Erresuma Batuak bertan behera utzi ditu Israelekin zuen akordio komertzial berrirako negoziazioak
Europako Batasunak ere Israelekin dituen akordio komertzialak “berrikustea” erabaki du, 27 estatutik 17k aldeko botoa eman eta gero. Dagoeneko 53.000 hildakotik gora eragin ditu Netanyahuren gobernuak.
aurre egingo dieten hedabide independenteak
Nazioartean zerbait mugitzen hasi da. 2023ko urriaren 7tik Israelek 53.000 hildako eragin ondoren, Erresuma Batuak Israelekin zituen negoziazioak eten ditu; bi estatuen arteko ekonomia akordio berria ari ziren negoziatzen. Erresuma Batuko lehen ministro Keir Starmerrek adierazi du “izugarria” dela Israelen "ankerkeria" Gazaren aurka, eta laguntza humanitarioa “masiboki” areagotzeko eskatu dio. Su-etena da bahituak askatzeko “era bakarra”, horixe esan du Starmerrek, eta berau indarrean sartzea exijitu du, Zisjordaniako kokalekuak salatzearekin batera.
Erresuma Batuak hasitako bide bera hartu du EB Europako Batasunak ere, EB eta Israelen arteko elkartze hitzarmena “berrikustea” onartu baitu, bertako Kanpo Politikako Goi Ordezkari Kaja Kallasek jakinarazitakoaren arabera. Zehazki, hitzarmenaren bigarren artikulua da berrikusiko dutena, bertan jasotzen baita giza eskubideak errespetatzeko konpromisoa. Hitzarmena berrikustea, beraz, “presioa eragiteko” era bat da, ez baitu harreman diplomatikoen hausturarik ekarriko.
Proposamena Herbehereen eskutik heldu zen, eta bere alde agertu dira 27 estatuetatik 17; bederatzik aurka bozkatu dute, tartean Italiak eta Alemaniak. Ez da lehen aldia horrelako proposamenen bat Europako Batzordera heldu dena: iaz ahalegin bera egin zuten Espainiak eta Irlandak, baina ez zuten Ursula Von der Leyen Europako Batzordeko lehendakariaren erantzunik jaso. Josep Borrell Kaja Kallasen aurrekariak ere egin zuen saiakerarik, Netanyahuren gobernuarekin elkarrizketa politikoa bertan behera uztea proposatu baitzuen; ez zuen aurrera egin zenbait herrialderen ezezko botoagatik, tartean Alemania.
Mota horretako eskariak Europaz harago joan dira dagoeneko: astearte goizean munduko 22 herrialdek Israeli eskatu diote Gazan laguntza humanitarioaren sarbidea guztiz berrezarri dezan.
Espainian, Israelen armei ez
Espainiako Gorteetan beste erabaki bat hartu da, etxe barrura ere begiratzen duena. Gobernuaren eta oposizioko zenbait alderen botoekin, Israelekin armen salerosketarik ez izateko lege proposamena tramitatzea onartu du; ez, ordea, gatazkarik barik. Sumar eta Podemos alderdien eskakizunez heldu da proposamena parlamentura, eta oposizioko zenbait alderdiren babesa izan du hasieratik: tartean, EH Bildu eta EAJ, ERC eta BNG.
Gobernuko alderdien artean sortu du, ordea, ika-mikarik. Proposamena Sumarren eskutik helduta –gobernu koalizioaren parte da alderdia–, PSOEren barruan zalantzak izan dira berau onartu edo ez. Bere garaian gobernuaren partetik ezezkoaren aldeko txosten bat jaso zuen, baina azkenean diputatu sozialisten babesa jaso du, baita Junts alderdiarena ere. Azken horren bozkei esker lortu dute proposamena tramitaziora eramatea. Aurkako botoak eman dituzte PPk eta Voxek.
Armen aferan, polemika handia piztu zuen Espainiako Gobernuak Israelgo armamentu enpresa batekin egindako 6 milioi euroko kontratuak. Aurtengo apirilean, aste santuetako opor betean, publiko egin zen Espainiako Gobernuak 15,3 milioi bala erosi zizkiola Guardian Defense & Homeland Security enpresa israeldarrari, Guardia Zibilarentzako munizio gisa. Harrabotsa sortu zuen albisteak, Espainiako Gobernuak konpromisoa hartua baitzuen orain onartu berri duen lege proposamenarekin: Israelekin arma komertziorik ez egiteko, alegia. Hori horrela, barne krisia piztu zen gobernuan, kontratua deuseztatzeraino.
Asteazken goizean eman ditut azalpenak Fernando Grande Marlaska Espainiako Gobernuko Barne ministroak, eta onartu du kontratu hura "akats" bat izan zela, eta bere ardura hartu du. Palestinako kausarekin eta Ekialde Hurbileko bakearekin "konpromiso sendoa" daukala berretsi du Marlaskak.
Azpeitiko Elkar-ekin taldeak protesta ekintza egin du asteazken gauean. 1.000 kilo obra-hondakin utzi dituzte bankuko sarreran, hildakoak irudikatzeko panpinak jarri eta porlanez zikindu dute egoitza.
3.000 zauritu ere utzi dituzte Israelgo armadaren erasoek. Maiatzaren bukaeran berrekin zioten laguntza humanitarioari, GHF fundazio estatubatuarraren eskutik; eta ordutik, bertaratutakoei tiro egin diete soldadu israeldarrek.
Duela urtebete, toki honetan bertan, existitzen ez zen herri bati buruz idatzi nuen, eta existitzen ez den herri horrek Palestinako genozidioa geldiarazten lagunduko zuela amestu nuen. Argi dago ez dugula lortu. Urtebete geroago, oraindik ere, haurren hilketa masiboak eta herri... [+]
Euskal Herriko ordezkaritza gara Gazara Martxan. Egiptora etorri gara mezu argi batekin: genozidioa salatzeko, blokeoarekin amaitzeko eta Israel estatu genozidarekin harreman guztiak eteteko exijitzeko.
Gure elkartasun ekintzaren aurrean, aginte sionistaren eta... [+]
Antolakuntzak salatu du Poliziak jarraitzen duela martxako partaideak atxilotzen eta tratu txarrak ematen. Kezka berezia agertu du Saif Abukeshek martxako presidentekidearen egoeragatik: astelehen arratsaldean atxilotu zuten, tratu txar “larriak” eman... [+]
Egiptoko Poliziak militante ugari atxilotu ditu ostiralean, eta hainbat zauritu eragin, protesta oztopatzeko saiakeratan. Nazioarteko martxaren antolatzaileek adierazi dute aurrera jarraituko dutela, eta datozen orduetan erabakiko dituzte hurrengo pauso zehatzak.
Asteartean pasa zuten Tunisia eta Libiaren arteko muga, ondotik Egiptora sartu eta bertatik Gazara heltzeko asmoz. Berez, Libiako autoritateen babesa jasota du ekimenak, eta jarrera horri segika bidea berriz irekitzea galdetu diete poliziei antolatzaileek.
Gazarako Martxara bidean, Kairoko aireportuan atxilotu zituzten euskal herritarren artean dago Agus Gorbea, eta momentuz deportatu duten bakarra izan da. Euskal Herrira bidean dagoela erantzun ditu ARGIAren galderak.
Palestinako herria pairatzen ari den genozidioa salatzeko bi eguneko baraualdia egingo du Argituz elkarteak Donostian asteburu honetan, larunbatean eta igandean. Garibai kaleko 19. zenbakian egingo dute elkartasun ekintza.
Espainiako Estatuak eta Palestinak bultzatuta, 146 herrialdek alde bozkatu dute, 12k kontra eta 19 abstenitu dira. Ebazpenak Gazako sarraskia eta Israelen hedapena Zisjordanian salatu ditu eta nazioarteko ebazpen judizialak betetzea eskatu.
Egiptoko Gobernuak Israelen presioei men egin eta ehunka pertsona atxilotu ditu, Gazara egitekoa den martxa gelditu nahian. Hala ere, milaka lagunek martxari hasiera emateko prest jarraitzen dute, Israelen blokeoa apurtu eta genozidioa gelditzeko presioa egin asmoz. Melisa... [+]
Kairoko hotel batetik hitz egin du ARGIArekin ostegun goizean Pili Revilla gasteiztarrak. “Edozein momentutan atxilotu gaitzakete”, adierazi du. Solasaldiaren unean Euskal Herritik joandako bost herritar daude atxilotuta, eta nazioarteko dozenaka. Arreta Palestinako... [+]
Ekainaren 13an hasi behar duen Gazarako Martxako partaideak atxilotzen ari da Egiptoko Polizia, tartean hainbat euskaldun. Israel Gazan egiten ari den sarraskia salatu eta korridore humanitario bat ireki dadila eskatzeko abiatu dute ekimena mundu osoko 3.000 herritarrek.
Ekainaren 12an munduko bazter guztietatik –Euskal Herritik ere– heldutako ehunka pertsona batuko dira Egiptoko El Arish hirian, hortik Rafah-raino abiatzeko, Gazaren aldeko martxa globalean. Israel palestinar herriaren aurka egiten ari den genozidioa salatuko dute,... [+]