Auto elektrikoak hornitzeko jarritako helburuak lortzea “ezinezkoa” dela aitortu dute gasolindegietako buruek
2030. urterako autoen %15 erabat elektrikoa izatea aurreikusi badute ere, horiek hornitzea ez dela errentagarria izango nabarmendu du Espainiako Estatuko Gasolina-Zerbitzuguneetako Enpresarien Konfederazioko buru Nacho Rabadánek, Iruñean egindako bilkura batean.
Auto elektrikoen salmenta eta erabilera bultzaka datozela nabarmendu dute, hizki larriz, mundu osoko hedabide eta arduradun politikoek. Berrikitan, Energiaren Nazioarteko Agentziaren buru Fatih Birolek esan du petrolioaren munduko "eskaera gailurra" laster iritsiko dela, energia eolikoaren eta auto elektrikoen produkzioaren hazkuntzagatik –ekuazio horretan ordea ez du sartu peak oil edo petrolio gordinaren eskaintza gailurra, adituen arabera aspaldi jo genuena, 2005ean zehazki–.
Hala, teoria horren arabera, energiaren deskarbonizazioan eta trantsizio horretan giltzarri izango omen da auto elektrikoa. Baina gaur egun, elektrikoek oraindik apenas suposatzen dute automobil guztien %5 herrialde gehienetan, eta 2030. urterako %15 izatea aurreikusten da.
Haatik, garapen horrek muga asko dituela ikusten ari gara, eta ez soilik bateriak egiteko edo elektrizitatea lortzeko beharrezkoak diren mineral eta energia fosilen xahuketari dagokionez. Logistika ere ez dago bermatuta etorkizunera begira, auto elektrikoen errekarga lekuak errentagarritasun urrikoak izaten segitzen dutelako gasolindegien jabeentzat.
Nafarroako Gasolina-Zerbitzuguneen Enpresarien Elkarteak antolatutako jardunaldi batean, Iruñean, Espainiako Estatuko Gasolina-Zerbitzuguneetako Enpresarien Konfederazioko buru Nacho Rabadánek aitortu du "ezinezkoa" izango dela jarritako helburuak lortzea, horrek "frustrazioa" eragin arren herritarren artean.
Diario de Noticias egunkariak jaso ditu Rabadánen hitzak. Auto elektrikoa errekargatzera joaten den bezeroaren profil berezia nabarmendu du: eros ahalmen handikoa, "auto bakoitzeko batez beste 42.000 euro gastatu dituena" eta "ingurumenarekiko arduratsua". Baina profil hori, apenas dago gasolindegietan, eta errekarga gune publikoak martxan dauden denbora osoaren %4 baino ez dira erabiltzen: "Ezinezkoa da errentagarria izatea negozio pribatu batentzat".
Bi kooperatibek euren arteko elkarlanean "urrats sendoagoak" emango dituztela iragarri dute, energia eta telekomunikazio sistema "erresiliente" bat sortzeko. Deia egin diete herritarrei Itzali sistema, piztu alternatibak manifestuarekin bat egin dezaten.
Ustekabean edo... urte hasiera honetan bi mila milioitik gorako irabaziak izan omen ditu Iberdrolak, baina ez omen dago txapliguak, altxafuegoak, etxaferuak... edo dena delakoak zeruetara botatzeko egoeran, izan ere, iaz aldi berean baino %27 gutxiago irabazi omen du. Atalen... [+]
Apirilaren 28ko gauean Bartzelonako Badal Ramblako terrazak gainezka zeuden; hoztu gabeko garagardoak zerbitzatzen ziren, baina jendeak zoriontsu zirudien. “Munduaren amaierak iritsi behar badu, pozik harrapa gaitzala”, esaten zidan auzokide batek. Hamar ordu baino... [+]
Energia politikek haserreak eta desadostasun sakonak sortu dituzte ekologisten artean. Ez da gauza berririk. Hemen eta atzerrian. Hemen eta orain, nabarmen. Duela bi urte, 2023ko udaberrian, gure ikerketa taldeak (ekopol.eus) hiru mahai-inguru antolatu zituen Donostian,... [+]
Zurea ez da ekologia, zurea ideologia da!”. Espainiako oposizio buruaren hitzak dituzue, oraingoan itzalaldia aitzakia hartuta. Zer den ideologia hitza desitxuratzea; trantsizio energetikoa edota energia politika, hitzak dioen moduan, politika hutsa delako. Kapitalismoaren... [+]
Iberiar penintsulan apirilaren 28an gertatutako itzalaldiak, egungo energia sistemak dituen arrakala guztiak utzi zituen bistan. Enpresa elektriko handien diru gosea, berriztagarrien ezarpen masiboak dakartzan ajeak, eta herritarrok bizimodu hiper-elektrifikatuarekiko dugun... [+]
Antonio Turiel fisikari eta CSICeko ikerlariak aspaldiko urteetan ez bezala bete zuen Hernaniko Florida auzoko San Jose Langilearen eliza asteazkenean. Zientoka lagun elkartu ziren Urumeako Mendiak Bizirik taldeak antolatuta Trantsizio energetikoaren mugak izeneko bere hitzaldia... [+]
Gero eta nabarmenagoa da Espainiako Estatuak ez duela planifikazio demokratikorik energiaren arloan. Duela gutxi jasan dugun itzalaldia adibide garbia da, baina ez da bakarra. Energia berriztagarrien kontrolik gabeko eta lurralde askotan gehiegizko hedapena da beste adibide... [+]
Pedro Sánchezek hornitzaile pribatuei eta Red Eléctrica de Españari egotzi die itzalaldiaren inguruko informazio gutxi eskaintzea, baina azken honek jakinarazi du "gutxi gorabehera" aurkitu dutela Iberiar penintsula osoko argindarra joatearen arrazoia... [+]
Red Eléctrica de Españak zibererasoaren aukera erabat baztertu du, eta bi instalazio fotovoltaikoetan jarri du begirada. “Operadore pribatuei erantzukizunak eskatuko dizkiegu eta berriro ez gertatzeko beharrezko neurriak aktibatuko ditugu”, adierazi du... [+]
Hedabideetan nahiko aipatu dira asteleheneko itzalaldiak gizartean eragin dituen ondorioak, baina nahikoa aipatu al da gertakari horrek agerian uzten duena? Besteak beste, bi auzi nagusi: bizirauteko energiarekiko dugun menpekotasuna eta azken urteetan gertatzen ari den zerbitzu... [+]
Egunak argitzerako itzuli da argindarra ia-ia leku guztietara. Euskal Herrian baino atzeratuago egin du Espainiako Estatuko lekurik gehienetan, baita Portugalen ere. Normaltasun itxura gaur Euskal Herrian, baina goizeko lehen orduan ez dira funtzionatzen ari aldirietako trenak... [+]
Gaueko 21:00etarako, Araba, Bizkaia eta Gipuzkoako %85era itzuli da hornidura energetikoa, eta Nafarroan, berriz, %50era. Egoera okerragoa bizi dute Espainian eta Portugalen: hurrenez hurren, argindarra lurraldearen %25era eta %10era iritsi da.
Sare elektrikoa erabat erori da... [+]
Energiaren Nazioarteko Agentziak (IEA) astelehenean argitaratutako txostenaren arabera, %2,2 igo da energia eskaria 2024an aurreko urtearekin alderatuta, besteak beste, egiturazko arrazoi hauengatik: beroari aurre egiteko argindar gehiago erabili beharra, industriaren kontsumoa... [+]