Inoizko dibidendu handienak ari dira banatzen petrolio enpresa erraldoiak
BP, Shell, Chevron, ExxonMobil eta TotalEnergies enpresek 100.000 milioi dolar (90.100 milioi euro) banatuko dituzte euren inbertitzaileen artean, inoizko ordainsari handiena. Ukrainako gerraren ondorioz, 2023 urtean etekinen errekorra gainditu dute burtsan kotizatzen duten petrolio eta gas enpresa erraldoiek.
Munduko bost petrolio enpresa handienen rankinean daude BP, Shell, Chevron, ExxonMobil eta TotalEnergies. Burtsan kotizatzen dute eta euren akziodunen artean 100.000 milioi dolarreko (90.100 milioi euro) aparteko ordainsaria banatuko dute, gutxienez, 2023 urteari dagokionean.
The Guardian egunkariak egin du publiko datua, "erregai fosilen irabaziengatik gero eta haserre handiagoa dagoen testuinguru batean", azaldu du. Izan ere, ordainsari hori emango dute, petrolio konpainiek etekin handiak lortu dituztenean "Ukrainako gerrak merkatuan eragindako gorabeherengatik", dio egunkari britainiarrak.
Finantza adituek aurreikusi dute dibidenduen eta akzioen salerosketen ondorioz seguruenik aurreko urteko ordainsariaren diru-kopurua gainditu eta errekorra hautsiko dutela –oraingoz 2023ko lehen hiru hiruhilekoen datuak baitituzte–. Lorturiko etekinak, ordea, ez dira uste bezain handiak izango, erregaien prezioak behera egin duelako azkenaldian.
Aurrera ihesa
Orduan, zergatik banatuko dute hainbesteko dirutza? Adituek diotenez petrolio konpainiak gero eta errekonpentsa handiagoak ari dira eskaintzen inbertitzaileak sektoretik atera ez daitezen, haien kontrako "kanpo presioa" handitzen ari baita. Besteak beste, aktibistek batzar orokorretan egindako ekintza ikusgarriak edo mundu mailako kanpainak aipatzen ditu The Guardian-ek. Hau da, aurrera ihes bat da.
Egunkari beraren arabera, "zenbait talde ekologistak uste dute ordainsari horiek erabiltzen ari direla inbertitzaileak distraitzeko petrolio-industriaren kontrako erreakzio publikotik eta erregai fosilekin amaitzeko gobernu poliketan behar diren behin betiko aldaketetatik".
Izan ere, ordainsariena ez da, tamalez, erregai fosilei loturiko aurtengo errekor bakarra izan. The Guardian-ek gogorarazi du inoiz erregistratu den urte beroena ere izan dela pasa berri duguna, "klima larrialdiak fenomeno metereologiko muturrekoak eragin baititu". Eta hori herritar guztiok ordaindu beharko dugu.
Ekosistema askok itzulera gabeko puntuak dituzte, hau da, estresa maila berezi bat pairatuz gero –izan klima aldaketa, kutsadura edo kalte fisiko zuzenarengatik– desagertzen ahal dira, eta ekosistemak haien artean konektatuak izanez gero hurrenez hurren elkar... [+]
Azken lau hamarkadetan itsasoaren gainazalaren tenperatura-igoerak makroalgen komunitateetan izan duen eragina aztertu du EHUko ikerketa-talde batek. Bizkaiko kostaldeko eremu batean sakonera-puntu desberdinak ikertu dituzte eta ikusi dute egituratzaileak diren afinitate hotzeko... [+]
2023an, karbono dioxido isuriek %5,3 egin dute behera Espainiako Estatuan. Gehien isurtzen duten hamar enpresen artean, bakarrak egin du gora, Iberia hegazkin konpainiak, %10,7ko igoerarekin. Kutsatzaileen zerrendan aurrena Repsol dago.
Suitza zigortu du Estrasburgok, estatu horrek bideraturiko klima politikak adindunen eta oro har herritarren osasun eskubidea zangopilatzen duelakoan. Ebazpena txalotu dute talde eta norbanako ekologistek eta diotenaz, ondorioak izanen ditu gainontzeko estatuengan ere, besteak... [+]
Eta arkitektoen burbuilean, krisi klimatikoaren gaineko kezka igartzen al da? Galdetu dit agroekologoak.
Eraikuntzaren sektorea CO2 emisioen portzentaje altuaren eragilea izanik, galderak zentzua badu. Naomi Klein-ek Honek dena aldatzen du liburuan kontatzen du nola hegazkin... [+]