Ovidio Ferreiraren hilketa gogoratzeko ekitaldian identifikazioak eta mehatxuak egin ditu Ertzaintzak
Ovidio Ferreira egunkari banatzailea poliziaren tiro batek hil zuen duela 39 urte. Bilboko alde zaharrean haren omenaldia egiten ari zirela, Ertzaintza agertu da dokumentazioa eskatzera eta irudiak hartzen ari zirenak mehatxatu ditu.
Legez kanpoko elkarretaratzea eta distantzia fisikoa ez mantentzea egotzi die Ertzaintzak omenaldian parte hartzen ari zirenei. Gainera, ertzainetako batek kargu hartu dio gazte bati, euskaraz aritzeagatik, Berrian kontatu dutenez: “Hau Espainia da, eta hemen gazteleraz hitz egiten da”, esan dio.
Bertsio ofiziala desmuntatzen
1981eko uztailaren 10ean, Joaquin Gorjon guardia zibila hil zuten etakideen atzetik tiroka ari zen Espainiako Polizia. Tiro horietako bi jaso zituen Ferreirak, egunkariak banatzen ari zenean. Handik lau egunera hil zen ospitalean. Bertsio ofizialak dio ETAk hil zuela, eta Etxebarrieta Memoria Elkarteak eta hildakoaren senideek urteak daramatzate egia eta justizia eskatzen.
Agintaritzaren aurkako atentatua egitea leporatu diete bi atxilotuei. Ertzaintzak adierazi duenez, bi polizia agente zauritu zituzten igandeko operazioan.
2018 eta 2022 artean, gutxienez 32 aldiz erabili zuen arma hori Ertzaintzak. 2017an, Jaurlaritzak 50.687 euro bideratu zituen taser pistolen erosketara. Azken hilabeteetan, dozenaka pertsona zauritu dituzte ertzainek hamaika polizia-kargatan.
Gazte Koordinadora Sozialistak agerraldia egin du Gasteizen, larunbat gauean hainbat gaztek jasandako polizia-indarkeria salatzeko. Izan ere, etxebizitza huts batean sartu ziren gazteei babesa adieraztera bertaratu zen jendea jipoitu zuen Ertzaintzak. Lau pertsona ospitaleratu... [+]
Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]
1993ko abuztuaren 20an Juan Calvo bilbotarra hil zen Arkautiko Ertzaintzaren komisarian, atxilo zegoela. 2023ko uztailean ARGIAk heriotzaren inguruko informazio eta datu berriak argitaratu zituen, agerian uzten zituztenak Calvok jasotako tratu txarrak zein Poliziaren gezurrak... [+]