ARGIA.eus

2020ko abuztuaren 15a

Praileaitzeko babes eremua handitzeko eskatu dute EHUko eta kulturako 125 profesionalek


2009ko uztailaren 07a

EHUko Arte ederretako fakultateko ehun irakasle, katedradun, langile eta beste zenbait profesionalek Praileaitz babesteko 2007an onartutako dekretua aldatzeko eskatu diote Eusko Jaurlaritzari manifestu baten bidez. Dekretu horrek aztarnategia dagoen 50 metroko erradioa babesten du, baina manifestuaren sinatzaileen arabera Sasiola harrobiaren jarduera “mehatxu bat da margoen, kobaren eta inguruaren kontserbaziorako”. Horregatik eskatu dute babes eremu hori handitzea eta Jaurlaritzari gogorarazi diote 2007an Eusko Legebiltzarrak eskatu zuela harrobiaren jarduera etenaraztea. Hain zuzen, Blanca Urgell Jaurlaritzako Kultura sailburuak duela gutxi adierazi du Debako harrobia euskal kulturaren “harribitxietako bat” dela.

Bestalde, atzoko manifestuan salatu zuten Gipuzkoako Foru Aldundiak indusketa arkeologikoak egiteko diru laguntzarik ez duela eman aurten. Horren harira, Maria Jesus Aranburu kultur Diputatuak adierazi du nahiago izan dutela diru laguntzak ikerketa hidro-geologikoetara bideratu, kobaren oxidazio eta estalaktiten kristalizazio arazoak konpontzeko, “indusketak ez dira lehentasuna”, esan du.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Praileaitz

Praileaitz kanaletik interesatuko zaizu...

Azkenak
Argia buletina
Egunaren laburpena
zure e-postan
Eguneraketa berriak daude