Osasun krisia: Elkar zaintzatik borrokara!
Osasun larrialdi egoerak, egunerokoa aurrera eramateko zailtasunak dituzten familiak oraindik estutasun handiagoan jarri ditu. Horren jakitun, gure bete behar moral gisa ikusi genuen gure laguntza eskaintzea. Kalkulu politikoetatik kanpo, eta hitzetatik ekintzetara pasaz, Urruñako gazte asanbladarekin batera elkartasun sare bat osatu genuen. Horrela, 40 interbentziotik gora egin ditugu hilabete hauetan, pertsonen bizia eramangarriagoa eginez. Herri zaintza eta elkartasuna direlako lehentasun. Orain, osasun krisi hau momentuz gainditzear dagoela irudi duenean, egokia iruditzen zaigu gertatutakoaren inguruan gure iritzia ematea, bi puntu nagusi azpimarratu nahi ditugularik.
Lehenik eta behin, osasun krisi honek berriz ere argi utzi du etsaiek Euskal Herria okupatu eta menderatzeko edozein abagune erabiltzen dutela. Eta Kataluniakoarekin oraindik argi ikusi ez zutenentzat, Euskal Herriaren zati batek pairatzen duen autonomia estatutua hutsaren hurrengoa da:
Euskal Herriak ezin izan ditu, logika kapitalistatik kanpo, beharrezkoak ikusten zituen osasun neurriak hartu. Oraingo honetan, espainiar estatu faxistak ez ditu beraien morroi diren EAJko burges autonomistak ere kontutan hartu.
Tortura, erailketa eta menperakuntzaren ikur diren indar okupatzaileak areagotu dira gure lurraldean eta indar handiagoarekin praktikatu dute, hain ongi darabilten errepresioa. Iruñean kasu, armada ere bidali dute, Euskal Herriak haienganako duen gorrotoa apaltzeko asmoz, heroi gisa aurkeztuz. Baina erantzun aparta jaso zuten: herriaren mespretxua eta gaitzespena!
Euskal preso politikoak bahiturik ditugu. Orain arte jasaten zituzten askatasun murrizketak nahikoa ez balira, krisiaren aitzakiarekin bisiten debekuak, gutunen murriztea eta abar... gehitu dizkiete.
Gure hizkuntza nazionalak, euskarak ere jasan ditu ondorioak. Informazioa eta edukiak erdaraz ekoitzi dituzte, euskara bigarren planoan utzita berriz ere. Horren adibide garbia da ETB1 telebista katean ematen duten programazioa: hemerotekatik tiraka, aspaldiko saioak botatzen ari dira, audientziaren beherakada nabarmena ondorio.
Bestetik, osasun krisi honen larritzea sistema kapitalistan datza, langileak direlarik ondorioak gehien pairatuko dituztenak. Burgesiaren etengabeko aberastasun goseak ekonomiaren mantentzea dekretatu du langileriaren biziaren gainetik eta justifika ezinak diren erabakiak hartu ditu herritarrak kutsatzera kondenatuz.
Bide horretan esanguratsua da frantses gobernuak herrietako bere hauteskundeen lehen itzulia mantendu izana. Eskolak ixteko agindua eman eta bi egunetara hauteskundeak antolatu zituen.
Hamarkadetako politikak ondorio larriak ekarri ditu: zerbitzu publikoa suntsituz, erreformaz erreforma, langileak kanporatuz, krisi honi erantzuteko gaitasunak txikitzen joan dira beraien poltsikoak betetzen zituzten bitartean. Eta orain, duela gutxi arte protestetan kolpatuak izan ziren horiek dira herria salbatu behar dutenak. Kolpatuak izan diren horiek dira, material faltarekin eta babes neurririk gabe bizia arriskuan jarri behar dutenak. Kolpatuak izan diren horiek dira, soldata ziztrin baten truke familietatik aldenduta biziraun behar dutenak.
Etxean gelditzeko agindua ematen duten bitartean, krisiari aurre egiteko beharrezkoak ez diren lanetara bidaltzen dute jendea burgesiaren aberastea mantenduz birusaren kutsatzea biderkatuko duen arren.
Eta beraien gabeziak herritarrok ordaindu behar ditugu. Kapitalismoak isurtzen duen odola ez baita burgesiarena, herritarrena baizik. Horregatik, odol huste hori gelditzeko herritarrok partxeak jarri behar izan ditugu elkartasun sareen bitartez besteak beste.
Baina ez gaitzatela engaina, ez gara jaio kapitalismoaren salbagailua izateko, Euskal Herri Aske eta Sozialista eraikitzeko baizik!
Konpromisoz eta zintzotasunez askapen borrokari eutsi!
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Duela gutxi, Netanyahuren gobernuak, AEBen baimenarekin, legez kanpoko jarduerarekin jarraitzea erabaki du Gazan, eta zerrenda osoaren kontrola hartzea. Historia pixka bat egingo dut ez zaidalako zuzena iruditzen komunikabide edo kazetari batzuek Gazan gertatzen ari dena 2023ko... [+]
Abuztu honetan polemika berri bat piztu digute, beste behin, belarrondokoa ematea baino larriagoa izan dena. Azken hamabost urte baino gehiagoan, Glen Cree ekimenetik hasi, Estatu bortxaren biktimei aitortza legala emateko mekanismoen sorreratik segitu eta herri honetan ireki... [+]
Abuztuaren 15ean Vladimir Putin eta Donald Trump Alaskan bildu ziren. Ofizialki, Ukrainako gerrari amaiera emateko bidean beste urratsen bat emateko. Baina Gazan milaka pertsona hiltzeko gupidarik ez duen politikariak serio esan al dezake penagarria eta tristea dela Ukrainan... [+]
Duela egun gutxi 6.000 alegazio baino gehiago aurkeztu dira Azantzan eta Sarbilen poligono eoliko berri bat eraikitzeko proiektuaren aurka. Antzeko beste proiektu batzuetan bezala, herritar eta talde antolatuen ahaleginari, antolaketari eta lanari esker egin da alegazioendako... [+]
Artikulu bati zer nolako izenburua jarri ez da aise hautatzen, ezta? Hasiera batean, “euskaldun gezurti, tranpatiak” bezalako izenburua idazteko asmoa nuen, baina inor mintzeko gogorik ez dudanez, goikoari eutsi diot, ene gogoetaren muina hobeto ulertaraziko... [+]
2025ean hazkunde ekonomiko txikia (%0,6) ez da gai izango langabezia-tasak %8ko muga gainditzea saihesteko; Zor Publikoak bi bilioi euro (BPGren %115) gainditzen ditu EK-k ezarritako %60aren oso gainetik, eta Gastu Publikoak estratosferan jarraitzen du.
Horri gehitu behar... [+]
Eskubide linguistikoen ikuspegi integratzaile baten eskaintza dugu gaurkoa.
Espainiako supremazismo linguistikoa osasuntsu eta bizkor ageri zaigu, “hooligan” samalda anitz baten babesaz eta komunikabide indartsuez sustatua. Azken aurreko lagina Santi Martinezena... [+]
Euskal Herri osoan —beste herrialdeetan bezalatsu— jairik ez da falta. Negu giroan ere asko badira ospatzen direnak, uda-garaian ez da festa gabeko egunik. Egun-argi luzeak eta gau epelak jendea etxe zuloetatik kanpora, kalera ateratzeko aproposak dira eta jai giroan... [+]
Azken asteetan bolo-bolo dabil Poliziaren eta, zehatzago esanda, Ertzaintzaren gaineko eztabaida. Tamalez, eztabaida piztearen arrazoia ez dira horiek Euskal Herri Langilearen kontra erabiltzen dituzten biolentzia eta jazarpen sistematikoa. Horren ordez, Ertzaintzaren eta bere... [+]
Artikulu honek badu testuinguru bat lerroburuaren gainetik, Hernaniko Udalean Kontxita Beitiak aurkeztutako Euskal Euskal Errepublikaren aldeko mozioa onartu ez izana. Harira!
Prozesu heterokronikoa
Kultura judeokristau, musulmana eta platonismoaren ustez, denbora aurrera... [+]
A zer zortea gurea! Inork nahi ez duen edozein industria-proiekturentzako puntu bero gogokoena gara gu! Ezkerraldea eta Meatzaldea, beti prest beste leku batzuetan gogaitzen duen guztia beso zabalik hartzeko. Petronor? Ederto. Lindane-hobi bat? Aurrera. Dorre elektrikoak gure... [+]
Hemengo politikariek haien diskurtsotan immigranteen etorreraren alde edo kontra egiten dute. Immigrante ez-zurien etorreraren alde edo kontra, noski. Beste mugimenduak ez dut uste gehiegi inporta zaizkienik, edozein alderditakoak izanik ere. Tronu altu-altu batetik begiratzen... [+]
Euskarak urte luzeetan ezaguturiko zapalkuntzaren ondorio larriak, frankismoaren errepresio itogarriak, baita gure hizkuntzarekiko erakutsi zuen jarrera erasokorrak ere, piztu zituzten herri honen euskaldungoaren kontzientzia eta oldarra. Eguneroko esperientziaren egoera larriak... [+]
Duela gutxi Eusko Jaurlaritzak bultzatutako "Euskadiko Osasun Ituna" izenekoaren porrota ez da anekdota politiko soil bat, ezta osasun-kudeaketan unean-uneko estropezu bat ere. EAEko osasunaren ikuspegi kolektibo, inklusibo eta benetan publiko bat galtzea politika... [+]
Sentitzen dut, baina kosta egiten zait sinestea. Yeray Alvarez Athleticeko jokalariak analisi batean positibo eman izanak berriro azaleratu du kirolean existitzen den dopinaren inguruko eztabaida. Eliteko kirolean, hobeto esanda; eta horra hor auziaren gakoa. Kirolari... [+]