Parisek Seaskako ikasleen azterketak “bahitu” ditu, euskaldunak ez diren irakasleek zuzendu ditzaten
Donibane Lohizuneko, Hazparneko eta Mauleko zentroetatik ikasleen brebeta azterketak eraman dituzte Hezkuntza Ministerioko ordezkariek. Bordelera eraman dituzte jarraian. Guraso, ikasle eta irakasleak mobilizazioak hasi dituzte.
Frantziako Gobernuko ordezkariak Donibane Lohizuneko Ikuskaritza zentroan agertu dira lehenik. Han bilduak ziren, hain zuzen ere, hainbat ikasle, irakasle eta guraso, brebeta euskaraz egiteko eskubidea aldarrikatzeko. Ondoren, Hazparne eta Mauleko zentroetakoak ere hartu, eta Bordelera eraman dituzte denak.
Brebeta kolegio amaierako proba da. Hiru zatietatik bi euskaraz egin daitezke legearen arabera, baina zientziari dagokiona ez. Euskaraz egitea erabaki dute, hala ere. Iaz antzeko egoera eman zen. Orduan 180 ikasleren azterketak Pauera eraman zituzten Ministerioko ordezkariek.
Euskara, ondare edo "hondar"?
Edurne Manterola Ziburuko Piarres Larzabal kolegioko zuzendariak erabakia politikoa dela salatu du, orain dela bi urte zuzenduak izan baitziren azterketak. Twitter bidez adierazi da Larzabal kolegioa bera: "Gaurko berri txarra: brebetako gure ikasleen zientzietako kopiak bahituak eta Bordelera eramanak izan dira. Eta ez ditu euskaldun irakasle batek zuzenduko... euskara ondare gisa tratatua izan beharrean, hondar gisa..."
Guraso, ikasle eta irakasleak kontzentrazioak egin dituzte jazoeraren aurrean. Mobilizazioak deitu dituzte ere arratsalderako
Euskarazko kopiak Bordelera eraman dituztela salatzen ari dira guraso, ikasle eta irakasleak Hazparnen. #BrebetaEuskaraz @seaskaikastola @SeaskarenLaguna pic.twitter.com/jvqNi4Z72Q
— Ihintza Arrieta (@IhintzaArrieta) 2019(e)ko uztailaren 4(a)
Azterketa euskaraz egitea debekatzen dietela salatu du Baionako Bernat Etxepare lizeoko Euskal Herrian Euskaraz taldeak. Pasaden urtean egindako eskakizunei jarraiki, aurten ere azterketak euskaraz egiteko eskatu dute.
2026ko hauteskundeei begira, zutabe bat ireki du Enbata-k. Plantan emanak izanen diren zerrenda abertzaleen hautagaiei ideia kutxa bat eskaini nahi die, beren programak Herriko Etxeen eskumeneko sail ezberdinetan eraikitzeko. Hilabete honetan, Herriko Etxeek euskararen alde egin... [+]
Euskal hizkuntzalaritza esperimentaleko katedra berria estreinatu dute Baionako fakultatean.
25 bat eragilek adierazi diete elkartasuna apirilaren 11n Baionako auzitegian epaituko dituzten Intza Gurrutxaga eta Gorka Torre Euskal Herrian Euskaraz taldeko kideei. Egun batzuk lehenago, apirilaren 6an Baionan eginen den manifestazioan parte hartzeko deia ere luzatu dute.
Plazara, AEK, Uda Leku, Dindaia eta Ebete antolakundeak Baionan elkartu dira Famili'on egonaldi ibiltariaren lehen edizioa aurkezteko. Hizkuntza mailaren arabera eskaintza bat edo beste egongo da eta haur zein gurasoentzat izango da udaberrian.
Hizkuntzarako ere gurasoak haurrentzako eredu direla kontuan hartuta, euskararen erabilera eta irakaskuntzari buruz sentsibilizatzeko helburua duen hamabostaldia antolatu dute Hendaia, Urruña, Donibane Lohizune eta Ziburuko herriek. Martxoaren 15etik 30era guraso... [+]
Nafarroa Beherean, Aiherrako 'Beltzegitea' etxean kokatuko da Eguzkilore haurtzain-etxe berria. Euskara, natura eta motrizitate librea oinarri harturik, heldu den apirilean hasiko dira zerbitzua eskaintzen.
Euskarazko murgiltze eredua eta eredu elebiduna duten ikastetxeak gutxiengo izatetik gehiengo izatera pasa dira Ipar Euskal Herrian hogei urteotan, Euskararen Erakunde Publikoaren azterketak erakutsi duenez.
Lehenengo aldiz “euskararen aldarriak hedatzeko” azoka antolatu dute euskararen biziberritzean lan egiten duten zortzi elkartek. Euskararen egunean irekiko da azoka eta abenduko beste hiru egunetan ere egongo da zabalik.
Bankan bizi den Literatura irakasle, ikerlari eta idazlea da. Irailaren hondarrean Itsasun egin zen Irailekoak poesia jaialdiaren baitan Ipar Euskal Herriko Poesiaz eman zuen hitzaldia. Besteak beste, bertan errandakoak hona ekarri nahian hasi gara harekin solasean.
Euskal Herriko lekuen izenen frantsestearen arazoa ez da bakarrik seinale paneletan hizkuntza ez kontutan hartzearengatik izaten, duela zenbait urte hartu helbideratzeari buruzko erabaki baten gauzatzearen ondorioa ere bada.
Azal dezagun, administrazioko hainbat arlo... [+]
Larunbatean ospatu dituzte Ttinka mikro haurtzaindegiaren bost urteak Lakarran. Baxe Nafarroko euskara hutsezko egitura bakarra da, Euskararen Erakunde Publikoaren B ziurtagiriduna.
Maddi Kintanak ekainean aurkeztu du Master Amaierako Lana Bordeleko Unibertsitatearen eta Iker ikerketa-zentroaren laguntzarekin. Gazteen hizkera BAM eta inguruan du izenburu eta Biarritz, Baiona eta Angeluko 18 eta 24 urte bitarteko gazteen hizkera aztertu du. Horretarako,... [+]