ARGIA.eus

2021eko apirilaren 21a

Parte-hartzea krisi garaietan: lantokietatik datorkigu hausnarketa

  • Ekonomia sozialean diharduten Beterri eskualdeko enpresek Covid-19ak euren lantokietan sorturiko egoera berriari nola aurre egin dioten hausnartuko dute. Parte-hartzean oinarrituriko ekosistema bat sortzeko Beterri Saretuz programaren baitan egingo dute jardunaldia Hernanin.

ARGIA @argia
2020ko urriaren 07a
Beterri Saretuz programaren tailerretako bat Hernaniko Iturola Elkarlan Sorgunean

Koronabirusaren pandemiak azalerazitako krisi anitzen aurrean, ekonomia sozialeko enpresetan erabaki zailak hartu behar izan dituzte eta erronka itzelei egin behar izango diete aurre etorkizunean ere. Nola egin dute? Eta nola egingo? Galdera horri erantzuteko jardunaldia antolatu dute ostegun honetan Hernanin Beterri Saretuz programaren sustatzaileek.

Krisi garaietan parte-hartzeak duen garrantziaz jabetuta, hilabeteotan enpresetan izan dituzten bizipenak konpartituko dituzte, besteak beste. Era berean, “aurrera begirako erronken inguruan hausnartu eta pandemiak azalerazitako krisi ezberdinei aurre egiteko, proiektu parte-hartzaile honek izan dezakeen baliagarritasunaz” ere ariko dira.

Parte-hartzean oinarrituriko enpresen ekosistema bat sortzeko helburuz abiatu zuten Beterri Saretuz programa, Gipuzkoako Aldundiaren eta Beterri-Buruntza Udalen laguntzarekin. 2019ko azaroan Hernaniko Orona-Ideon elkartu ziren hainbat esperientzia ezagutzeko, eta otsailean tailer batzuen bidez parte-hartzea bultzatzeko oinarrizko diren gakoak identifikatu zituzten.

Ostegunekoa hirugarren jardunaldia izango da eta aurreko saioetan bildutako edukiak antolatu dituzte; balio eraldatzaileetan oinarrituriko ideia eta material horien gida aurkeztuko dute Hernanin, “egindako lanaren aitortza gisara”. Jardunaldia Biteri Kultur Etxean izango da, goizeko 9:30etik 12:30era.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Ekonomia eraldatzailea  |  Hernani  |  Enpresak  |  Beterri Saretuz

Ekonomia eraldatzailea kanaletik interesatuko zaizu...

Azkenak EGILEA
Argia buletina
Egunaren laburpena
zure e-postan
Eguneraketa berriak daude