Piztu Donostiak azalduduenez, gazte batzuk Karmengo Jaietako testuinguruan Debekatuta dago maskotak sartzea esaten zuten kartelak jartzen ari ziren, igandean. Taldeak ohartarazi du Ertzaintzak lau gazte identifikatu eta bi jipoitu dituela, Portaletasen atzean eta Nautiko ondoan. Ertzaintzak kartelak “probokaziotzat” hartu zituela adierazi du Piztu Donostiak, eta Ertzaintzaren jarrera kritikatu du: “Herritarrak ezin dira jipoitu eta identifikatu hau eramateagatik”, adierazi du sare sozialetan.

Piztu Donostiak deituta, igandean bertan elkarretaratzea egin dute kaian, jipoituei eta identifikatuei elkartasuna adierazteko, gazteek zeramaten kartela eskuetan hartuta.