seth Hayes baldintzapean aske utzi dute asteartean 45 urte kartzelan egin ostean, Democracy Now-n informatu dutenez. 1973an espetxeratu zuten New Yorkeko polizia bat hiltzea egotzita.
Duela hiru hilabete ezagutu genituen Khadim, Baba eta Bouba. Eskakizun guztiak betez Bilbon kale-saltzaile aritu arren, administrazioak legea gogortu eta berriro paperik gabe utzi nahi zituela kontatu ziguten. Hiru hilabete geroago, Khadim Frantziara joana da, etorkizun hobearen bila, eta Baba eta Bouba garbitzaile kooperatiba ari dira antolatzen beste hainbat migratzailerekin batera, kale salmenta uzteko asmoz. Bitarte horretan, “Inor ez da ilegala” kamiseta ere sortu dugu... [+]
Agiririk ez zuelako, Gasteizko Alde Zaharreko auzokide bat atxilotu zuten udaltzainek ekainaren 10ean.
Matteo Salvini Italiako barne ministroak, herrialdeko ijitoak erroldatzea proposatu du bertan jaio gabeak kanporatzeko, eldiario.es-en irakur daitekeenez.
Armak zeramatzaten bi italiarrek burutu dute erasoa Sulmonako Asp Casa Santa dell’Anunziata harrera zentroan. Zaurituak eragin dituzte.
Elaine Brown elkarrizketatu dugu Bartzelonan, Literal Liburu eta Ideia Erradikalen Azokan. 1974-77 bitartean Pantera Beltzen Alderdiko presidente izandakoak gaztetan bezain irmo jarraitzen du, hitzak ez baizik ekintzak behar direla aldarrikatzen.
Astelehenean publiko egin duen “Bakarretan bakarrak” txostenaren bitartez adineko inoren laguntza barik migratzea erabakitzen duten adin txikikoen egoeraren berri eman du Save The Children-ek. “Europar ametsa” bilatu asmoz, zeharo zaurgarri egiten dituen babesgabetasun egoeran ekiten diote hainbat eta hainbat adin txikikok sarri urteak irauten dituen baldintza gogorreko ibilbideari.
Gauza batek arreta deitu dit ETBk gazteentzako saio batean egin duen Negu Gorriaken Kolore bizia kantaren bertsioan: abestiaren letra zikiratu dutela, Lucrecia Pérez eta haren hiltzaileak aipatzen dituena, hain zuzen.
