Patxi Leuza (Geroa Bai): “Inoiz ez ditugu jakingo Barcinaren erabakiaren benetako arrazoiak”

  • “Iragarritako amaiera” izan da Barcinaren asteleheneko iragarpena Patxi Leuza Geroa Baiko parlamentarioarentzat. Albiste ona dela uste du, ez hainbeste oposizioko alderdientzat, baina bai gizarte nafarrarentzat.


2014ko azaroaren 11n - 00:00
Azken eguneraketa: 2015-02-26 13:37:33
Patxi Leuzak uste du Barcina ez doala bere borondatez (argazkia: Nafarroako Parlamentua).

“Inoiz ez ditugu jakingo erabakiaren atzean dauden benetako arrazoiak”, adierazi du Leuzak; “Barcina ez doa bere borondatez”. Erabakiaren berri UPNren exekutibaren ondoren eman duela gogoratu du eta beraz, “gertatu dena, asteburu honetan gertatu dela”.

Leuzak dio bere “etsairik handienari” ere opa ez dizkion baldintzetan utziko duela barku forala Barcinak, Volkswagen auziarekin, aurrekontu luzatuekin, balantzaka dabilen PSNrekin…

Horren aurrean, aldaketaren aldeko indar politikoek sozialista nafarrekin kontatu gabe gehiengo soziala lortu behar duela uste du. “Azken urteetako gertakariek” erakusten dute, bere esanetan, PSN ez dela fidatzeko moduko aliatua.

Nork ordezkatuko du Barcina?

Nafarroako presidentea kargurako berriz aurkeztuko ez dela jakin ostean haren ordezkoa izan daitekeenari buruzko kinielak egiten hasi dira zenbait hedabide. Diario de Navarraren astearteko azalean lau izen ematen dituzte, baina Leuzaren ustez UPNren baitan “familien arteko gerra” baten erdian daude eta ezer ez dago ziur.

Hilaren 21era bitarteko epea daukate UPNko kideek buruzagitzara beren burua aurkezteko. Azaroaren 30ean Tuteran egingo den alderdiaren egunean aurkeztuko dute, seguruenik, alderdiko zerrendaburu berria.


Kanal honetatik interesatuko zaizu: Nafarroako politika
Bonbak eta munizioa jaurtiko dituzte aste guztian Bardeako tiro poligonoan

Herrialde askotako hegazkinak izanen dira Bardean gerrarako ariketa militarrak egiten. Benetako bonbak eta munizioa erabiliko dituzte horretarako. Aste osoan izanen dira lan horietan eta Poligonoaren Aurkako Asanbleak zalantzak ditu segurtasuna ziurtatuko ote duten... [+]


Mikel Oteiza, Atarrabiako alkatea: “Gure eraikinetatik euskalduntasunarekin lotura duten ikur eta adierazpen guztiak modu basatian ari dira ezabatzen”

Tristeziaz hartu du Atarrabiako alkateak Nafarroako Justizia Epaitegi Nagusiaren epaia. Euskal Herriko armarria ezabatu beharko du herriko frontoiko hormatik. “Bere garaian ikurriña kentzera behartu ziguten bezala” adierazi du Euskalerria Irratian Mikel... [+]


Iruñeko Udaleko aurrekontu hitzarmena sinatu dute lau indarrek

EH Bilduk, PSNk, Geroa Baik eta Zurekin Nafarroak hitzartu dute akordioa.


2024-03-04 | Ahotsa.info
Nafarroako autogobernua eta herritarren borondate demokratikoa errespetatzea eskatu dute Iruñean

"Nafarroa defendatu" manifestua kaleratu eta sinatu duten 120 alkateek egindako deialdiari erantzunez, Iruñeko Sarasate Pasealekuan elkarretaratzea izan da larunbat arratsaldean. Auzitegi Gorenak Trafikoaren eskumena Nafarroari transferitzea baliogabetzea... [+]


Eguneraketa berriak daude