"Biziki kezkatu gaituela Eusko Jaurlaritzako Kultura sailburuaren jokabideak, ustez haitzuloetako artean aditua den pertsona batengana jo baitu. Ondoeza eragin digu jakiteak, hain zuzen, Eusko Jaurlaritzak konfiantza gutxi edo batere ez duela EHUko irakasle ikertzaileengan eta haitzuloetako artean munduan itzal handikoak diren adituengan, guk sustaturiko manifestua izenpetu ere egin dutenengan. Erresumina areagotu baino ez zaigu egin, kontuan izanik sailburu andrea bera ere Unibertsitate horretako irakaslea dela, Euskal Filologia adarrekoa. Haren jokaerak, bada, nagusikeria, begirunerik eza eta erdeinu erabatekoa adierazten ditu klaustrokide dituenekiko, zalantzan jarri baititu haien profesionaltasuna eta gaitasuna, dagoeneko aski egiaztatua Historiaurrea eta Arkeologia Ezagutza Alorreko hainbat eztabaidagune nazionaletan zein nazioartekotan". (2008-03-18)