‘Passione’ gehitxo
Fitxa: ‘Passione d’amore’ errezitaldia. Bakarlariak: Martina Serafin (sopranoa) eta Carlo Ventre (tenorea). Nafarroako Orkestra Sinfonikoa. Zuzendaria: Roberto Rizzi-Brignoli. Egitaraua: Verdi, Puccini, Mascagni eta Giordano-ren obrak. Lekua: Euskalduna Jauregia. Data: Ekainaren 2a.
OLBEren 60. denboraldia amaitu ostean, kontzertu berezi bat eskaini zigun gure artean hain errotuta dagoen elkarte operazale honek. Passione d’amore izenburuarekin, “entzuteko beharrekoak” diren aria eta duettoz osatutako egitarau erakargarri bat izan zen platera. Hau da, txalo eta bravo galantak sortarazten dituzten programa horietako bat. Polita benetan. Eta artistak, paregabeak: Martina Serafin soprano austriarra, ahots ederrekoa eta eskarmentu handikoa, eta Carlo Ventre tenore uruguaiarra (aurretik aurreikusita zegoen Marco Verti italiarra ezin izan zen etorri). Biek beren onena eman zuten, zalantzarik gabe. Baina, bai egitaraua pasionalegia zelako, bai abeslarien estilo enfatikoagatik (nahiz eta, esan bezala, kalitate mundialekoak izan), esan genezake errezitaldi efektistegia suertatu zela. Baina, agian, hori behar zen denboraldiaren azken saio berezi honentzako.
Halere, disfrutagarria izan zen, oso, kontzertua. Modu egokiz aritu zen Nafarroako Orkestra Sinfonikoa, Roberto Rizzi-Brignoli italiarraren batuta nerbiodunpean. Momentu magikoak eman zizkiguten nafarrek. Adibidez, Mascagni-ren Cavalleria rusticana operaren Intermezzoa, leuna eta ameslaria atera zen. Sokaren doitasuna eredugarria izan zen. Hasierako Verdi-ren La forza del destino-ren Sinfonia ere taxuz interpretatu zuten. Laburbilduz, soinu biribila eta adierazkortasuna eskaini zuten parra-parra oskestrakoek. Gozamen bat.
Esan bezala, bakarlariek interpretazio distiratsuak eskaini zituzten. Martina Serafinek interpretatu zuen lehenengo arian, Tosca-ren Vissi d’arte famatuan, bere ahots boteretsua eta bere jarrera eszenatokian deigarriak izan ziren. Zoragarria izan zen baita ere Puccini-ren Manon Lescaut operaren Sola, perduta, abbandonata ariaren bertsioa, sakon eta dramatikoa. Agudo ederrak ditu Serafinek, eta ertaineko erregistro interesgarria ere bai. Carlo Ventre tenoreak, berriz, maitemindu egin zituen entzuleak. Ahots zirraragarria du abeslari honek, harmonikoz betea. Bestalde, erraztasuna du agudo izugarriak egiteko. Agian errezitaldiaren momentu nabarmenena Ventrek abestutako Turandot-en ‘Nessum dorma’ aria famatua izan zen. Poltsikoan sartu zuen jendea, hain adierazkorra eta boteretsua izan zen interpretazioa. Txalokada handiz saritu zuen publikoak saio entretenigarri hau.
Norbere gorputzaren gaineko erabakiez, estetika heteropatriarkalaren morrontzaz, kontraesanez eta musikaren industriaz solastatzeko baliatu dugu Arrigorriagako polemika: herri horretako jai batzordeak Vulkano orkestra festa-egitarautik kentzea erabaki du, ikuskizuneko... [+]
Danimarkako Gobernuak argudiatu du, azken urteotako aldaketa geopolitikoen aurrean defentsarako baliabide gehiago behar dituela. Errusiak Ukraina inbaditu izana aipatu dute preseski, baita AEBetako Trump presidenteak Groenlandia uhartea kontrolatzeko asmoa iragarri izana ere... [+]
Hori da Munduko Osasun Erakundeak iragarri berri duen zenbaki ikaragarria. Horregatik, osasun arloko profesionalen CPTS taldeak prebentzio kanpaina berria plazatu berri du, publiko handia asaldatzeko.
Europako Batzordeak, Batasunaren barne-segurtasuna indartzeko promesarekin, aspaldi lantzen ari den bide-orri bat aurkeztu du segurtasun-indarrek herritarron datuetarako sarbide eraginkor eta zilegia izan dezaten. Krimen antolatua, terrorismoa, haurren abusua eta antzeko... [+]
Frantziako Estatutik kanporatu zituzten, asilo-eskaerak Espainiako Estatuan egin behar zituztela esanez. Asteak daramatzate zain Donostiako Amara auzoan.
Erakundeek, beren helburua bete ondoren ere, bizirik irauteko ahalegina egiten dute, Max Weber-ek zioen modura. Baina porrotaren kontzeptuaren eremutik haratago joan eta jakinduria eta ausardia behar dira elkarte bat amaitzeko, Alan Badiou gogoratuz.
Euskal Herrian ere... [+]
Hainbat gauez jarraian, gorrotoa eta arrazakeria hedatu eta "etorkinen aurkako ehiza" egin dute Murtziako herri batean, "Espainia garbitzeko". Kolektibo antiarrazistek ultraeskuinaren inpunitatea salatu dute.
BiziLagunEkin plataformak desazkunde turistikoaren aldeko Euskal Herriko topaketak egingo ditu Donostian, elkar ezagutzea, esperientziak partekatzea eta gogoeta kolektiboa egitea helburu. Egitarauaren xehetasunak datozen asteetan jakinaraziko dituzte.
Eusko Jaurlaritzako Segurtasun Sailaren arabera, hainbat pertsonen arteko borroka bat zela eta bertaratu dira larunbat gauean ertzainak Ordiziara (Gipuzkoa), eta liskarrak izan dira. Bi ertzain ospitaleratu dituzte: bat lepauztaia apurtuta eta masailean ukabilkada bat jasota;... [+]
Euskal Herritik eta Kataluniatik abiatu da aurtengo Mugak Zabalduz karabana. Calaisko itsasartea, Frantziako Estatuan du helmuga, giza eskubideak bermatzea eta berehalako erregularizazioa eskatzen ditu besteak beste.
Mugimendu Feministak deituta, ehunka herritar, ordezkari politiko eta jaietako talde bildu dira uztailaren 13an Iruñeko Gaztelu Plazan. Intentsitate handiko eraso baten eta intentsitate txikiko beste hainbat erasoren testuinguruan egin dute elkarretaratzea. Eraso sexistarik... [+]
Bere buruzagi historiko Abdullah Öcalenek joan den astean Turkiako Imraliko espetxetik eskatutakoari men eginez, PKK Kurdistango Langileen Alderdiak ekin dio armagabetzeari. Ostiralean egin dute ekitaldia, Iraken menpeko Kurdistango Sulaimaniya hirian, eta 30 gerrilari... [+]
153 orrialdeko txosten bat kaleratu du parlamentuak. AEBak ez ditu apenas zuzenean aipatu, baina horretarako "ikuspegi atlantista" terminoa erabili du: "Europak darabilen ikuspegi horrek gerra-komertziala ekarri du Europaren eta Txinaren artean, ageriko kalte eta... [+]
Konfiantzaren erronka izenburua jarri diote Kanakyko indar independentisten eta unionisten arteko akordioari. Ozeano Bareko uhartediak herrialde europarraren parte izaten jarraituko luke, baina estatu izaera lor dezake kaledoniarrek hala bozkatzen badute. Datorren urte hasieran... [+]