ARGIA.eus

2022ko abuztuaren 15a

Petrolio eta gas ekoizle nagusiek 100.000 milioi dolar irabazi dute 2022ko lehen hiruhilekoan

  • Ukraina eta Errusiaren arteko gerraren argudiopean igotako prezioek eraginda, petrolio eta gas ekoizle nagusiek etekina atera diote egoerari eta milaka milioiko irabaziak izaten ari dira. Klima larrialdiaren testuinguruan, irabaziak iraingarritzat jo dituzte aktibistek eta gobernuek esku hartu ez izana salatu dute.

Argazkia: Pixabay
ARGIA @argia
2022ko uztailaren 26a

The Guardianek pasa den maiatzean emandako datuen arabera, Shell petrolio konpainiak adibidez 9.100 milioi dolar irabazi zituen lehen hiruhilekoan, 2021eko tarte berean baino kasik hiru aldiz gehiago. Exoon konpainiak 8.800 milioi dolarreko etekina izan zuen. Guztira, 100.000 milioi dolar ingurukoa da munduko 28 petrolio eta gas konpainia nagusik izandako irabazia.

Etekina kritikatu dute aktibista klimatikoek, enpresa hauen diru-gosea izugarria dela salatuz: “Inflazioak eta Ukrainako gerrak prezioak igotzea ahalbidetu dietela harro esaten entzun ditugu konpainia hauetako mandatariak”, dio Lori Lodes Climate Power-eko buruak. Egoera ez zela hau izango ere gaineratu du, gobernuek krisi klimatikoari behar bezala aurre egiteko neurriak hartuko balituzte.

"Erradikal arriskutsuak"

Izan ere, zientzialariak esan eta esan ari dira erregai fosilak lehenbailehen mugatu behar direla, klima larrialdiaren ondorioei aurre egin nahi bazaie. Horren ordez, negozio ekonomiko biribila dira erregai fosilak, datuek erakusten dutenez. Energiaren Nazioarteko Erakundeak ohartarazia du: petrolio, gas edo ikatz eremu berririk ezin da egon, 2050erako zero isuri helburura iritsi nahi badugu. “Erregai fosilen azpiegitura berrietan inbertitzea erokeria moral eta ekonomikoa da; batzuetan aktibista klimatikoak irudikatzen dituzte erradikal arriskutsuak bailiran, baina erradikal benetan arriskutsuak dira erregai fosilen ekoizpena handitzen ari diren herrialdeak”, adierazi zuen duela hilabete batzuk Antonio Guterres Nazio Batuen Erakundeko idazkari nagusiak.

Kanal hauetan artxibatua: Petrolioa  |  Larrialdi klimatikoa  |  Ukrainako gerra

Petrolioa kanaletik interesatuko zaizu...
Saudi Arabiako agintari nagusiak aitortu du 'Peak Oil'-a 2027rako aurreikusten duela

Urteak dira Peak Oil edo Petrolioaren gailurrari buruz hitz egiten ari direla adituak. Oraingoan baina, Arabia Saudiko Mohammed bin Salman printzeak hitzaldi publiko batean adierazi du espero baino lehenago iritsiko dela puntu hori, 2027an.


2022-05-31 | ARGIA
Europako Batasunak Errusiako petrolioa itsasontziz ekartzea debekatuko du 2023an

Europako Batasunak maiatzaren 30eko bileran erabaki du Errusiako petrolioa itsasontziz ekartzea debekatzea, baina Druzhba petroliobidez ekartzen jarraitzea baimendu du. Errusiako petrolioarekiko enbargo partziala ezarri du, beraz. Errusiatik Europara datorren petrolioaren bi... [+]


2022-05-23 | Jon Torner Zabala
Oxfam: "Pandemian 30 orduro pertsona aberats batek gainditu du mila milioi euroko langa"

Pandemiak iraun duen bi urteotan, beste 573 mega-aberatsek milaka milioi euroko fortuna egin dute munduan. Alegia, 30 orduro, pertsona aberats batek gainditu du mila milioi euroko langa esanguratsua. Aldiz, urtea amaitzerako 263 milioi pertsona gehiago biziko da muturreko... [+]


Maroko, Sahara eta petrolio berria

Marokok 1.000 milioi upeleko petrolio zundaketa iragarri du, Pedro Sanchezek Espainiak historikoki Mendebaldeko Sahararekiko izan duen posizioa guztiz aldatu eta gutxira.


2022-02-22 | ARGIA
Ukrainako gerra arriskua petrolio prezioa igotzen ari da

Petrolio eta gasaren prezioak gora egiten ari dira, Ukraina eta Errusiaren arteko gerra arriskuak munduko horniduran eragin dezakeenaren beldurrez. Nazioartean erreferentzia den Brendt gordin upelaren prezioak otsailaren 22an azken zazpi urteetako gorengo preziora iritsi zen:... [+]


Irakurrienak
Argia buletina
Egunaren laburpena
zure e-postan
Eguneraketa berriak daude