Parte-hartzean oinarrituriko enpresen sarea sortuko dute Beterri-Buruntzan

  • Enpresa parte-hartzaileen ekosistema sortzeko lehen pausoa emango dute laster eskualdean. Proiektua azaroaren 7an aurkeztuko dute, Hernaniko Orona-Ideon antolatutako jardunaldi baten bidez, eta hainbat enpresen esperientzia ere ezagutaraziko dute.


2019ko urriaren 30an - 10:31
Azaroaren 7an Hernaniko Orona-Ideon eskualdeko bost enpresak parte-hartzearen inguruan izandako esperientzia entzuteko aukera izango da.

Denbora daramate biltzen Beterri-Buruntzako hainbat enpresa eta eragile, ekonomia sozial eta eraldatzailearen bueltan hausnartu eta nola saretu aztertzeko. Talde eraginkor eta iraunkorra izateko estrategia horretan, lehen helburua finkatu dute: parte-hartzean oinarrituriko ekosistema sortzea.

Azaroaren 7an jardunaldi bat egingo dute Hernaniko Orona-Ideon, eskualdeko enpresak, ekintzaileak, lanbide heziketako eragileak eta garapen agentziak batzeko. Beterri Saretuz izeneko programa aurkeztuko dute: lan-mahaien eta elkarren arteko ezagutzaren bidez, enpresek euren barne egituretan parte-hartzea bultzatzeko tresna edo gida bat izatea da asmoa.

Langileek kapitalean eta erabakiguneetan duten parte-hartzea funtsezkoa da, ekonomia sozialaren ikuspegiak barneratu nahi dituen enpresa ororentzat. Erakunde publikoak ere jabetu dira horren garrantziaz eta lehentasuna ematen hasiak dira. Hain zuzen, Beterriko ekimenak Gipuzkoako Aldundiaren eta eskualdeko udalen laguntza jaso du.

Ekonomia eraldatzaileaz eta eskualdeko sareaz hitz egiteko bileretako bat.

Hernaniko jardunaldia ez-ohikoa izango dela azaldu dute antolatzaileek, eskualdeko bost enpresak parte-hartzean izan duten esperientzia kontatuko baitute. Enpresa mundutik ez da normalki barne antolaketaz modu irekian hitz egiten, baina kasu honetan haien sukalderaino sartzeko aukera izango da: “Alor ezberdinetan partaidetzarako sistemak ezarri dituzte guztiek eta sektore, tamaina nahiz izaera askotakoak izanik, ikuspuntu anitza eskainiko dute”, diote.

Hernaniko Talleres Mitxelenak eta Fagor Ederlanen Usurbilgo plantak kooperatiba bihurtzeko prozesuaz hitz egingo dute; Katealegaia enplegu zentroak, bere aldetik, kapitalaren osaketa bereziaz; eta Usurbilen egoitza duen TaPuntu enpresa barne komunikazioaz ariko da –marketing digitalaren eta diseinu grafikoaren arloan egiten dute lan–. ARGIAk ere azalduko ditu Lasarte-Oriako erredakzioan horizontaltasunerantz emandako pausoak.

Hernaniko Talleres Mitxelenak 60 urte bete ditu eta soka-dantzarekin ospatu zuten; kooperatiba bihurtzeko prozesuaz eta parte-hartzeaz hitz egingo dute.(arg: OlatuKoop)

 


Kanal honetatik interesatuko zaizu: Ekonomia eraldatzailea
2024-03-03 | Garazi Zabaleta
Azokoop
Pirinioetako Artzibarren lan eta bizi: hurbileko kontsumorako denda eta proiektua

Artzibarko Urdirotz herrian, Nafarroako Pirinioetan, proiektu berri batek zabaldu ditu ateak otsailaren 24an. "Azoka-Denda" deitu diote Txabi Bados Ruizek eta Rita Perandrés Martínezek haien etxe azpian ireki duten dendatxoari. Azokoop mikrokooperatibaren... [+]


2023-11-08 | ARGIA
Aztarna ekologikoa murrizteko neurriak hartzen hasi da ARGIA liburuen eta aldizkariaren ekoizpenean

Kataluniako Ekoedizioaren Institutuko bazkide egin da ARGIA, Europako bakarra, eta Euskal Herrian halako urratsa eman duen lehen eragilea da. Zigilu baten bidez, bere argitalpenen aztarna ekologikoa neurtu eta garbi adieraziko du hemendik aurrera. Dagoeneko sei liburu ekoeditatu... [+]


Marinaledako lur komunalak espekulatzaile pribatuen eskuetan gera daitezkeela ohartarazi dute

Andaluziako Marinaleda herrian dagoen Los Humosos lursaila saldu nahi du Andaluziako Juntak. Duela hamarkada batzuk lur horiek okupatu zituztenetik kooperatiba baten bidez landu dituzte hango jornalariek, baina 2021an desalojatzeko agindua jaso zuten eta horri jarritako... [+]


Udalgintza eta herrigintza eraldatzailea: Euskal Herriko ekimen burujabeak saretzeko jardunaldiak Hernanin

Hernani Burujabe herri proiektuak, Hernaniko Udalak eta Udalbiltzak hiru eguneko jardunaldiak antolatu dituzte urriaren 19tik 21era, burujabetzen gaia ardatz hartuta, herrigintza eta udalgintza ikuspegi eraldatzaile batetik jorratzeko. Hainbat esperientziren inguruko hitzaldiak... [+]


‘Laia’ aldizkaria, ARGIArekin batera

Bidasoaldeko irakurlea bazara, honezkero izango dira hiru urte Laia aldizkariaren lehen alea jaso zenuela etxean. BDSKOOP eraldaketa fabrikak –eskualdean Ekonomia Sozial Eraldatzailean dabiltzan kooperatiba eta proiektuak biltzen dituen elkartea– Behe Bidasoan eta... [+]


Eguneraketa berriak daude