Israelgo Armada hornitzen duten petrolio konpainiak, gerra krimenen konplize?
Israelek 2023ko urrian Gazako sarraskia hasi zuenetik, petrolioa jasotzen aritu da itsasoz munduko txoko askotatik, petrolio enpresa handienek hornituta. Petrolio horren zati bat armada hornitzeko erabiltzen da palestinarren kontrako erasoekin segi dezan.
Hori da Oil Change International GKEak ondorioztatu duena, Britania Handiko Data Desk aholkularitza enpresak egindako ikerketa bateko datuak eskuan. The Guardian egunkariak azaldu duenez, aholkularitza horrek satelite bidezko irudiak aztertu ditu petrolio-ontzien kokapena zehazteko, eta portuetako agintaritzek eta ontziolek emandako datuekin erkatu ditu.
2023ko urritik AEBetako Texas estatutik gutxienez hiru petrolio-ontzi iritsi dira Israelgo Ashod eta Haifako birfindegietara, azkenekoa martxoaren 6an. Egun horretan Ashkelongo portuko kaian ikusi zuten itsasontzia. Ordurako Israelen erasoek 30.000 pertsona hil zituzten Gazan.
Israelek ez du petroliorik ekoizten, eta ez du zuzenean petrolioa bere lurraldera eramateko oliobiderik ere. Hortaz, itsasotik egiten diren inportazioak dira bere energia hornidura bide nagusia.
Hain justu, Itsaso Gorrian hutiek egin erasoen ondorioz petrolio-ontzien garraioa asko gutxitu da Israelera, baina jarraitzen du erregaia erruz jasotzen, hein batean zeregin zibiletarako, baina "Israelen birfintzen den petrolioaren zati handi bat zuzenean armadarentzat bideratzen da", dio The Guardian-ek.
Chevron, ExxonMobil, TotalEnergies, BP, Shell...
Hornidura horren atzean petrolio ekoizle handiak daudela dio Data Desken ikerketak. Zati bat Azerbajandik iristen da, BTC oliobidetik Turkiaraino eraman eta handik itsasoz porturatzen dute. Oliobide horren akziodun nagusia BP konpainia da, eta TotalEnergies zein ExxonMobil ere badaude akziodunen artean.
Horrez gain, Brasilgo itsasoan ekoizten den petrolioa ere iristen da Israelera, herrialde hartako Lula da Silvaren gobernuak Netanyahuren kontrako jarrera oso kritikoa duen arren. Shell, TotalEnergies eta Petrobras daude petrolio horren atzean.
Kaspiar Itsasoa ere petrolio iturri garrantzitsua da Israelentzat, Chevron konpainiaren esku dagoen CPC oliobidearen bidez. Errusiako kalitate baxuko fuelolioa ere inportatzen du Israelek Haifako porturaino, baita Saudi Arabia, Egipto, Arabiar Emirerri Batuak eta beste hainbat tokitako petrolioa ere.
"Israelen gerra-makineria elikatzen duten herrialdeak eta petrolio-enpresa handiak konplize dira herri palestinarraren genozidioan"
"Israelen gerra-makineria elikatzen duten herrialdeak eta petrolio enpresa handiak konplize dira herri palestinarraren genozidioan –azaldu dio Oil Chang Internationaleko programako zuzendari Allie Rosenbluthek The Guardian-i–. AEBek bereziki, kontuak eman beharko dituzte nazioarteko zuzenbidearen balizko urraketengatik, zuzenean hornitzen baitute Israelgo Armada".
Konplizitate hori salatzen duen BDS (Boikota, Desinbertsioa eta Isunak) mugimenduak, Chevron enpresaren kontrako mundu mailako kanpaina abiatu du: "Txostena baliotsua izango zaigu, bertan aipatzen diren enpresa-konplizeak agerian uzten dituelako", azaldu du britainiar hedabideari BDSko kide batek.
Ohar bateratua argitaratu dute Hamasek, Jihad Islamikoak eta Palestinaren Askapenerako Herri Fronteak. Ñabardurak egin dizkiote itxurazko bake-planari: ez daude ados "nazioarteko tutoretza" edo Gazarako aipatzen den "aldi baterako kanpo-administrazioa"... [+]
Hasi da bahituen trukea Palestinan eta Israelen. AEBetako presidentea heroi baten moduan hartuko dute astelehen eguerdian Tel Aviven, eta Egipton goi-bilera egingo da gero, "Gazaren etorkizunaz gogoetatzeko". Bien bitartean, laguntza humanitarioa indartu bada ere,... [+]
Israel eta Hamas negoziaketa betean dira, Trumpek proposatutako su-etenerako planaren harira. Ekialde Hurbileko zenbait hedabidek informatu dutenez, bahitu israeldarren trukean askatu behar dituen preso palestinarren izenen zerrendan jarri zuten Marwan Barghouti, baina... [+]
Donald Trumpek ostegun goizaldean iragarri zuen Hamas eta Israelen arteko akordioa eta ostiral goizaldean berretsi du Israelgo Gobernuak. Oraindik, alabaina, ostiral goizean Gazan Israelgo okupazio armadaren erasoak gertatzen ari ziren, besteak beste Khan Younis hirian.
Elbit Systems enpresa Israelgo arma fabrika handiena eta armadaren hornitzaile handienetakoa da. Mecanocauchoren erabakia “elkartasun internazionalistaren garaipena” dela iritzi dio BDZk.
EHU-Palestinak agerraldia egin du gaur, Ignazio Barriola ikasgelategian; sarearen jardueraren berri emateaz gain, EHUko errektoretzarekin izandako harremanak jakitera eman nahi izan dituzte, eta emaitza horien inguruko posizionamendua ezagutarazi.
Nafarroako Gobernuak Israelgo Estatuarekin edozein harreman hautsiko zituela iragarri ondoren, Osasun Sailak adierazi du ez dituela luzatuko Israelgo enpresen hiru farmakoren kontratuak.
Gazte Koordinadora Sozialistak Beasaingo CAF enpresaren barnean pintaketak egin ditu, enpresak “kolonizazio prozesuarekin lotura” duela seinalatuz, prentsara igorritako oharrean. Sare sozialetan zabaldu dute bideoa.
Atxilotuek uko egin diote polizia-etxera joateari. Palestinarekin Elkartasuna plataformak eta BDZ Nafarroak babesa adierazi diete ikertutako pertsonei eta mobilizazioak iragarri dituzte atxiloketak gertatzen badira.
Hamasek 48 bahitu askatuko ditu astelehenerako, eta Israelek 2.000 preso. Ostegun honetan dute izenpetzekoa lehen faseari buruzko akordioa; bigarren faseari buruzkoaz, ordea, ezjakintasun eta hauskortasun handiagoa nabaria da.
Gaur bi urte bete dira estatu sionistak Palestinako herriaren aurka martxan zuen genozidioa bizkortzen hasi zenetik. Bi urte, non haurrak, eskolak, ospitaleak eta ametsak bonben jomugan egon diren, munduaren isiltasunak krimen horiek estali dituen bitartean.
100 urte pasatxo... [+]
Gazako genozidioak presioa areagotu du entitate sionistaren kontra arlo askotan, eta sionisten konplizeetara ere heldu da. Shapir enpresa israeldarraren eskutik CAF Jerusalemgo tranbiaren proiektuan sartzea salatu du hasieratik BDZ mugimenduak. Sei urte pasatu dira jada. Gazako... [+]
Bartzelonako garraio konpainiak klausula bat dauka, betoa jartzen diena NBEko Giza Eskubideen erakundeko zerrendetan dauden enpresei. CAF zerrenda horretan dago, Jerusalemgo trenbideko lanengatik. 39 tren eta 321 milioi euroko kontratua legoke jokoan.
Naxker, Fermin Muguruza eta Bloñ musika taldeek, besteak beste, bat egin dute Musikariak Palestinarekin plataformak abiatutako Spotify-ren aurkako ekimenarekin. Hain justu, musika erreproduzitzeko aplikazio erraldoiaren jabe nagusiari, Daniel Ek-eik, egozten zaio Israelek... [+]
Global Sumud Flotilla pasa den asteazken gauean bahitu zuen Israelgo armadak, eta bigarren flotilla bat abiatu zen Gazara, laguntza humanitarioa ematera eta blokeoa haustera. Freedom Flotilla and Thousand Madleens ontzidia ere bahitu dute, eta 140 ekintzaile atxilotu.