aurre egingo dieten hedabide independenteak
“Etikarik gabeko mundu ustel honetan, pertsona sentiberoi geratzen zaigun gauza bakarra da estetika” (“En un mundo podrido y sin ética, a la gente con sensibilidad sólo nos queda la estética”). Makinavajak botatako esaldia izan dut bueltaka asteotan, Rodríguez Galindoren heriotzarekin hasi eta Intxaurrondoko audioarekin segi.
Makinavajak torturatzaile bat hil berri du, eta esaldi horrekin azaltzen du bere ekintza. Komikiaren hasieran, Makinavaja polizia etxean dago atxilo. Bat-batean anarkista bat sartzen dute kolpeka, eta kolpeka jarraitzen dute galdetegia “eskua joan” eta zerraldo geratzen zaien arte. Polizia-buruak aske uzten du dena ikusi duen Maki, bere isiltasunaren truke. Behin kalean, Makik klub bateraino jarraitzen du polizia, agurtu, eta bertan tirokatzen du. “Eskutik joan” zitzaien Mikel Zabalzarekin batera atxilotu zuten Ion Arretxe 1985ean. Behin Intxaurrondoko zoru etikoan, kaputxa kendu zion norbaitek, inpunitateak ematen duen harrotasunarekin aurpegia erakutsiz. Galindo zen. “Barrabiletatik heldu eta bihurritu egin zizkidan (...) ‘Ez dezagun denborarik galdu eta hasi hitz egiten mutil… bestela, lehertu arte bihurrituko dizkizut barrabilak’”.
Ez dut uste Ivá komikigilea horretan oinarritu zenik institutu garaian eta inpunitate osoz lehenik El Jueves aldizkarian irakurri eta ondoren La2-en Makinavaja el ultimo choriso telesailean ikusi nuen etika eta estetikaren inguruko istorio hori harilkatzeko, Galindo 35 urte geroago hil baita bere ohean. Segurua dena da bere orduko sentsibilitate artistikoak espetxera eramango lukeela egun. Galde diezaiotela zerrendako azken(aurreko) Pablo Haséli bestela.
Polizia ereduaren inguruko eztabaida piztu da gurean garai berdinean, su txiki askok lagunduta: Polizien biolentzia gazte, grebalari, tabernari edo pertsona arrazializatuen aurka; Ertzaintzaren lan eskaintzaren promozio mediatiko erraldoia eta horren aurkako ekimenak; istilu txikiak Hasélen espetxeratzea salatzeko; ESAN polizia sindikatuaren salaketa Ernairen aurka; Gasteizko EAJ-PSE gobernuarena All Pitufos are Bastard kartelaren egileen aurka... Eta batez ere Arnaldo Otegiren adierazpenak, ziurtatuz –testuinguru horren erdian– ezker abertzaleko kideak ertzain izateko azterketetara aurkezten ari direla –egun errealitate ez den hori bihar bai izateari ateak ireki nahian?–.
Polizia ereduaren eztabaida piztu da, baina ez Poliziarena. Poliziarekin patriarkatuarekin edo kapitalismoarekin bezala gertatzen baitzaigu: hain ditugu hezur-muinetaraino sartuak, ezinezkoa zaigula haiek gabeko mundu bat irudikatzea ere. Ezberdintasun handi batekin: gure utopia patriarkaturik eta kapitalismorik gabea dela aldarrikatzeko arazorik ez dugu; ez da berdina gertatzen Poliziarekin. Gatazkak punitibismo, militarismo edo delegazionismorik gabe kudeatzeko dugun ezintasunaren isla.
Berrusteltze prozesuan dagoen etikarik gabeko mundu ustel honetan, pertsona sentiberei geratzen zaigun bakarra... etika da. Bestelako mundu bat amesten jarraituko duen etika. Besteak beste Poliziarik gabea, torturatzailea izan zein ez.
.jpg)
Polizia jarduera arrazistak dira araua Bilbon. Manteroei salgaiak konfiskatzen dizkiete, dirua eta objektu pertsonalak kentzen dizkiete, tratu txarrak ematen dizkiete eta mespretxatu egiten dituzte, indarkeriazko murrizketekin, identifikazioekin eta atxiloketekin.
3.600 pertsona aurkeztu dira ertzain edo udaltzain izateko lan eskaintza publikoko deialdira, eta 2.800 hautagaiek ez dute proba psikosoziala edota atal teorikoa gainditu. Segurtasun sailburuak defendatu egin du Polizia izateko "exijentzia maila".
GKSk eta Etxebizitza Sindikatuak salatu dute Ertzaintzak eta Gasteizko Udaltzaingoak gogor kargatu zutela "giro lasaian" egiten ari ziren ekimenaren aurka. Lau atxilotu, 11 identifikatu eta hamarnaka zauritu utzi zituzten Poliziaren esku hartzeari buruzko bestelako... [+]
Eusko Jaurlaritzako Ogasuneko Kontrol Ekonomikoko Bulegoak barne txosten bat egin zuen Ertzaintzak jaso dituen 300 BMWen esleipen kontratuaren hainbat baldintza kritikatzeko. Ezarritako baldintzak zehatzegiak eta murriztaileegiak zirela salatu du ogasunak, eta horrek enpresa... [+]
Bi aste barru hasiko diren hiriko jaietan txosna jartzen utzi ez dietela salatzeko kanpaldia egin nahi zuten Gasteizko GKSk eta Etxebizitza Sindikatu Sozialistak, Andre Maria Zuriaren plazan. 20:30ak aldera, ertzainak oldartu egin dira kanpaldian zeudenen aurka, eta bi... [+]
“Badirudi memoria kolektibotik ezabatu nahi dutela hiriak bizi izan duen polizia-indarkeria arrazistaren ekintzarik latzena”, salatu dute. Bestalde, azken boladako diskurtso eta eraso arrazisten gorakadaren aurrean, elkarretaratzea deitu dute Irun eta Donostiako... [+]
Igande arratsean ehunka herritarrek elkarretaratzea egin dute herriko plazan, "Poliziaren gehiegikeria" salatzeko. Azpeitiko Udalak udaltzainei elkartasuna adierazi die, eta, aldiz, Ertzaintzaren esku hartzea "gehiegizkoa" izan zela esan du.
Egiari Zor elkarteak pozgarritzat hartu du Nazio Batuen Erakundeko Giza Eskubideen Batzordeak Espainiako Estatuaren indarkeriaz egin duen txostena. Elkarteak azpimarratu du txostenak Nafarroako Gobernuak eta Eusko Jaurlaritzak dokumentatutako 5.000 tortura salaketak balioan... [+]
Azken sei urteotan Piztu Donostia eragile sozialaren talde motorra osatu dugunoi txanda pasatzeko unea iritsi zaigu, mila gai eta beste mila fronte zabalik geratzen diren arren.
Duela sei urte Eneko Goiak, PSOEren laguntzarekin, osaturiko Donostiako Udalak bideratzen zuen... [+]
Ondo jakina da Euskal Herriak bere buruaren jabe izateko beharrezko duen botere politikoa ukatua duela Espainia eta Frantziako estatuen aldetik. Euskal Herrian, bertan bizi, lan egin eta euskaldun izan nahi duen biztanleriari, herritar gisa bizi-proiektu duin eta ziurra garatu... [+]
Eusko Jaurlaritzako Segurtasun Sailaren arabera, hainbat pertsonen arteko borroka bat zela eta bertaratu dira larunbat gauean ertzainak Ordiziara (Gipuzkoa), eta liskarrak izan dira. Bi ertzain ospitaleratu dituzte: bat lepauztaia apurtuta eta masailean ukabilkada bat jasota;... [+]
Arrazekeriaren aurkako eragilearen arabera, pertsona baten aurka piperbeltz espraia erabili du Poliziak, eta hainbat lagun identifikatu dituzte. Foruzaingoak eta Udaltzaingoak baieztatu dute pertsona bat atxilotu dutela, "ez laguntzeagatik eta aurre egiteagatik".
Kasuan "inpunitatea gailendu ez dadin" egingo du lan, "Poliziaren berezko izaera salatzearekin batera". Hiru aldarri zehatz egin ditu: foam balak eta jaurtigaiak debekatzea, polizien identifikagarritasuna bermatzea, eta brigada mugikorraren desegitea.
Nafarroako Barne Sailak araudia aldatu du Foruzaingoak taser pistolak erabiltzen hasteko hurrengo urtean. Pistola elektrikoen erabilera poliziek daramatzaten kamerek kontrolatuko dute.
17 urteko gazteari tiro egin zion Frantziako poliziak bere nahia bete du, eta Ipar Euskal Herrira ekarri dute lanera. Polizia gehiegikeriaren ondorioz hildako Merzouken kasuak mobilizazio eta protesta ugari eragin zituen Frantziako Estatuan.