Preso eta iheslari politikoen aldeko urteroko ekitaldi nagusia aurtengoan 216 herritan egingo da
Urtero euskal preso eta iheslari politikoak etxeratzea aldarrikatuz urtarril hasieran egin ohi den mobilizazio nagusia aurtengoan, COVID-19a dela eta, Bilbon eta Baionan burutzeko orde Euskal Herri osoko 216 herritan egiteko deia egin du Sare mugimenduak, urtarrilaren 9rako.
aurre egingo dieten hedabide independenteak
Euskal preso eta iheslari politikoen aldeko urteroko ekimen erraldoia aurtengoan modu berezian antolatu du Sare mugimenduak, urtarril hasieran Bilbo eta Baionan egin ohi diren manifestazio masiboak egin ezinik. Horren ordez, ekimena Euskal Herriko 216 herritara zabaldu du.
Urtarrilaren 9rako, larunbata, Sarek bi ekitaldi proposatu ditu. Goizeko 11:30etan, Bilboko Euskalduna jauregian alor sindikal, sozial eta politikoko ordezkariak batuko dituen ekitaldia egingo dute. Hedabideei erakundearen arduradunek adierazi dietenez, «Sarerentzat kalean herritar anitzek erakusten duten aktibazio eta aldaketa nahi hori bezalaxe, sindikalgintzan, eragileen aldetik, alor politikoan edota instituzionalean lortutako adostasunak berebiziko garrantzia baitute. Guztiok gara giltzarri konponbiderako».
Arratsaldean, berriz, 216 herritan barreiaturik egingo dira mobilizazioak: giza-kateak, mosaikoak, manifestazioak, ekitaldi musikatuak eta abar. Eta herri guztietako parte hartzaileek une jakin batean «argiztatutako bidea» irudikatuko dute, mugikorretako argiak baliatuz osatutako argazkia.
Sareko arduradunek bi aldarri nagusi azpimarratu dituzte 2021ko mobilizazioetarako. Alde batetik, urruntze politika behingoz ezabatzea: «[Espainia eta Frantziako agintarien aldetik] Aldaketa batzuk ematen hasiak diren arren, oraindik ere ez da benetako hauturik egin urruntze politikarekin amaitzeko. Euskal presoek Euskal Herriko espetxeetan egoteko eskubide osoa dute, legeak hala jasota. Ondorioz, aurtengo urtarrilean ere, aldarri hau lehen lerroan ezarri dugu, senideei orokorrean eta bereziki haurrei eta nagusienengan duen eragin zigortzailea ahaztu ezinean».
Beste aldetik, euskal presoei legeen barruan zor zaien eta presondegietako agintariek sistematikoki ukatzen dieten gradu progresioa ere aldarrikatuko da mobilizazioetan. Presoen artetik 107k oraindik lehen graduan jarraitzen dute, horrek beren eskubideetan eragiten dituen murrizketa guztiekin. Ororen buru, Sareko arduradunek nahiko lukete 2021. urte berria, salbuespenezko espetxe politikaren aldaketaren urtea izatea, eta hori izango da herriz herriko mobilizazioetan eskatuko dena: "Ezinbesteko baldintza baita konponbidearen bidean eta elkarbizitzaren bidean aurrera egiten jarraitzeko. Eta horretarako, gu guztion aktibazioa eta kalean aldarri hau zabaltzea ere behar beharrezkoa dugu".
Urtero legez, hitzordua izan dute igandean Sare eta Etxerat elkarteek Hego Euskal Herriko 11 hondartzatan. Euskal preso, iheslari eta deportatuak etxeratzearen aldeko aldarriak egin dituzte.
Lau egunez Lakuntza milaka lagunez bete du Hatortxu Rockek. Aurtengo edizioak presoen aldeko jaialdiaren bideari amaiera eman dio. Hala ere, abenduak 27rako jaialdi berria iragarri dute: Aske.
Jesus Maria Gomez Ezkerro 'Txutxo', 2001eko urtarrilean atxilotu zuten, 2021ean hirugarren gradua ezarri zioten, eta 2023ko otsailean baldintzapeko askatasuna eman zioten. 24 urte geroago aske geratu da.
26 urtez euskal preso eta iheslariak etxeratzeko aldarria oholtza gainera eraman ondoren, Hatortxu Rock jaialdiak bere azken edizioa egingo du ostegunetik igandera bitartean, Lakuntzan (Nafarroa). Jaialdian bildutako dirua preso sein senideentzat dispertsioak zekarren zama... [+]
"Euskal Herriaren jazarpena elikatzen du Euskal Herriaren bakearen bidean egindako akordiotzat saldu duten honek", adierazi dute larunbatean Arrasaten eginiko prentsa agerraldian.
Kartzelan 27 urte egon eta gero askatasunean geratu dela iragarri du Etxerat elkarteak.
Eusko Jaurlaritzak 2022an eskuratu zuen Zaballako (Araba), Basauriko (Bizkaia) eta Martuteneko (Gipuzkoa) kartzelen gaineko eskumena, eta ordutik uhalen edo eskuburdinen bidez loturik izan dituzten pertsonen inguruko datu batzuk eman ditu Maria Jesus San Jose (PSE-EE) sailburuak... [+]
Nafarroako espetxean dauden pertsonen bizi baldintzak aztertu ditu elkarteak. Ondorioztatu du Nafarroako Gobernua kartzelaren kudeaketaz arduratu beharko litzatekeela.
Espainiako Auzitegi Goreneko Fiskaltzak, Iratxe Sorzabal atxiloturik egon zenean "tratu gizagabeak" eman zizkiotela aitortzen duen epaia baliogabetzea eskatu du, eta berriz epaitu dezatela nahi du, 1995ean Irunen jarritako lehergailu baten harira.
PPk Senatuan proposatu du, gainera, euskal preso politikoek damua erakutsi behar izateko xantaia areagotzea.
Historikoa izan da, Monarkia Espainiarreko epaitegi batek honako ebazpen hau onartu du: "Iratxe Sorzabal zaintzeaz arduratzen ziren funtzionarioek elektrodoak aplikatu zizkioten deklaratzera behartzeko, eta horrek zera dakar, haren oinarrizko giza eskubideak nabarmen... [+]
Antolakunde "antierrepresiboak" ekainaren 7an Amnistia Eguna antolatu du Senperen. Eguna aldarriz josteko, egun osoko egitaraua antolatu dute. Nazioarteko beste erakunde batzuekin eta Aroztegiko Komitearekin mahai inguruak antolatu dituzte.
Ekimena larunbatean abiatuko da, Lesakatik, eta igandean amaituko da, Iruñean. Behin betiko konponbidea eskatzeko eta oraindik etxerako bidea egiteko duten presoen eskubideak aldarrikatzeko, orotara 544 kilometro egingo dituzte. Ekimena aurkezteko agerraldia... [+]
UPNk jarritako salaketa bati erantzunez hartu du erabakia auzitegiak. Apirilaren 17an gazte topagunearen baitan Berriozarren antolatutako "Kurdistan eta Euskal Herriko preso politikoen" aldeko ekitaldia da UPNk bertan behera utzi nahi izan duena "terrorismoaren... [+]