Orkoiengo herriak sexu erasoa gaitzetsi du

  • Gizon talde batek sexu erasoa egin zion Orkoiengo emakume bati iragan azaroan. Honek salaketa jartzearekin bat eman da erasoaren berri, eta astelehenean erasoa gaitzetsi dute herrian.


2020ko urtarrilaren 07an - 10:13
Argazkia: Ahotsa.info

Orkoiengo mugimendu feministak deituta, herrian jazotako sexu erasoa salatu dute astelehenean. "Ez, beti da ez. Bai ez bada, ez da. Ez zaude bakarrik” lelopean, 300 herritar inguru batu dira erasoa gaitzesteko.

Erasoa azaroan gertatu zen, eta emakumeak Foruzaingoan salaketa jartzearekin bat eman da ezagutzera. Antza denez, gizonek harremanetarako sare sozial baten bidez egin zuten kontaktua emakumearekin, eta hitzordua jarri; hitzordu horretan, gizonek sexu erasoa egin zioten emakumeari.

Salaketa jasotakoan, Iruñeko Instrukzioko 1 zenbakiko Epaitegiak gertakarien gaineko ikerketa abiatu zuen. Ikerketaren ondorioz zazpi gizonezko atxilotu zituzten; horietako hiruri espetxeratzea ezarri die epaileak, eta gainontzeko lauak aske utzi ditu, kautelazko neurriekin. Sexu askatasunaren aurkako delitua leporatzen diete.


Kanal honetatik interesatuko zaizu: Indarkeria matxista
2024-04-21 | Diana Franco
Teknologia
Indarkeriatik deskonektatu

Eremu digitalak, gizakion dinamiketatik edaten duen heinean, gizarte eredu ezberdinetan aurkitu ditzakegun antzeko arazoak ditu. Pertsonen arteko arazo asko botere kontua izan ohi da; botere arazoek indarkeria dakarte zenbaitetan. Esate baterako, indarkeria matxista.

Eremu... [+]


2024-04-16 | ARGIA
Gizon bat atxilotu dute Ziburun, emakume bat hotel bateko bosgarren solairutik jausi ondoren

Emakumea oso larri dago erietxean, Sud Ouest egunkariak jakinarazi duenez. Haren bikotekidea izan daitekeen gizona fidantzarik gabeko atxiloaldian sartu dute, aurrekariak dituelako.


Nafarroan sexu indarkeria pairatzen duten emakumeen %70ak 30 urte baino gutxiago ditu

Indarkeria matxistaren datu "onartezinak" salatu ditu Txibite presidenteak. Izan ere, Nafarroan erregistratutako salaketen %17 sexu-indarkeriagatik dira. Hartara, bihar zabalduko duten Sexu Indarkerien Arreta Integraleko Zentro "seguru eta konfidentzialaren"... [+]


2024-04-04 | ARGIA
Iaz baino %25 ama gehiagok dute poliziaren zaintza Nafarroan

Ama diren 938 emakumek dute zaintzapeko polizia Nafarroan, erasotzaileengandik babesteko.


Eguneraketa berriak daude