Netanyahuk dio ‘Palestina askatu’ dela gaur egungo ‘Heil Hitler’
Washingtonen Israelek duen enbaxadako bi langile tiroz hilda agertu eta gero egin ditu adierazpenak Netanyahuk. Israelgo Gobernuak zuzenean lotu ditu Washingtongo erasoak eta Europako zenbait gobernuburuk Gazako sarraskiaren aurka egindako adierazpenak.
"Palestina askatu" oihu artean atxilotu zuten ostegun goizaldean AEBetako Israelgo enbaxadako bi langile ustez hil zituen gizona. Horri heldu dio Benjamin Netanyahu Israelgo lehen ministroak hilketa antisemitatzat jotzeko: "Neonazi hauentzat ‘Palestina askatu’ da gaur egungo ‘Heil Hitler’". Gazako sarraskia eta laguntza humanitarioa galaraztea salatu dituzten herrialdeak, batez ere europarrak, jarri ditu jomugan Netanyahuk, eta harago joan da Kanpo Harremanetako ministro Gideon Saar: "antisemitismoa" bultzatzea leporatu die, eta horrek Washingtongo erasoa eragin duela azpimarratu.
2023ko urriaren 7tik ia bi urte bete direnean, nazioarteko zenbait gobernuk, tartean Europako Batasunekoak, publikoki adierazi dute Gazan gertatzen ari dena "izugarria" dela, eta Netanyahuri eskatu diote laguntza humanitarioa sartzen uzteko. Egindako adierazpen horiek gaitzetsi ditu Isralego Gobernuak, Washingtongo erasoaren ostean emandako prentsaurrekoan, eta Saarrek salatu du nazioarteko lider horiek "Palestinako propaganda terrorista" irentsi dutela: "Genozidioari, gizateriaren aurkako krimenei eta haurren hilketei buruzko difamazioak bidea zabaltzen du hiltzaileentzat".
Egoera horrela, nazioarteko erreakzioak bizkor heldu dira. Erasoa kondenatu dute Europako Batasunak eta Erresuma Batuak, besteak beste, eta gertatutakoa "ekintza antisemita" gisa definitu du Keir Starmer Erresuma Batuko lehen ministroak. Gehitu du: "Antisemitismoa desagerrarazi behar dugu, agertzen den lekuan agertzen dela. Betiko moduan, komunitate juduari nire elkartasuna adierazi nahi diot". Starmerren moduan, bide bera hartu dute Emmanuel Macron Frantziako lehen ministroak eta Friedrich Merz Alemaniako kantzilerrak. Jada hartu dituzte lehen neurriak: komunitate judutarrari lotutako lekuetan bigilantzia areagotu du Frantziak.
Bitartean, herio eta gose
Bonbek eta goseteak ez dute etenik Gazan. Ostegunean, gutxienez, 52 lagun hil eta Jabaliako hirian ospitale bateko biltegia bonbardatu zuten.
NBEk asteartean ohartarazi zuen 48 orduan laguntzarik sartu ezean 14.000 haurrek gosez hiltzeko arriskua dutela.Nazioarteko zenbait buruzagik presioa egin dute, Starmer Erresuma Batuko lehen ministroa izan da horietako bat, Gazara laguntza humanitarioa sartzen utzi dezaten. Ostegunean presioei men egin eta 200dik gora kamioiri sartzen utzi zien Netanyahuk. Baina horietatik 90i baino ez die eman baimenik Israelek laguntza banatzeko.. NBEk ohartarazi duegunean 500 kamioi behar direla Gazako gose krisiari aurre egiteko. Bi hilabete eta erdian muga itxita inolako laguntzarik jaso barik egon eta gero, behar duten laguntzaren erdia baino gutxiago sartzen utzi du Netanyahuren gobernuak, gosea ere arma gisa hartuta.
Urtebete eta erdiz sarraski genozidak gauzatu ondoren, Erresuma Batuko zenbait hedabidetako kontseilu editorilek hitza hartu dute, bat-batean, Israel Gazan egiten den sarraskiaren aurka. Establishmenteko gizatxar mediatikoek aldaketa usaina hartu diote haizeari.
.jpg)
Gazako Osasun Ministerioaren arabera, AEBek eta Israelek kontrolatzen dituzten laguntza humanitario banatzeko zentroetan 102 palestinar hil dituzte azken zortzi egunetan: "Gerra krimen beldurgarria da, nahita egindakoa eta behin eta berriz errepikatutakoa". Erasoa... [+]
%56k, gainera, bortxazko kanporatze hori "are gehiago zabaltzearen alde" daude: horien esanetan, 1948an Israelek okupatutako lurretan ez litzateke arabiarrik bizi beharko.
5.000 lagun inguru bildu dira Yala Nafarroak eta BDZk igande honetan Iruñean deitu duten manifestazioan, Israelekin harremanak haustea eskatzeko. Halaber, erregimen sionistarekin edo Israelgo enpresekin interesak eta negozioak mantentzen dituzten Nafarroako enpresen eta... [+]
Israelgo armadako tankeak eta droneak zentrora bertaratzen ari ziren palestinarrei eraso egiten hasi dira, eta 31 lagun hil eta 115 zauritu dituzte. Israelek AEBek proposatutako su-etena onartu ostean, Hamasek zenbait baldintza gehitzea eskatu du: su eten iraunkorra... [+]
Gernika-Palestina herri ekimenak antolatuta, Palestinako egunerokotasun odoltsua irudikatu dute gaur eguerdian Alderdi Ederren. Gorputzak goitik behera izara zuriz estalita, lurrean etzan dira ehunka lagun, Palestinan egunero bizi duten egoera lazgarriari erreferentzia eginaz.
Zein da otordu egoki baten proportzioa. Nondik dator egunero ahora eramaten dudan ogia. Zergatik ez dut goserik. Nork erabakitzen du zu ez zarela ni, gu ez garela berdinak. Nola egiten da janaria. Non altxatzen dira dorre garaiak eta non harresi mortalak. Nork jaten du eskuekin... [+]
Mohamed Sinwar Gazako Hamaseko burua hilik agertu da, Israelgo armadak Gazan egindako bonbardaketa batean. Hamasek oraindik ez du baieztatu Sinwarren heriotza.
Israelek AEBetako enpresa bati eman dio laguntza humanitarioa banatzeko ardura, eta NBEk salatu du laguntza banaketako irudiak “oso larriak” direla. Israelek defendatu egin du banaketa sistema. Jakinarazi dute asteazkenean ez dutela laguntza humanitariorik... [+]
Ekialde Hurbila lehen aldiz zapaldu eta bi hamarkadatara, Gazaren historia eta bertako istorioak dakartza Mikel Ayestaranek (Beasain, Gipuzkoa, 1975) bere azken liburuan: Historias de Gaza. La vida entre guerras (Gazako kontakizunak. Gerra arteko bizitza) (Península,... [+]
Bilboko hooligan inbasioari buruz idatz nezakeen, baina herri txiki batean bizi naiz ni eta ez dut sufritu. Euskaraldiari buruz idatz nezakeen, eskerrak emateko euskarari bizkarra ez ematen lagundu gaituzuenoi, baina ez da hori gorputzak eskatzen didana.
Egunak daramatzat gai... [+]
Maiatzaren hasieran zerrendaren aurkako oldarraldia "gogortuko" zuela iragarri ondoren, esandako berresten ari da Israel: azken 224 orduetan 50 lagun hil ditu. Gainera, Gazan bizi diren 2,5 milioi palestinarrek pairatzen duten gosetea areagotzen ari da azken asteetan... [+]
Ekainaren 13an hasita 50 kilometroko martxa egingo dute hiru egunez Egiptoko Sinaiko basamortuan barrena Rafahko pasabidera arte, Gazako muga irekitzea eta genozidioa gelditzea exijitzeko. Momentuz munduko 32 estatutako 1.000 pertsona inguruk eman dute izena, horien artean... [+]
NBEk azaldu duenez, egunotan soilik 90 kamioi sartu ahal izan dira lurraldera oinarrizko elikagaiekin; beste 105 zain daude mugan. Gazako gobernuaren prentsa bulegoak emandako datuen arabera martxotik 326 pertsona hil dira elikagai eta botika faltagatik eta 300 abortu izan dira... [+]
Europako Batasunak ere Israelekin dituen akordio komertzialak “berrikustea” erabaki du, 27 estatutik 17k aldeko botoa eman eta gero. Dagoeneko 53.000 hildakotik gora eragin ditu Netanyahuren gobernuak.