Palestinako bandera erakustea delitua da Erresuma Batuko Gobernuarentzat
Erresuma Batuko Barne ministroak Suella Bravemanek bandera palestinarra astintzea “ordena publikoko delitutzat” har daitekeela adierazi du. “Israel mundutik ezabatuta ikusteko gogo bortitzaren adierazpen" gisa uler daitekeela uste du Bravemanek.
Bandera palestinarra astintzea “irain kriminaltzat” hartzea agindu dio Poliziari Erresuma Batuko Barne ministro Suella Bravemanek. Poliziaburuei bidalitako komunikatu batean “testuinguruaren garrantzia” azpimarratu du Bravemanek: "Egoera jakin batzuetan zilegi izan daitezkeen jokabideak, hala nola bandera palestinar bat erakustea, baliteke ez izatea terrorismo-ekintzak loriatzea denean".
Halaber, adierazi du ekintza hau “Israel mundutik ezabatuta ikusteko gogo bortitzaren adierazpen” gisa uler daitekeela. Barne ministroak segurtasun kideei eskatu die “irizpide bera” aplikatzea Israelen aurkako manifestazioetan svastikak egotearen aurrean.
Kritika zuzenak egin dizkio eskaera horri Lorden Ganberako kide eta giza eskubideetan aditua den Shami Chakrabartik: “Poliziaburuek euren botereak eta erantzukizunak ezagutzen dituzte, eta une zail hauetan egiten duten lana politizatzeak ez du komunitate ahulen segurtasuna bermatzen”.
Bravermanen eskaeraren aurrean asko dira kritiko agertu diren herritarrak eta hainbatek Israelgo enbaxadaren aurrean manifestazioa egin dute, Palestinako banderak eskuan zutela. Egoera honen aurrean, barne ministroak bere “kezka” adierazi du.
Manifestari batek bandera ordezkatu du
Sheffield Kontseiluak Britainia Handiko Gobernuaren agindupean Israelgo bandera jarri du Gaza bonbardatu ostean. Manifestari bat, ordea, udaletxearen eraikinera igo da eta palestinar bandera jarri du haren ordez, jendetza txaloka ari zela. Ondoren, ihes egitea lortu du. Egoera horren aurrean, Bravermanek Poliziari eskatu dio “legearen indar osoa” erabiltzea.
Israelgo herritarrek eta jarraitzaileek ere manifestazioa egin dute Downing Streeten. Erresuma Batuko lehen ministro Rishi Sunak sinagoga batean izan zen egun berean, Israeli babesa emateko. Sunakek nabarmendu du Hamas “erakunde terrorista debekatua” dela, eta “inork ez lukeela babestu behar, horretan dihardutenek, legearen aurrean erantzun dezatela ziurtatuko dutela". Poliziak gida "oso argia" eta gobernuaren aholkuak dituela gehitu du, "legez kanpoko edozein jardueraren aurka jarduteko”.
Migrazio krisia deitzen diote neoliberalismoaren ondorio ankerrenetako bati. Ultraeskuinaren agendaren lehen puntuetako bat da langile klaseko migratzaileen aurkako neurri sorta. Baina faxismo berrituaren lorpenik handiena da gainerako indar politikoek bere egitea haien agenda... [+]
Anstey (Ingalaterra), 1779. Leicesterren kanpoaldeko herriko ehungintza fabrika batean, ugazabak Ned Ludd izeneko aprendizari errieta eta jipoia eman zizkion, ehungailua gaizki erabiltzen ari omen zelako. Haserre, Luddek mailu bat hartu eta bi makina hondatu... [+]
BBCko 100 langile baino gehiagok gutun bat argitaratu dute hedabideak Israelen alde duen jarrera salatzeko. Modu anonimoan egin dute, bestela "ondorio larriei" egin beharko lieketelako. Erresuma Batuko kultura eta komunikazio arloko beste 300 pertsonek ere sinatu... [+]
Urtebete eta erdiz sarraski genozidak gauzatu ondoren, Erresuma Batuko zenbait hedabidetako kontseilu editorialek hitza hartu dute, bat-batean, Israel Gazan egiten den sarraskiaren aurka. Establishmenteko gizatxar mediatikoek aldaketa usaina hartu diote haizeari.
Erresuma Batuko ika-mika parlamentarioaren mamia zen Keir Starmerren gobernuak, azkenean, sinatu duela Maurizioko Errepublikarekin Txagos uhartediaren subiranotasuna hari aitortzen dion tratua. Hori bai, bertan AEBek (Erresuma Batuaren presentzia hutsaren hurrengoa baita) duten... [+]
Astearte eguerdian egin du ohartarazpena Nazio Batuen Erakundeak. Astelehenean laguntza humanitarioa daramaten bost kamioi sartuko direla iragarri du Israelek, hamaika asteko blokeo erabatekoaren ostean. "Tanta bat da ozeanoan", adierazi du Tom Fletcher NBEko Giza... [+]
Errepikatu nirekin: Sara Millerey. Ez dezagun ahaztu bere izena. Transfeminizidioaren biktima da Millerey: gorrototzaile transmisogino batek torturatu zuen, besoak moztu zizkion eta bizirik bota zuen ibaiertz batera. Bi orduko agoniaren ondoren hil zen.
Errazagoa da J.K... [+]
Kondenatutako atzerritarren nazionalitateari buruzko datuak argitaratuko dituela adierazi du Erresuma Batuko Barne ministroak. Bide beretik, pasa den astean ezagutarazi zen Aste Nagusian atxilotutako 79 pertsonaren argazkiak filtratu zituela Ertzaintzak.
"Bakearen" bidean, Errusiak proposatu du kontrolpean ez dituen lurraldeei uko egitea. Trukean AEBk hainbat onura emango dizkio, Financial Timesen arabera. Hala ere, Kremlineko bozeramaile Dmitry Peskov-ek abisu egin du: "Ez fidatu hedabideez, ezta errespetagarriak... [+]
Londres, 1944. Dorothy izeneko emakume bati argazkiak atera zizkioten Waterloo zubian soldatze lanak egiten ari zela. Dorothyri buruz izena beste daturik ez daukagu, baina duela hamar urte arte hori ere ez genekien. Argazki sorta 2015ean topatu zuen Christine Wall... [+]
Petrolio-ontzi batek eta zamaontzi batek elkar jo dute astelehen goizean Ipar Itsasoan, Ingalaterrako ipar-ekialdean. Talkak Jet-A1 erregaia zuen petrolio-ontziaren tanke bat apurtu du eta kezka da nagusi, izan ditzakeen ondorio ekologikoengatik.
.jpg)
Hala iragarri du Keir Starmer Erresuma Batuko lehen ministroak Londresen eginiko goi bileran. Etxe Zurian Trumpek Zelenskiren aurka egin ostean, izandako eztabaidaren aurrean, Europako buruzagiek babesa adierazi diote Ukrainako presidenteari.
Agintean dagoen Alderdi Laboristak atxiloketen eta deportazioen irudiak erakutsi ditu, eta urtarril honetan "errekorra" egin duela esan du, harro-harro.
192 milioi sagar 2024. urtean. Segundoero sei sagarretik gora saltzen du Britainia Handiko Tesco supermerkatu kate han ezagunak; ia 27.000 tona. Zenbaki ikusgarriak dira baina are harrigarrigoak dira bertokoak, Ingalaterrako sagarrak direla jakinda.