90 kamioi baino ez dira sartu Gazan eta gosetea zabaltzen ari da
NBEk azaldu duenez, egunotan soilik 90 kamioi sartu ahal izan dira lurraldera oinarrizko elikagaiekin; beste 105 zain daude mugan. Gazako gobernuaren prentsa bulegoak emandako datuen arabera martxotik 326 pertsona hil dira elikagai eta botika faltagatik eta 300 abortu izan dira. Herritarrak "zuhaitzen hostoak eta belarrak jaten" hasi dira, diote lekukoek. Soldadu sionistek nazioarteko diplomazialari talde baten kontra tiroak egin dituzte Zisjordanian.
Israelek Gaza sarraskitzen jarraitzen du. Al-Jazeera hedabidearen arabera, asteazken gauean beste 38 lagun hil ditu bonbardaketen eta erasoen ondorioz. Igandetik hona 650etik gora dira hildakoak. Eta horri gehitu behar zaio gosetea guztiz zabalduta dagoela lurraldean, bereziki Benjamin Netanyahuren gobernuak martxoaren 2an blokeo gogorra ezarri zuenetik.
Gazako Gobernuaren prentsa bulegoak datu ikaragarriak eman ditu: martxotik 326 pertsona hil dira elikagai eta botika faltagatik. Horietatik 58 destrunizioak jota hil dira, eta beste 26 lagunek giltzurruneko gaixotasunak zituzten eta ezin izan dituzte behar bezala artatu. Odola emateko kanpainak ez dira burutzen ari, herritarrak horretarako oso ahul daudelako jadanik. Haurdun zeuden 300 emakumek abortua izan dute nutriente eskasiak eraginda. Horrek, "hondamendi" bat iragartzen du, bulegoaren esanetan.
Nazio Batuen Erakundeak asteartean jo zuen alarma: 14.000 haur txiki gosez hiltzeko zorian dira, 48 ordutan jatekorik ez badute lortzen. Gaur, osteguna, epe-muga hori bete da.
Jan Yuniseko herritar batek El Diario.es egunkariari azaldu dionez, asko "zuhaitzen hostoak eta belarrak jaten" hasi dira, beste ezer ez dutelako.
Netanyahuk igandean agindu zuen blokeoaren "gutxieneko" arintze bat, AEBetako Gobernua ez molestatzeko. Baina ordutik hona apenas sartu da elikagairik Gazara.
90 kamioi soilik, bost egunetan
Netanyahuk igandean agindu zuen blokeoaren "gutxieneko" arintze bat, AEBetako Gobernua ez molestatzeko. Baina ordutik hona apenas sartu da elikagairik Gazara. Nazio Batuen Erakundeak jakinarazi duenez 90 kamioi sartu dira, eta beste 108 baimenaren zain daude mugan.
Kopuru hori guztiz eskasa da Gazan bizi diren 2,5 milioi biztanleen beharrak asetzeko. Sarraskia hasi baino lehenago egunero 500 kamioi sartzen ziren.
Diplomazialarien kontra tiro
Gazaren kontrako sarraskia estutu ahala, Israelekiko orain arteko jarrera aldatzen ari da nazioartean. Erresuma Batuak bertan behera utzi ditu Israelekin zituen akordio komertzialak, eta Europar Batasunak berrikusi egingo ditu.
Ez dirudi presio politikoek Netayahuren gobernuak duen zigorgabetasunari gehiegi eragiten diotenik. Asteazken arratsaldean Zisjordanian zegoen nazioarteko diplomazialari talde baten kontra tiro egin dute soldadu israeldarrek, telebistako kameren aurrean. Gazan ez dago atzerriko kazetaririk.
Espainiak, Belgikak, Italiak, Danimarkak eta beste hainbat herrialdek azalpenak eskatu dizkiote Israeli gertaturikoagatik.
Hortik ordu gutxitara, Chicagoko Judutarren Museoan pertsona batek bi enplegatu hil ditu: "Guztiz hunkituta nago", esan du israeldar mandatariak, eta Israelgo Kanpo ministro Gideon Saarrek bota du hurrengo eztena: "Munduko lider eta goi agintari ugari Israelen kontrako gorrotoa sustatzen ari dira".
Ostiral goizeko albisteak erreakzio ugari piztu ditu Israelen zein nazioartean. Aurka agertu dira Israelgo bahituen familiak eta NBE. Alemaniak, Israelen aliatu tradizionalak, armak saltzeari utziko diola jakinarazi du.
Ostiral goizaldean eman du erabakiaren berri Israelgo Gobernuak, hamar orduz luzatu den bilera baten ondoren. Dena den, okupazioa gauzatzeko, gobernu osoaren baiezkoa behar du Netanyahuk: igandean izan daiteke bilera. Segurtasun Kontseiluak, halaber, mugak jarri dizkio... [+]
Joan den astean Trumpek ohartarazi zion Putini hamar eguneko epean Ukrainarekin su-eten akordio bat sinatu ezean, zigor ekonomikoak ezarriko dizkiola. Zelenskik sare sozialetan adierazi du ezinbestekoa dela Errusiako presidentearekin bildu aurretik lehenbizi su-etena... [+]
Erabilera bakarreko plastikoen ekoizpenari eta erabilerari jarri nahi dizkiete mugak bereziki. Plastikoaren ekoizpena bikoiztu dute mende hasieratik, eta igoera horren arrazoia erabilera bakarreko plastikoak dira nagusiki.
Von der Leyenek eta Trumpek akordioa lortu eta astebetera egin du mehatxua AEBetako presidenteak, Europako herrialdeek hitzartutakoa beteko ez dutela kezkatuta. Europako produktuei %15eko muga zergak ipintzeaz gain, Europako Batasunak AEBetan 600.000 milioi euro gehiago... [+]
Suhiltzaileek kontrolpean dute Ibarbeibar ibarreko sutea, Eneritz, Muruzabal, Añorbe eta Obanos herrietan egondakoak hain zuzen ere. Nafarroako Gobernuak behin-behineko debekua ezarri dio nekazaritzan sua erabiltzen duen edo sor dezakeen makineriari.
Brasilgo Auzitegi Gorenak eman du sententziaren berri, Bolsonaro oraindik Luiz Inazio da Silva Lula Brasilgo egungo presidentea pozoitu eta Alexandre de Moraes epailea hil nahi izateagatik epaitzen ari diren bitartean. Sare sozialik erabili ezin zuenean,... [+]
Hiroshima eta Nagasakiko masakre nuklearren 80. urtemuga heldu zaigu, eta inoiz baino eskasagoak dira itxaropentsu izateko inputak. Hala ere, No More Hibakusha! aldarrikatzen jarraitu beharko dugu... ordukoei ez ezik geure buruari zor diogulako.
Israelgo lehen ministroa Segurtasun Kabinetearekin biltzekoa zen asteartean, "Gaza osorik okupatzeko planaz" eztabaidatzeko eta hori aurrera eramateko; baina atzeratu egin dute bilera. Israelgo armadaren buru Eyal Zamirrek, aldiz, Gazan diharduten lurreko soldaduei... [+]
Pablo Gonzalez Polonian atxilotu zuten 2022an espioitza leporatuta. 2024ko abuztuan aske utzi zuten baina ez zuten bere prozesua itxi. Orain, prozesua berriz ireki eta epaileek 2025eko udazkenean epaitu nahi dute Gonzalez.
Bigarren aldiz da El Salvadorko presidente Bukele, konstituzioak legegintzaldi bat baino gehiagoz presidente izatea debekatzen badu ere. Orain, konstituzioa aldatu eta nahi beste aldiz hautatu dezakete presidentea.
Bahituen "egoera larriaz" eztabaidatuko dute biltzarrean egongo diren herrialdeek, Danny Danon Israelek Nazio Batuen Erakundean duen enbaxadorearen arabera. Hamasek adierazi du bahituek osasun arreta jasoko dutela baldin eta Israelek Gazara laguntza humanitarioa... [+]
Euskal diasporaren Boiseko Jaialdiaren testuinguruan, Etxepare Euskal Institutuak eta AEBetako euskal erakunde NABOk euskararen irakaskuntza sustatzeko akordioa sinatu dute. Hori horrela, AEBetako Euskal Etxeek euskara "sustatuko eta trinkotuko" dute, eta Jaurlaritzak... [+]
Kontatzen ez dena ez da existitzen. Oso barneratuta daukagu lelo hori, baita informazioa boterea dela eta eragiteko gaitasun handia duela ere. Are gehiago gerra edo gatazketan, batik bat oraindik tresna digitalak asko garatu gabe zeudenean, informazioa ez baitzegoen hain eskura... [+]
Boliviako ezkerreko militante historikoa da Nila Heredia, bi aldiz Evo Moralesen Osasun ministro izandakoa. Abuztuan hauteskunde orokorrak izango dituzte, eta herrialdearen egoera politikoa aztertu du elkarrizketa honetan.