PSOEk debekatu egin dio PSNri Barcinaren aurkako zentsura moziorik aurkeztea
PSOEko zuzendaritzak erabaki du PSNk ez duela Yolanda Barcinaren aurka zentsura moziorik jarri behar Nafarroako Legebiltzarrean. Kaleratu duten oharrean irakur daitekeenez, PSNk ez du beste inongo taldek aurkez dezakeen moziorik onartuko. Erabakia asteazken gauean zabaldu dute, Nafarroako sozialistek ostegunean egin behar duten bileraren aurretik.
aurre egingo dieten hedabide independenteak
Jakitea falta da ea PSNk bere egingo duen Batzar Exekutibo Federalaren erabakia.
Roberto Jimenez sozialista nafarren idazkari nagusiak esan zuen Barcinak dimititu ezean "bota" egingo zutela, Idoia Nievesek Lourdes Goicoechea Nafarroako Gobernuko Ekonomia kontseilariak Ogasunean egindako ustezko esku hartzeak salatu eta eskandaluak Nafarroako presidentea zipriztindu ondotik.
PSNko gazteak Madrili autonomia errespetatzeko eskatu dio
PSNko gazteek komunikatu baten bitartez eskatu dute PSOEk errespeta dezala alderdiak Nafarroan duen autonomia, Diario de Noticiasek dioenez.
Hauteskundeak deituko balira, PSNko hautagaia aukeratzeko mekanismoak martxan jar daitezela ere eskatu dute.
PSNko buruek diotenari entzun gabe
Atzo Aralar-NaBai PSNrekin bildu zen azken hori egiten ari den elkarrizketa errondan. Patxi Zabaleta Nafarroako Legebiltzarreko Aralar-Nabai taldeko bozeramaileari bilerak eman zuenaz galdetuta azaldu zuenez, PSNk gaur arratsaldeko 6etan egingo duen herrialde batzarrean zegoen zentsura mozioak aurrera egingo ote zuen edo ez ikusteko gakoa. "Gehiengo esanguratsua zentsura mozioaren alde agertuko dela esan digute eta ondoren, ostiralean, Madrilera joango direla haiek horretaz konbentzitzera".
PSOEk ez du gaurkora itxaron, ordea, erabakia hartzeko.
Zabaletak aurreikusten zuen horrelako zerbait gerta zitekeela: "2007ko udan gertatu zenarekin gero eta antza handiagoa du honek. Orduan ere PSNk oso gehiengo handiz erabaki zuen NaBairekin gobernua osatzea, baina Madrilek ezetz esan zuen".
"PSOEri batez ere inporta zaio Nafarroan egiten denak nola eragingo dion Ebrotik behera", Zabalateren ustez. "Azkenean garrantzitsuena da Andaluzian, Madrilen edo Extremaduran zer pentsatzen duten. PSNk lehenago ere izan zuen hondamendia. Gure ustez, Nafarroan alternatiba gauzatzen bada, bere ezaugarri nagusia baztertzailea ez izatea izango da. Guk argi esan diegu ez dugula salbuespenik onartzen. Guk hitzarmen estrategikoa dugu Bildurekin, baina horrez gain, ikuspegi demokratikotik ere ezin da halako bazterketarik onartu".
Belateko tunelen adjudikazioan ez zela irregulartasunik egon esan du Nafarroako lehendakari Maria Chivitek. Espainiako Senatuan egin du agerraldia, Koldo auzia ikertzeko batzordean.
Nafarroako Gobernuak azken urteotako esleipen publikoen gaineko txostenak eskatu dizkio ustelkeriaren kontrako bulegoari Nafarroako Parlamentuko ikerketa batzordeak aginduta. Belateko txostenean, esleipena erabakitzerako orduan arau haustea ikusi du bulegoak.
Joxe Lacalle Huarte da horietako bat, 1978an Guerrilleros de Cristo Rey taldeak bere tabernan egindako eraso baten biktima izan zen; 1979an lehergailu bat jarri zioten tabernan eta 1981ean Guardia Zibilak torturatu egin zuen. Gainerako bostak Espainiako Poliziak torturatu... [+]
Nafarroako Torturatuen Sareak eta Egiari Zor elkarteak ostegunean jakinarazi dutenez, Nafarroako Gobernuak “giza eskubideen urraketaren biktima” modura aitortu ditu sei herritar, 16/2019 Foru Legearen babesean.
Tenperatura igoera dago aurreikusita datozen egunetarako, eta, sute arriskuak ekiditeko, ostegun iluntzeko 20:00etatik aurrera debekatuta egongo da uzta lanak egitea. Aurretiaz ere neurriak hartuta zituen gobernuak, baina Zarrakazteluko sutea kontrolpean izanda, neurriak malgutu... [+]
338 hektarea erre ditu astearteko suteak. Nekazarien sindikatuak haserre agertu dira Nafarroako Gobernuak suteak saihesteko ezarritako murrizketekin. Asteazkenean beste sute bat piztu da Artaxoa eta Añorbe artean, baina hura ere kontrolpean dute suhiltzaileek.
Suhiltzaileek kontrolpean dute Ibarbeibar ibarreko sutea, Eneritz, Muruzabal, Añorbe eta Obanos herrietan egondakoak hain zuzen ere. Nafarroako Gobernuak behin-behineko debekua ezarri dio nekazaritzan sua erabiltzen duen edo sor dezakeen makineriari.
María Chivite Nafarroako Presidentearen "konfiantza galdu" duela eta, Ramón Alzórrizek PSNko idazkariorde nagusi eta Nafarroako Parlamentuko bozeramaile izateari utziko dio. Bere bikotekidea Servinabar enpresan lanean aritu zela publiko egin ostean eman du... [+]
BSHk Ezkirotzeko lantokia itxiko duela berretsi du, 655 langile kaleratuko ditu eta Nafarroako Gobernua eta langileak "denbora" eskatzen ari dira, "berrindustrializatzeko".
Dagoeneko Guardia Zibilek eta zenbait herritako udaltzaingoek badute taser pistolak erabiltzeko eskumena Nafarroan, eta badirudi bide horretan hurrengoa Foruzaingoa izango dela: Nafarroako Kontseiluak Foruzaingoak taser pistolak eman ahal izatea "indarrean dagoen... [+]
Hamaika familiak egin dute ikastetxe publikoan D eredura pasatzeko eskaera. Zentroak baiezkoa eman du, baita Udalak ere, baina errefusatu egin du Nafarroako Gobernuak "espazio falta" argudiatuta.
Telefonicak intzidentzia bat izan du eta horrek sare finkoan eragin du. Ondorioz, EAEko Larrialdiei Kudeatzeko Zentroa kaltetu da. Hala ere, arazoa konpondu dela ezagutarazi dute eta 112 larrialdietako telefonoa martxan dago berriro. Nafarroan ere eragina izan du, baina... [+]
Nafarroako funtzio publikoan 30.000 langile zeuden grebara deituta asteazken honetan. Deialdiak jarraipen desberdina izan du sektorearen arabera, eta sindikatuek salatu dute foru gobernuak "abusuzko" gutxieneko zerbitzuak ezarri dituela nahita.
Hego Euskal Herriko lau hiriburuetan egin dituzte manifestazioak. Israelek Palestinan egin duen eta aurrera daraman genozidioarekin kolaboratzen duten enpresei laguntza publikoa emateri uzteko eskatu diete Nafarroako Gobernuari eta Eusko Jaurlaritzari.
Itxaron zerrendak gutxitzeko Osasunbideak hartutako estrategiak gaitzetsi ditu Plataformak
