Zuzendaritzari egotzi diote aukera ematea langileak "neurriz kanpoko indarkeriaz erreprimitzeko". Poliziak grebalarien aurka jo du astelehen eta asteartean.
Osakidetzako Zuzendaritzaren jarrera salatu dute Gurutzetako Unibertsitate Ospitaleko sindikatuek. Greban daude Osakidetzak azpikontratatutako garbitzaileak astelehenetik, eta istiluak izan dira lehen bi egunetan. Eskatzen dutena da Osakidetzako langileei ezartzen zaizkien baldintzak aplikatzea beraiei ere.
Astelehenean Ertzaintzak grebalarien aurka jo zuen Gurutzetako Ospitalean, eta hainbat pertsona zauritzeaz gain, bi langile atxilotu eta lau identifikatu zituen.
Asteartean, berriz, Donostiako Ospitalean mobilizazioa egin zuten garbitzaileek, eta hor ere langileen kontra oldartu zen Ertzaintza. Indarrez, grebalariei megafono bat kentzen saiatu ziren, borrak erabiliz. Ertzainek adierazi zutenez, Osakidetzako gerentziak agindu zien megafonoa kentzeko.
"Irtenbide bakarra", indarkeria
Sindikatuek salatu dute Osakidetzako zuzendaritza ez dela gai negoziazioa errazteko, eta erabiltzen duen "irtenbide bakarra" indarkeria dela: "Ertzaintzari aukera ematen dio langileak neurriz kanpoko indarkeriaz erreprimitzeko". Azken egunetako Ertzaintzaren esku-hartzeaz gain, beste hainbat auzi ere egotzi dizkiote zuzendaritzari; hala nola, "erabakiak hartzeko inposaketa", "plantillarekiko errespetu falta" eta "lan sindikala oztopatzea".
Sindikatuek adierazi dute Osakidetzak "erabateko aldaketa" egin behar duela, eta "jarrera demokratikoak" berreskuratu. Hala, zuzendaritzari eskatu diote garbiketako kontraten gatazka konpontzen parte hartzeko eta "Osasun Zerbitzu Publikoari eragiten dioten arazoetarako irtenbideak bilatzeko".
Arrazakeria, diskriminazioa eta islamofobia salatu ditu langileak, eta Iruñeko Lan Ikuskaritzaren aurrean elkarretaratzea egin dute, SOS Arrazakeriak eta LAB sindikatuak deituta. Ikuskaritzak salaketa itxi du, eta onartu egin du Misericordia enpresaren argudiaketa, dioena... [+]
ELE, Etxeko Langileen Elkarteak emandako zifra da, Bizkaian egindako galdeketen emaitzak jasota. Urtero bezala, etxeko langile egoiliarren eta kanpo-langileen lan baldintzei buruzko txostena egin du. Egoera erregularrean zegoen %35,38k ez zuen jaso lanbide arteko gutxieneko... [+]
Berdintasuna, haurdunaldia bezalaxe, badago edo ez dago. Berdintasunik ez dagoenean, ezberdintasuna dago, hori da neurtu eta baloratu daitekeena. Akaso berdintasunaren ondorioak izan daitezke gehiegizkoak batzuentzat, baina horrek eztabaida ondorioetan kokatuko luke, sekulan ez... [+]
Errenteria (Gipuzkoa), 1892. Aizpitarte kobazuloetan Gipuzkoako lehen indusketa arkeologikoak egin ziren, Lersundi kondea buru zuen taldearen eskutik. Handik hamaika urtera, 1903an Alfontso XIII.a Espainiako erregeak bisita egin zuen aztarnategira, eta aitzakia horrekin argazkia... [+]