Su-etenaren gainetik pasata, Libano hegoaldean eraso egiten ari da Israel
Hamahiru lagun hil ditu Israelgo armadak asteartean, palestinar errefuxiatu kanpamentu baten kontrako aire erasoan. Aurreko erasoetan bezala, "talde terroristen" presentziaren aitzakia erabili du aldi horretan ere Tsahal armadak.
aurre egingo dieten hedabide independenteak
Libano hegoaldeari eraso egiten segitzeko intentzioarekin dabil Israel. Deir Kifa eta Shuhur herrietako herritarrei abisua luzatu die asteazkenean: "Hezbollahren azpi-egitura terroristak jo-mugan harturik", eraso eginen die, beraz hobe handik alde egitea.
Asteartean, aldiz, Sidon hiriko palestinar errefuxiatuen kanpamentuari zioten airez eraso egin, guztira hamahiru lagun hil eta beste andana kolpatu zituzten. Aldi horretan, Hamas erakundearen entrenamendu gune baten aitzakia erabili du Tsahal armadak. Lekukoen arabera, ordea, zibilak hartu ditu Israelek jo-mugan. Libanon 222.000 errefuxiatu palestinar inguru bizi dira, NBEren arabera, eta horietatik gehienak kanpalekuetan bizirauten ari dira aspalditik.
2024ko azaroan indarrean jarritako su-etenaren gainetik pasa eta Libano hegoaldeari eraso egiten segitzen du Israelek.
