Oposizioak eta sindikatuek uste dute ez direla nahikoa ikertu Osakidetzako oposaketei jarritako salaketak
Hemeretzi kategoriatan jarri zituzten salaketak eta zortzi bakarrik ikertu dituzte.
Oposizioko alderdi nagusia den EH Bildurentzat Osasun Sailak eta Osakidetzak ez dituzte behar bezalako ikerketak egin eta orain arte eman dituen esplikazioak “guztiz eskasak eta etsigarriak” izan dira.
Elkarrekin Podemosek dio agintariek “amaitutzat jo” nahi dutela ikerketa eta ez dutela neurririk hartu adiskidekeriarekin bukatzeko. PP-k, aldiz, “atentzioa desbideratzeko” dela esan du eta ateratako ondorioak “ke gortina dentsoagoa” izateko egin dituztela.
ELA sindikatuak dio ikerketaren itxiera “onartezina” dela, Osasun sailburuaren kargugabetzea eskatu dute eta sistema berri bat beharrezkotzat dute. Euskadiko Sendagileen Sindikatuak dio ikerketak erantzule bakar bat bilatzen zuela eta ez prozesuaren beraren akatsak agerian uztea. “Arazoa zein zen jakin gabe” ikerketa amaitutzat jotzea egotzi diote LABek eta CCOOk Osakidetzari.
Erradiodiagnostikoko teknikari espezialistaren eta farmaziako laguntzailearen deialdietan hainbat galdera baliogabetu dira. Horiekin batera, joskintzako ofizialaren eta teknikari informatikoen azterketetan arazoak azaldu dira.
Arabako Auzitegiak atzera bota du LABen errekurtsoa. Hala ere, sindikatuak “aukerak” ikusten ditu epaiketa baterako.
Sindikatua pozik agertu da epaileak ikerketa sei hilabetez luzatzea onartu duelako, baina autoari ebazpena jarriko dio "autoa hobetzeko eta defentsen ekintzak baliogabetzea eragozteko".
3.535 lanpostuko eskaintza egiteko asmoa adierazi du Gotzone Sagardui Osasun sailburuak. ELA sindikatuak, ordea, kritikatu du behin-behineko langileak 24.600 direla eta ez dela “arazoa konponduko”. 9.000 langilek gutxienez zortzi urte daramate aldi baterako... [+]
LAB sindikatuak irailaren 1ean egin zuen eskaera auto bidez. Instrukzio auzitegiak Darpón eta Mugika aztertzea errefusatu du, baina hainbat espezialitatetako beste bederatzi kide ikertuko ditu. Auzia 2022ko urtarrilaren 29ra arte luzatuko da.