Arrazakeriarekin lotu ziren iazko gorroto-delituen ia erdia Espainiako Estatuan
%37 genero- eta sexu-diskriminazio kasuekin loturik egon ziren, eta aporofobia %33 hazi zen. Gorroto-delituen intzidentzia tasarik altuena Nafarroan identifikatu zuten iaz.
Espainiako Barne Ministerioak argitaratu berri duen txostenean azaltzen denez, 2024an, Espainiako Estatuko segurtasun-indarrek 1.955 gorroto-delitu eta gertakari erregistratu zituzten. %13,8ko jaitsiera izan zen salaketetan 2023arekin alderatuta (2.267 kasu orduan), pandemiaren osteko goranzko joerarekin apurtuta.
Arrazakeria izan zen 2024an erregistraturiko kasuen motibazio nagusia, 804 gertaera jaso baitziren (guztizkoaren %43,73). Nahiz eta kopuru hori %6 txikiagoa izan 2023ko 856 kasuekin alderatuta, kategoria nagusia izaten jarraitzen du gorroto-delitutzat jotakoen artean. Dena den, azken asteetako berriekin bat etorririk, txostenean bertan aipatzen denez, jaitsiera hori ez dator bat benetako beherakada batekin. Kontrara, diskurtso arrazistak normalizatzearekin batera, erasoen beraien normalizazio baterako joera ikusi da, eta salaketa kopurua jaitsi egin da.
Arrazakeriaren eta xenofobiaren atzetik, iaz, gorrotoari loturiko gertakarien arrazoi nagusien artean jarraitu zuten sexu-orientazioagatiko diskriminazioak (528 kasu, %27,57), sexu- eta genero-diskriminazioak (181 kasu, %9,62) eta ideologiaren ondoriozko jazarpenak (147 kasu, %7,77). Bereziki deigarria da, beraz, zenbait eskuineko alderdi edo eragilek esan dezaketenaren aurka, arrazakeriari edo sexu/generoari loturiko gorroto-delituek guztizkoaren %80 baino gehiago hartzen dutela.
"Antisemitismoak" eta aporofobiak gora
Txostenak bi goranzko joera azpimarratzen ditu iazko datuetan. Alde batetik, antisemitismo-kasuak %60,87 hazi zirela ikusten da; 2023ko 23 kasuetatik 2024ko 37 kasuetara. Hala ere, erregistraturiko kasuen hazkunde hori kolokan dago nolabait: Palestinaren aldeko zenbait aldarri era interesatuan kriminalizatzeko erabili da ekintza batzuk "antisemitismotzat" jotzea.
Bestetik, aporofobia (txiroekiko gorrotoa) %33,3 handitu zen 2024an. Hazkunde hori, gainera, bereziki esanguratsua dela aipatzen da azterketan, izan ere, salaketa gutxien jartzen duten biktimen artean dago giza-sektore hau. Horrez gain, Espainiako Barne Ministerioak lehen aldiz jaso behar izan ditu islamofobia kasuengatiko salaketak txostenean: gutxienez hamabost izan dira.
Aurreko urtean erregistroetan sarturiko 1.973 biktimen artean, zauriak (385 kasu), mehatxuak (358) edo mota ezberdinetako diskriminazioa (217) jasan zituzten. Gertakari horiek kalean izan ziren nagusiki (715 kasu), eta hurrengo lekurik ohikoenak izan ziren etxebizitzak (417) eta bestelako eraikinak (360). Intzidentzia-tasarik handiena Nafarroan atzeman zuten, eta baxuenak, aldiz, Andaluzian eta Galizian.
Hainbat talde "neonazik" azkenaldian Irunen zabaltzen ari dituzten mezuak salatu dituzte asteazkenean Harrera Sareak eta hainbat kolektibok herrian. Eskuin muturreko "auzo patruilak" antolatzen ari direla salatu dute, eta hauek jendearen jatorriaren arabera... [+]
“Badirudi memoria kolektibotik ezabatu nahi dutela hiriak bizi izan duen polizia-indarkeria arrazistaren ekintzarik latzena”, salatu dute. Bestalde, azken boladako diskurtso eta eraso arrazisten gorakadaren aurrean, elkarretaratzea deitu dute Irun eta Donostiako... [+]
Gasteizko hainbat auzotan ezarri dituzten “Moros fuera de España” kartel eta pegatinak ikertzen ari da Ertzaintza. Irun, Hernani, Barakaldo… Ez dira kasu isolatuak, eta “etorkinen kontura jarraitzaileak irabazi nahi dituen ideologia” ikusten du... [+]
Agharas migratzaile imazighen elkartearen txosnan pertsona batek hainbat irain arrazista egin zituen. Erasoa salatzeko elkarretaratzea egin dute igandean Barakaldon.
Artziniegako Udalak mezua zabaldu du gertatutakoa gaitzesteko eta elkartasuna adierazteko irainak jaso dituzten herritarrei.
Lintxamenduen ostean immigrazioaren aurka izan den lehen mobilizazio-saiakerak ez du jarraitzaile gehiegi erakarri, baina izu arrazistak hartu du herria.
Jazarpen arrazistak eztanda egin du Espainiako Torre Pacheco herrian, Euskal Herrian ere ezagun zaizkigun diskurtsoak hauspotuta: immigrazioa lotzea delinkuentziaren, sexu-erasoen eta segurtasun faltaren gorakadari. Baina datuek frogatzen dute gezurra direla gorroto diskurtso... [+]
Twerk klasean gertatu zen, Bilbon. Merkataritza-gune batean dago dantza eskola, eta gortinek ez dituzte kristalak erabat tapatzen. Emakumezko lau ikasleok eta irakasleak luzaketak egiten geundela, gure short labur eta top-ak jantzita, bi mutiko hasi zitzaizkigun kristalaren... [+]
Hainbat gauez jarraian, gorrotoa eta arrazakeria hedatu eta "etorkinen aurkako ehiza" egin dute Murtziako herri batean, "Espainia garbitzeko". Kolektibo antiarrazistek ultraeskuinaren inpunitatea salatu dute.
Laba, EHE eta Harituk antolatuta, bazkaria Oko Plazako Herri Sanferminak gunean izan da. Bertan, antolaketaren zergatiak azalduko dizkiguten galderak egingo dizkiegu.
Arrazekeriaren aurkako eragilearen arabera, pertsona baten aurka piperbeltz espraia erabili du Poliziak, eta hainbat lagun identifikatu dituzte. Foruzaingoak eta Udaltzaingoak baieztatu dute pertsona bat atxilotu dutela, "ez laguntzeagatik eta aurre egiteagatik".
Hernaniko San Joan jaietan magrebtarren kontrako eraso gehiagoren berri eman dute Hernaniko Txosna Batzordeak eta Amher SOS Arrazakeriak. Salatu dute herrian asteak daramatzatela "jarrera, gezur eta ekintza antolatu arrazistak" bizitzen, eta ohartarazi dute: "Hau... [+]
Hernaniko Txosna Batzordeak azaldu duenez, gutxienez hiru eraso arrazista izan ziren herrian ekainaren 23ko gauean, eta horren harira zabaldutako “bulo eta gezur arrazistak” salatu ditu. Udalak ere adierazpen instituzionala onartu du gertaturikoa gaitzesteko. Amher... [+]