Kasuaren inguruko ikerketa apirilean abiatu bazen ere, orain arte ez dituzte atxilotu sarean parte hartzea leporatutako hiru kideak. Prostituitzera behartuta zeuden emakumeen salaketaren ostean hasi zen ikerketa, orain dela sei hilabete. Bertan hainbat nazionalitatetako lau emakumek salatu zuten festa pribatuetan zein pisuetan prostituitzera behartzen zituztela. Horrez gain, dokumetazioa erretiratu, lortutako dirua kendu eta kalera irtetzeko egunean bi orduko tartea besterik ez zieten ematen, emakumeek salaketan adierazi zutenaren arabera.

Hiru pertsona atxilotu ditu Ertzaintzak sarean parte hartzea leporatuta. Gizon bat eta bi emakume atzeman dituzte, Errenterian, Donostian eta Gasteizen. Hainbat miaketa egin dituzte aipatutako herrietako etxebizitza eta lonjetan, non dokumetuak, droga, ordenagailuak, datafonoak eta dirua aurkitu dituzten. Atxilotuak Ertzain-etxera eraman dituzte, eta polizia-prozedura egin ondoren epailearen esku utziko dituzte.

Askatutako lau andreak, berriz, Emakunderekin lankidetzan diharduten GKE-ek artatu dituzte, sexu-esplotaziorako salerosketaren biktimei laguntza emateko protokoloari jarraituta.