Osakidetzak hiru espezialitatetako bost azterketa bakarrik errepikatuko ditu eta ez ditu epaimahaiak aldatuko
Angiologia eta Kirurgia Baskularreko bi, Anestesiako bi eta Kardiologiako azterketa bat dira errepikatuko dituztenak.
Osakidetzako buruak EPEen inguruan egin duten barne ikerketaren ondorioak esplikatzera azaldu Gasteizen, 96.000 pertsonak pate hartutako EPEek jasandako irregulartasun salaketengatik.
Traumatologiari dagokionez behin-behinean geldiarazi dute eta epaimahaiko sei kideri txosten informatiboa irekiko diete dei formalik gabeko bilera bat egitegatik. Osakidetzako zuzendari nagusi Maria Jesus Mujikak adierazi du bilera honek ez zuela eraginik izan azterketetan.
Osakidetzako zuzendariak azaldu duenez aldaketak egongo dira azterketei dagokionez: Herri Ardularitzaren Euskal Erakundeak prestatuko ditu azterketak, arlo praktikoari dagokion azterketa test gisakoak izango dira eta hauen zuzenketak “automatikoak eta anonimoak” izango dira.
Gainera, LAB eta ELA sindikatuek eta 116 pertsonak aurkeztutako errekurtsoak aztertzen ari direla adierazi du. Kategoria bakoitzeko epaimahaiak erabaki zuen bost azterketak errepikatzea eta hori gogorarazi die Mujikak sindikatu eta 116 pertsona anonimoei, hauek eskatu baitute azterketa horiek ez errepikatzea.
Erradiodiagnostikoko teknikari espezialistaren eta farmaziako laguntzailearen deialdietan hainbat galdera baliogabetu dira. Horiekin batera, joskintzako ofizialaren eta teknikari informatikoen azterketetan arazoak azaldu dira.
Arabako Auzitegiak atzera bota du LABen errekurtsoa. Hala ere, sindikatuak “aukerak” ikusten ditu epaiketa baterako.
Sindikatua pozik agertu da epaileak ikerketa sei hilabetez luzatzea onartu duelako, baina autoari ebazpena jarriko dio "autoa hobetzeko eta defentsen ekintzak baliogabetzea eragozteko".
3.535 lanpostuko eskaintza egiteko asmoa adierazi du Gotzone Sagardui Osasun sailburuak. ELA sindikatuak, ordea, kritikatu du behin-behineko langileak 24.600 direla eta ez dela “arazoa konponduko”. 9.000 langilek gutxienez zortzi urte daramate aldi baterako... [+]
LAB sindikatuak irailaren 1ean egin zuen eskaera auto bidez. Instrukzio auzitegiak Darpón eta Mugika aztertzea errefusatu du, baina hainbat espezialitatetako beste bederatzi kide ikertuko ditu. Auzia 2022ko urtarrilaren 29ra arte luzatuko da.