Palestinako presoen babeserako elkartearen egoitzan Israelgo armada sartu dela salatu dute

  • Palestinako preso politikoen sostengurako eta giza eskubideen aldeko Addameer elkartearen egoitzan sartu da Israelgo armada irailaren 19ko goizaldean, Ramallah-n. Hainbat material informatiko lapurtu dutela salatu dute: bost ordenagailu eramangarri, memoria txartelak, hiru disko gogor, hainbat liburu eta bulegoko materiala.


2019ko irailaren 24an - 16:53

Hirugarren aldia da Addameer elkartearen egoitzan Israelgo armada sartzen dela. Lehena 2002an izan zen, bigarrena 2012an, webgunean zabaldu duten oharrean salatu dutenez.

Addameer-etik adierazi dute ez dutela halako ekintzekin lortuko egiten duten lana albo batera uztea. "Preso politiko palestinarrek pairatzen dituzten giza eskubideen urraketa guztiei aurre egiten jarraituko dugu, tortura, atxiloketa bidegabeak eta tratu txarrak barne".

Gizarte zibil palestinarreko eragileen aurkako eraso sistematikoen parte da gertaera, beren ustez. "Eraso hauek okupatzaileek egindako urraketak borrokatzen dituzten eragileen aurkakoak dira. Aldi berean, ulertzen dugu okupatzailearen kanpaina baten parte direla, giza eskubideen aldeko eta gizarte zibileko eragileak deslegitimatu, diru sarrerak murriztu eta beren ekinbidea murriztu asmoz".

Azken datuen arabera, 2019ko uztailean 5.150 preso politiko palestinar zeuden Israelgo espetxeetan.

 


Kanal honetatik interesatuko zaizu: Palestina
2024-03-27 | ARGIA
NBEk lehen aldiz su etena eskatu du Gazan

32.000 hildakotik gora eragin ditu Israelek urriaren 7az geroztik Palestinan, eta beste milaka dira desagerturik edota larri kolpaturik. Jarraipena egiten ari gara.


2024-03-24 | Reyes Ilintxeta
Kristina Berasain. Sahararekin kateatuta
"Palestinakoa ikusita, zer egingo du orain Marokok Sahararekin?"

Arnas luzeko kazetaritza maite du Kristina Berasainek. Kazetaritza pausatua. Haimaz haima ibili da sahararrekin hizketan, kontakizunak eta testigantzak bilduz, gero horiek guztiak liburu eder batean harilkatzeko. Pasioz eta pazientziaz, ia 50 urte erresistentzian daraman saharar... [+]


2024-03-24 | Marta Maroto
Inork nahi ez duen gerra saihetsezina

Hezbollah, Ekialde Hurbileko miliziarik boteretsuena, Libanoko lurretatik Israeli eraso egiten hasi zen, Gazako sarraskia hasi eta biharamunean. Palestinari elkartasuna adierazteko bigarren fronte honen etorkizuna Zerrendan gertatzen denarekin lotuta dago. 91.000 lagun inguru... [+]


Eguneraketa berriak daude