Osakidetzako oposizioetan iruzurraren "begi-bistako susmoak" daudela dio barne txosten batek

  • Osakidetzako lan eskaintza publikoan izandako iruzurrari buruzko txostena aurkeztuko du asteazken honetan Jon Darpon Osasun sailburuak EAEko Legebiltzarrean. Darponek iruzurraren “frogarik ez dagoela” esaten jarraitzen du, baina zenbait pertsonari azterketak aurrez pasa zitzaizkiela pentsatzeko geroz eta datu gehiago dago.

ARGIA @argia
2018ko urriaren 10a
Jon Darpon (eskuinean) Jaurlaritzako Osasun sailburua, Josu Erkoreka gobernuko bozeramailearekin batera (argazkia: Irekia).

Iker Riojak ElDiario.es-en argitaratu ditu Osakidetzak egindako barne-txostenaren zenbait xehetasun. Txostena osatzeko elkarrizketatu dituzten zenbait pertsonak uste dute “begi-bistakoak” direla azterketen filtrazioak eta beste batzuek berriz, “honek horrela funtzionatzen du” bezalako adierazpenak egin dituzte.

Irailaren 21eko data dauka Darponek Legebiltzarrean aurkeztuko duen txostenak eta, besteak beste, auzia argitara atera zuten anestesisten testigantzak jasotzen ditu, baita Euskadiko Sendagileen Sindikatuarena ere.

Filtrazio-salaketak ere jaso ditu txostenak, bai tribunaletako kideenak –Kardiologia eta Angiologiakoak– baita oposizioetara aurkeztu ziren pertsonenak ere, adibidez, Kirurgia Orokorreko plaza bat lortzeko aurkeztu ziren bost lagunena. Oviedoko Unibertsitateari oposizioen emaitzen azterketa egiteko eskatu ondoren, Osakidetzak berak onartzen du emaitzak estatistikoki “ezohikoak” direla alor horretako azterketetan.

“Nahiko zantzu badago ulertzeko lehen ariketan izandako emaitzak ez direla gainditu duten oposiziogileen kualifikazio edo prestakuntza hobearen ondorio”, dio Angiologiako azterketari buruzko ikerketan.

Antzeko iruzur-zantzuak, trataera desberdina

Baina azterketa ugaritan oso antzeko iruzur-zantzuak agertu diren arren, horien aurrean neurri desberdinak hartu dituzte: Kardiologia, Anestesia eta Angiologian adibidez, lan eskaintza osoa edo zati bat errepikatuko da. Urologia ere ikertu dute, baina ez da berriz azterketarik egingo. Eta beste eremu batzuetan, Neurokirurgian adibidez, ez dira balizko irregulartasunak ikertu ere egin.

Eusko Jaurlaritzak, gainera, berriz adierazi du inork ez duela onartu azterketarik filtratu izana, ezta lanpostua lortzeko aurretik etsaminen galderak jaso izana ere. Estatistikoki erabat ezohikoak diren emaitzak mahai gainean edukita ere, EAEko Gobernuak jarraitzen du esaten filtraziorik ez dela frogatu.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Iruzurra Osakidetzan  |  Eusko Jaurlaritza

Iruzurra Osakidetzan kanaletik interesatuko zaizu...
Oposizioak eta sindikatuek uste dute ez direla nahikoa ikertu Osakidetzako oposaketei jarritako salaketak

Hemeretzi kategoriatan jarri zituzten salaketak eta zortzi bakarrik ikertu dituzte.


Osakidetzak hiru espezialitatetako bost azterketa bakarrik errepikatuko ditu eta ez ditu epaimahaiak aldatuko

Angiologia eta Kirurgia Baskularreko bi, Anestesiako bi eta Kardiologiako azterketa bat dira errepikatuko dituztenak.


2018-07-19 | ARGIA
Osakidetzak fiskaltzara eramango ditu oposizioetako iruzurra salatu duten hirurak

Oposaketen inguruan egindako barne ikerketa fiskaltzari aurkeztuko dio Osakidetzak. Erabakiaren arrazoia ez da filtrazioak eman izana, filtrazioak salatu dituzten hiru norbanakoei “iruzur saiakera” leporatu dietela baino.


2018-07-19 | Nahia Ibarzabal
Lau espezialitetan espedientea irekiko da, Osasun sailburuak azaldu duenez

Digestio aparatua, medikuntza-intentsiboa, traumatologia eta urologia kategorietan espedientea irekiko da datozen egunetan, Jon Darpon Eusko Jaurlaritzako Osasun sailburuak jakitera eman duenez.


2018-07-19 | Nahia Ibarzabal
Traumatologian ere aurrez "asmatu" zituzten zeinentzako izango diren lanpostuak

Elkarrekin-Podemosek notarioaren aurrean aurkeztutako aktak erakusten duenez, azterketa egin orduko erabakita zegoen notarik altuenak nortzuk aterako zituzten eta ospitalean plaza lortu.


2018-07-13 | Nahia Ibarzabal
Sindikatuek "iruzurtzat" jo dute Osakidetzak hautaproben inguruan hartutako erabakia

ESK, ELA, LAB eta UGT sindikatuen ustez, hiru espezialitatetan baino gehiagotan egin behar da berriro hautaproba.


2018-07-12 | Nahia Ibarzabal
Osakidetzak hainbat proba errepikatuko ditu "akatsak" onartu ondoren

Kardiologian, anestesian eta angiologian egingo da berriro azterketa, ez ordea, kirurgia plastikoa eta konpontzaile espezialitatean.


2018-07-11 | ARGIA
"Osakidetzan lan egiten duzunean, zaila da ez jakitea EPEak erabateko iruzurra direla"

Osakidetzako oposizioetan iruzurra egiten dela hain gauza jakina bazen, zergatik ez du orain arte inork salatu? “Beldurragatik, eta jendeak gaur egun moral bikoitza duelako”. Hala erantzun dio galderari Manoel Martinez anestesistak, irregulartasunak salatu dituenetako batek, Hala Bedin egin dioten elkarrizketan.


Azkenak
EGILEA
Eguneraketa berriak daude