Osakidetzako Lehen Arretako hirugarren greba deialdia "masiboki jarraitua" izan da
Asteleheneko greba deialdiak %60ko jarraipena izan duela adierazi du ELA sindikatuak, nahiz eta zentro batzuetako eremu batzuek %100eko jarraipena izan. Osakidetzak, bestalde, grebak %31ko jarraipena izan duela esan du, sindikatuak aitortutakoaren erdia.
Grebaren jarraipena “oso zabala” izan dela adierazi du sindikatuak, baina Osakidetzak datu oso ezberdinak plazaratu ditu. Haien esanetan, Araban %33ko jarraipena izan du deialdiak, Bizkaian eta Gipuzkoan hurrenkeraz %34 eta %26koa izan den bitartean, %31ko batez bestekoa. Lan esparruaren arabera, langile medikuen artean %53ko jarraipena izan du lanuzteak, %15a erizainetan eta %23 gainontzeko esparruetan.
Osakidetza aurrean
ELAk Osakidetzarekin hainbat arazo izan dituela salatu du. Lehenik eta behin, Osakidetzak eginiko mugimenduak “pertsonala desmobilizatzeko” helburuarekin egin dituela salatu du. Horri gehituz, joan den ostiralean izandako bileran Osakidetzak udaleko planteamenduak bakarrik egin dituztela esan du sindikatuak. Horrez gain, Osakidetzak etengabe greba deialdia “oztopatzeko eta indargabetzeko ahaleginak” egin dituela salatu dute, eta ondoren jarraipenaren datuak manipulatzea egotzi diote EAEko osasun erakundeari.
Greba deialdiaz gain, Gasteizen manifestazio jendetsua egin zuten Osakidetzako langileek.
Aste honetan egiten ari dira lanuzteak, lan-baldintzetan hobekuntzak exijitzeko. Aurreko hiru hilabeteetan ere izan dituzte grebak.
Gaur, apirilak 16, Eusko Jaurlaritzari eta Industria Sailari beren industria-politikan jarrera aldaketa bat exijitzeko manifestazioa egin dute Bizkaiko 60 industria-enpresa inguruk Mecaner enpresako langileakaz batera, Bilbon. Adierazi dute "hitzetatik ekintzetara"... [+]
LABek jakinarazi duenez, martxoaren 14an materiala garraiatzen ari zela zama gainera erori ondoren larri zauritutako langilea zendu da asteartean. Jadanik hamazortzi lagun dira urtea hasi zenetik lanean hildakoak, sindikatuaren arabera, eta lan istripuen "gorakada... [+]
Langileen aldarrikapenak eztabaida politikoaren erdigunera eraman, eta aldaketa soziopolitikoa lortzeko "eragile aktibo" izanen dela nabarmendu du LABek 50. urteurreneko ospakizunean.