Emakumeak borrokan

Osakidetzak atzera egin eta iruzurra salatu duen anestesistari lan kontratua onartu dio

  • Osakidetzak Marta Macho anestesistari dagokion lan kontratua beste langile bati esleitu ziola salatu zuen ESK sindikatuak asteazkenean. Atzera egin eta ostiral goizean jakinarazi dio Osakidetzak Machori lana berea dela.

     

ARGIA @argia
2019ko maiatzaren 31
Marta Macho, Roberto Sanchez eta Manoel Martinez, iruzurra salatu duten hiru medikuak. Argazkia: eldiario.es

Osakidetzako oposaketetako ustezko iruzurrek berriak ematen jarraitzen dute. Aste honetan epaiketa egin da Arabako Lurralde Auzitegian. Osakidetzako hainbat arduradunek deklaratu dute epaiketan. Asteartean iruzurra salatu duten hiru medikuek deklaratu zuten. Marta Macho, Roberto Sanchez eta Manoel Martinez iruzur salaketa berretsi zuten. Hurrengo egunean, asteazkena, Osakidetzak Marta Machori dagokion behin behineko lan kontratu bat beste langile bati esleitu ziola salatu zuen ESK sindikatuak. Sindikatuaren ustez iruzurra salatzeagatik hartutako neurria izan da, Osakidetzaren barne araudiaren aurkakoa. Osakidetzak atzera egin du gaur, horren azalpenik eman ez badu ere.  

Hala Bedik gazteleraz argitaratutako bideo honetan Manoel Martinez medikuak iruzur salaketaren nondik norakoak aletzen ditu:

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Iruzurra Osakidetzan

Iruzurra Osakidetzan kanaletik interesatuko zaizu...
Azkenak
EGILEA
Eguneraketa berriak daude