Osakidetzak orain arteko azterketa guztiak gainbegiratuko ditu, baina ez du oposizioen egutegia aldatuko

  • Osakidetzako arduradunek eta sindikatuetako ordezkariekin ostegun goizean egindako Jarraipen Batzordeko bileran azaldu dute ez duela asmorik enplegu publikoaren eskaintzako (EPE) frogal gelditzeko salbu eta lau arlotan.

ARGIA @argia
2018ko ekainaren 07a
(Arg: EiTB)

Jon Darpon buru duen osasun zerbitzuak azaldu duenez, orain arte egin diren 67 kategorietako azterketei eta hemendik aurrerakoei froga "psikometrikoak" egingo dizkie Osakidetza eta Herri Arduralaritzaren Euskal Erakundetik kanpoko agente batek. Espedienteak ikerketa psikometriko horren arabera irekiko ditu hemendik aurrera. Horrez gain, mediku espezialisten kategorietako 51 epaimahairi informazioa eskatu die bigarren ariketaren zuzenketa irizpideei dagokienez.

Osakidetzako Giza Baliabideen Zuzendaritzak azaldu duenez, EPEren egutegiarekin jarraituko dute hala ere, eta datorren asteko kategoria masiboetako azterketak egin egingo dituzte.

Osasun sailak, bestalde, berriz ere sindikatuengan jarri du ustezko iruzurren froga "sinesgarriak" argitzeko pisua eta duten informazio guztia sailaren eskuetan jartzeko eskatu die LAB, ELA eta ESKri: "Oraindik ez dugu inolako erantzunik izan". Hain zuzen, asteazken eta ostegunean fiskaltzaren esku utzi dituzte sindikatuek froga eta zantzu horiek.

ELAk duela hiru aste ohartarazi zion Osakidetzari

ELAk ohar bidez azaldu duenez Osakidetza "zinismo izugarriz ari da kudeatzen prozesu guztia". Jakinarazi duenez, duela hiru aste Giza Baliabideen Zuzendaritzarekin izan zen eta mediku espezialisten azterketetan izandako "irregulartasunei buruzko azalpenak" eskatu zizkion. Sindikatuaren ustez osasun sailak "asaldu itxurak" egin ditu orain.

Ostegun goizean Jarraipen Batzordean egindako bileraren inguruan, ELAk salatu du bilera horretan soilik EPEa sinatu duten sindikatuak egon litezkeela. Nolanahi ere, sendagileen kategorietako azterketak eteteko eskatu du sindikatu abertzaleak, "gertatutakoa argitu bitartean".

"Argi dugu ere ustelkeria azaleratzen hasi ondoren hau ez dagoela gelditzerik –amaitu du oharra–. Horregatik, langileei dei bat egiten diegu: langileen intereserako onena ahal bezain pronto norberak dakiena jakinaraztea da; ELAk hori egin nahi duten langile guztiei bere babesa emango die.

Bere aldetik, UGT jakinarazi duenez, oposizio publikoetako egutegia mantentzearen alde azaldu da sindikatu estatalista Jarraipen Batzordean, baina irregulartasun zantzuak egon daitezkeen kategoriatako azterketak gelditzeko eskatu du.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Iruzurra Osakidetzan

Iruzurra Osakidetzan kanaletik interesatuko zaizu...
2018-11-13 | I˝igo Igartua
Osakidetzako Giza Baliabideen Saileko arduradun baten emaztea Larrialdi Zerbitzuetako zuzendari izendatu zuten

Monica Elena Zarate, Osakidetzan postu ziurrik gabe eta sektorean esperientziarik izan ez arren, ibilbide luzeko beste hainbat hautagaien aurretik aukeratu dute, eldiario.es-en jaso dutenez.


2018-10-10 | ARGIA
Osakidetzako oposizioetan iruzurraren "begi-bistako susmoak" daudela dio barne txosten batek

Osakidetzako lan eskaintza publikoan izandako iruzurrari buruzko txostena aurkeztuko du asteazken honetan Jon Darpon Osasun sailburuak EAEko Legebiltzarrean. Darponek iruzurraren “frogarik ez dagoela” esaten jarraitzen du, baina zenbait pertsonari azterketak aurrez pasa zitzaizkiela pentsatzeko geroz eta datu gehiago dago.


Oposizioak eta sindikatuek uste dute ez direla nahikoa ikertu Osakidetzako oposaketei jarritako salaketak

Hemeretzi kategoriatan jarri zituzten salaketak eta zortzi bakarrik ikertu dituzte.


Osakidetzak hiru espezialitatetako bost azterketa bakarrik errepikatuko ditu eta ez ditu epaimahaiak aldatuko

Angiologia eta Kirurgia Baskularreko bi, Anestesiako bi eta Kardiologiako azterketa bat dira errepikatuko dituztenak.


2018-07-19 | ARGIA
Osakidetzak fiskaltzara eramango ditu oposizioetako iruzurra salatu duten hirurak

Oposaketen inguruan egindako barne ikerketa fiskaltzari aurkeztuko dio Osakidetzak. Erabakiaren arrazoia ez da filtrazioak eman izana, filtrazioak salatu dituzten hiru norbanakoei “iruzur saiakera” leporatu dietela baino.


2018-07-19 | Nahia Ibarzabal
Lau espezialitetan espedientea irekiko da, Osasun sailburuak azaldu duenez

Digestio aparatua, medikuntza-intentsiboa, traumatologia eta urologia kategorietan espedientea irekiko da datozen egunetan, Jon Darpon Eusko Jaurlaritzako Osasun sailburuak jakitera eman duenez.


2018-07-19 | Nahia Ibarzabal
Traumatologian ere aurrez "asmatu" zituzten zeinentzako izango diren lanpostuak

Elkarrekin-Podemosek notarioaren aurrean aurkeztutako aktak erakusten duenez, azterketa egin orduko erabakita zegoen notarik altuenak nortzuk aterako zituzten eta ospitalean plaza lortu.


2018-07-13 | Nahia Ibarzabal
Sindikatuek "iruzurtzat" jo dute Osakidetzak hautaproben inguruan hartutako erabakia

ESK, ELA, LAB eta UGT sindikatuen ustez, hiru espezialitatetan baino gehiagotan egin behar da berriro hautaproba.


Azkenak
EGILEA
Eguneraketa berriak daude