Ordizian 91 PCR probetatik pare bat positibo atzeman dituzte
Asteartera arte egindako probetan bi bizilagunek eman dute positibo gutxienez. 900 proba egin dituzte, baina 91ren emaitza da jakina orain arte. Hainbeste testen artean pare bat positibo aurkitzea “ohikoa” dela jakinarazi dio Osasungintza Publikoak Udalari. Ekainaren 27tik aurrera Ordiziako Etxezarreta kalean ibili diren ehunka lagun bertaratu dira proba egitera.
COVID-19aren transmisio komunitariorik izan den aztertzeko testak egin dira Ordizian uztailaren 6az geroztik. Ehunka lagun ilaratan gerturatu dira udalerrian ezarritako postu medikalizatuetara, denak kutsatze-foku gisa identifikatu den Etxezarreta kalean ekainaren 27tik aurrera izan diren pertsonak. Horietatik bik emaitza positiboa eman dute. Hala ere, Adur Ezenarro alkateak lasaitasun mezua helarazi die herritarrei Berria egunkariaren bidez: “Oso zaila da hainbeste testen artean emaitza positiborik ez egotea”. Gainera, kasu horiek “ez dute zertan harreman zuzenik izan Etxezarreta kaleko fokuarekin”.
Eusko Jaurlaritzako Osasun sailburu Nekane Murga bertan izan zen, eta kasuaren inguruko kontaktu estuek dagoeneko testak egin dituztela adierazi zuen. Halere, “neurri gehiago” hartu beharrean direla aitortu zuen. Izan ere, taberna guneetako jende edukierak “zaildu” egiten du positiboen gaineko kontrola, eta hortik datorkio kezka handiena.
Ordiziako Udalak uztailaren 6ko iluntzean aditzera eman zuenez, eginiko 900 probetatik lehen 91ren emaitzak jasota, guztiek emaitza negatiboa eman zuten. Baina gogoratu dutenez, horiek testen %10 baino ez lirateke.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
Hego Euskal Herrira pilulaz betetako 722 kaxatxo iritsi dira, COVID-19a larri pasatzeko arrisku handiko gaixoentzat zuzenduta. Europar Patasunak COVID-19arentzako ahotik hartzeko gomendatu duen lehen pilula antibirikoa da Pfizerren Paxlovid eta Espainiako Gobernuak 253 milioi... [+]
Pandemiaren eragina indarkeria matxistan azterketa kaleratu berri du Espainiako Gobernuak. Bertan ondorioztatu dute eraildako emakume kopurua gutxitu egin dela, hauek kontrolatuta eduki dituzten denbora gehitu izanaren ondorioz. Baina emakumeen suizidioak gizonenak baino gehiago... [+]
Merkatura ateratzear den Hipra txertoari patenteak kendu diezazkiola eskatu diote hogei erakundek Espainiako Gobernuari. Izan ere, Kataluniako multinazional honek COVID-19aren aurkako txertoa egiteko entsegu klinikoetarako diru publikotik gutxienez 15 milioi euro jaso ditu.
Eneritz Zubiaurre irakaslea da, eta lan eremu horretan egin zen gizarteko lehenengotako txerto deiari erantzunez, ziztada hartu zuen 2021eko martxoaren 14an. Astra Zeneca egokitu zitzaion. “Inork, ezta txertoa jarri zidan erizainak ere ez zidan ohartarazi izan nitzakeen... [+]