Osasun arloko langileek mobilizazio bateratuak hasi dituzte EAEn
Ostiral eguerdian lehen arretako zentroen aurrean batu dira "Honaino heldu gara! Leher eginda eta giza baliabiderik gabe" lelopean. Astebete barru ospitaleen aurrean kontzentratuko dira, eta urriaren 3an Bilbon manifestatzera deitu dute
Oinarrizko gizarte zerbitzuetako profesionalek berriz ere ezohiko batasun argazkia eskaini dute aste honetan EAEn. Asteartean irakaskuntzako sindikatu guztiek aho batez babestu zuten hezkuntzako greba deialdia, eta ostiral honetan beste horrenbeste egin dute osasun publikoko sindikatuek. SATSE, ELA, LAB, SME, CCOO, UGT eta ESK sindikatuek mobilizazioa ziklo bati hasiera eman diote ostiral eguerdian, EAEko lehen arretako zentroen aurrean kontzentrazioak eginez –SAE da deialdietatik kanpo geratu den sindikatu bakarra, baina ez du ordezkaritzarik osasun arloko mahai sektorialean–.
Leher eginda eta baliabiderik gabe
Mobilizazioek bi helburu nagusi dituztela azaldu dute sindikatuek. Batetik, jendarteari ezagutaraztea bizi duten "muturreko egoera". Bestetik, Osasun Sailari eskatzea "arazo larrientzako" konponbideak: "Langile falta, behin-behinekotasun tasa altuak Osakidetzan, neke fisiko eta emozionala, lanaren gainkarga sistematikoa, estresa, errekonozimendu eza, babesgabetasuna, laneko osasunaren ardura falta, kontziliazio-beharren neurri gabezia eta lan-baldintzen narriadura etengabea". Asteotako deialdietarako aukeratu duten leloa argigarria da zentzu horretan: "Honaino heldu gara! Leher eginda eta giza baliabiderik gabe. Kalitatezko osasun publikoaren eta langileen eskubideen alde".
Arazo horiek denak COVID-19aren krisiarekin larriagotu izanagatik ere aspaldikoak direla salatu dute sindikatuek, eta politika jakin batzuen ondorio zuzena. Urteetan osasun arloan murrizketa politikak garatu dira sindikatuen esanetan, eta Osasun Sailak ez du elkarrizketa eta negoziaziorik ireki langileekin. "Lan-baldintzen okertzeak osasunaren kalitatean izan duen eragina salatu nahi dugu, osasun-larrialdia deklaratu ondoren oso agerian geratu den arren, azken urteotan ere gertatu baita", azpimarratu dute sindikatuek.
Aldarrikapen taula
Gotzone Sagardui Osasun sailburu berriari aldarrikapen taula zuzendu diote sindikatuek, hainbat eskaerarekin: Europako Batasuneko bataz bestekoarekin parekatuko den aurrekontua osasun publikorako, "%25 lehen mailako arretara bideratuz"; langile kopurua handitzea eta behin-behineko langileak finko egitea, "Osakidetzak diru publikoarekin prestatutako profesionalen ihesa saihesteko"; murrizketak berrikustea eta pribatizazioak indargabetzea; edo profesionalen lan baldintza egokiak eta osasuna bermatzeko neurriak.
"Arazo horiei aurre egiteko irtenbiderik proposatzen ez den heinean, guk mobilizatzen jarraituko dugu", ohartarazi dute sindikatuek. Momentuz, hurrengo asteetarako bi deialdi finkatu dituzte. Hurrengo ostiralean, hilak 25, ospitaleen aurrean kontzentratuko dira, eta urriaren 3rako, larunbata, manifestazio bateratua antolatu dute Bilbon.
Uda sasoian hamalau egunetan baino ez dute medikurik izan herrian, “inoiz baino jende gehiago” biltzen den egunetan, hain zuzen. Osakidetza “gainbeheran” dagoela salatu du udalak, eta herritarrak mobilizatzera deitu ditu.
Jatorra, alaia eta positiboa da Sara Mirones (Bilbo, 1997). Pandemian mastozitosia izeneko gaixotasun arraro bat diagnostikatu zioten. Ordutik, Maratón de Lunares kanpaina abiatu du gaixotasuna ikusarazteko, gizartea kontzientziatzeko eta ikerketarako dirua biltzeko... [+]
Aintzane Mariezcurrena Afan elkarteko psikologoak nabarmendu du “oso garrantzitsua” dela txikitatik alzheimerrari loturako zalantzak argitzea eta gaiaz hitz egitea, haurrek beldurrik izan ez dezaten.
Osakidetzak Itzulbide aurkeztu berri du. Itzultzaile neuronal bat da EAEko osasuneko profesionalentzat, euskaraz egiten diren kontsulta medikoetako informazioa gaztelaniara itzultzen duena. Euskara lan-hizkuntza eraginkorra izateko baliabide gehiago eskainiko dizkie... [+]
Bertigo baten ostean, etengabeko txistu bat entzuten hasi zen Jexux Mari Irazu Muñoa (Larraul, Gipuzkoa, 1972) bertsolaria, bertso-eskolako irakaslea eta gai-jartzailea. Tinnitus edo akufeno deitzen zaie Irazuk entzuten dituen zaratei. Horrek egunerokoan daukan inpaktuaz... [+]
Nafarroako Osasun Departamentuak iragarri du ospitaleko solairu gehienak klimatizatuko dituztela 2026 amaierarako. ARGIAk elkarrizketaturiko bi erizain laguntzaileek nabarmendu dute premiazkoa dela banako gelak, komun irisgarriak eta aire girotua izatea.
Baionako ospitalean unitate berritzaile bat ideki da: kardio-ginekologia unitatea, menopausian diren emazteei zuzendua. Gai hau, askotan tabu edo bazterrean utzia, osasun arazoak eragin ditzake bizitzako etapa horretan.
Abuztuan chikungunya infekzio kasu bat atzeman dute Hendaian. Bero boladek, tenperaturaren igoerak eta eremu tropikaletara egindako bidaiek areagotu dituzte kasuak.
Duela gutxi Eusko Jaurlaritzak bultzatutako "Euskadiko Osasun Ituna" izenekoaren porrota ez da anekdota politiko soil bat, ezta osasun-kudeaketan unean-uneko estropezu bat ere. EAEko osasunaren ikuspegi kolektibo, inklusibo eta benetan publiko bat galtzea politika... [+]
Abuztua heldu zaigu, irakurle. Oporretan zaude eta zuretzako denbora gehiago daukazu? Edo agian ez daukazu denborarik, oporrak planez bete dituzulako? Edozein modutan, kontuz! Egungo bizimoduaren psikologizazioak edonon sailkatzen ditu sindrome berriak, eta oporraldiak ez daude... [+]
Bilboko Aste Nagusia pertsona autistentzat irisgarriagoa izateko zenbait gako dakartzate Oihan Iriarte Eletxigerrak eta Iker Boveda Martinek, euren esperientziatik.
25,6 eguneko batez besteko itxaron zerrendak daude Osakidetzako Osasun Mentaleko Zentruetan. Larrialdi kasuetan, aldiz, 24 eta 72 ordu arteko itxaronaldiak daude.
The Lancet aldizkariak argitaratutako ikerketa batek eman du datua eta ohartarazi du plastikoaren ekoizpenak osasunean eragina duela bere ekoizpen prozesu osoan eta gazte zein helduei eragiten diela. Gehitu du 1950tik 200 aldiz biderkatu dela plastikoen ekoizpena.
Sendabelarra oliotan beratzeaz ariko gara baina ukendurik egin gabe. Bai, arraroa dirudi baina sendabelar freskoak oliotan beratu, iragazi eta erle argizaria ipinita ukendua egiten ikasi duenari olioarekin beste era batera lan egitea badagoela esan nahi nioke. Oleato edo olio... [+]
GIBarekiko esposizio aurreko profilaxia da Prep botika. Alfonso Setiey Anitzak elkarteko lehendakariaren arabera, farmazietan eskuratzeak itxaron-zerrendak gutxitu ditzake. Alabaina, arriskuez ere ohartarazi du.