Euskal Autonomia Elkidekoak kasik errepikatu egin ditu ostegunean bezperako COVID-19 positiboak: 136 (asteazkenean 138). Nafarroak berriro ikusi du gorakada nabarmena bere kutsatu kopuruetan: 93 (asteazkenean 66, asteartean 130).
Eusko Jaurlaritzak gaur jakinrazi duenez, EAEn asteazkenean egindako PCR probek 135 COVID-19 positibo berri utzi dituzte, honela banatuak:
- Araban 13 (bezperan 6): Gasteizen 12 eta Laudion 1.
- Bizkaian 86 (93): Bilbon 23, Ermuan 19 (aste betean 156), Barakaldon 14, Sestaon 4, Basaurin 3, Berango, Erandio, Galdakao, Getxo eta Portugaleten 2, eta bana Zierbena, Arrigorriaga, Derio, Etxebarri, Gueñes, Iurreta, Leioa, Loiu, Santurtzi, Trapagaran eta Zaldibarren.
- Gipuzkoan 35 (38): Eibarren 17 (aste betean 111), Donostian 5, Zarautzen 4, Elgoibarren 2, eta bana Aia, Errenteria, Hernani, Mendario, Orio, Oñati eta Tolosan.
COVID-19aren birsortze ahalmena neurtzen duen R0 edo Rt tasa ostegunean 1,49an kokatu da (bezperan 1,58 zen eta asteartean 1,71).
Nafarroan ostegunean hautemandako positibo kopurua 93era handitu da, bezperako 66etatik. Atzoko berrietatik 4 omen dagozkio Mendillorriko fokua deitzen dutenari; hain zuzen ere, Mendillorriko gazte guztiek PCR proba egin dezaten gobernuak antolatutako operazioak aurrera darrai. Osteguneko beste kutsatu sorta bat omen da Tuteran sortu den beste foku berri batekoa.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.