Etxerat elkarteak jakinarazi duenez, Gorostiagaren eta pasa den astean zendu zen emaztearen senideek bien argazkia eraman zuten Donostian egindako presoen aldeko ekitaldira. Han zeuden ertzainek Gorostiagaren irudia kentzeko eskatu zieten. Semeetako batek, argazkia jarri izanaren ardura bere gain hartu zuenak, gurasoen argazkia ez zutela zatituko esan zien. Horren aurrean, inputatu egingo zutela ohartarazi zioten ertzainek.

ARGIAk goizean zioen zein delitu inputatuko zaizkion ez zekiela oraindik semeak, eta Etxeratek azaldu duenez, aste honetan zela joatekoa Ertzaintzaren komisaldegira, bere abokatuarekin batera.

Arratsaldean jakin dugu, ordea, Ertzaintzak ez duela inputatu.

Informazio gehiago:

Pablo Gorostiaga bere emaztea agurtzeko garaiz ez dutela ekarri salatu du Bilduk (Aiaraldea.com, 2013-09-03)

Pablo Gorostiagak bere emaztea agurtu du (Aiaraldea.com, 2013-09-05)