EH Bilduren mozioak aldeko 36 boto izan zituen (EH Bildu eta PSE-EE), aurkakoak 35 (EAJ eta PP) eta bat zuria (UPD). Talde bakoitzak eskaeraren alde egiteko bere arrazoiak bazituen ere, biek uste dute indarrean dagoen hitzarmena ez dela nahikoa. Aurrekontuaren %85 administrazioak estaltzen duenez, Onkologikoaren jardunean esku hartzeko aukera izan, eta Osasun Sistema Publikoan txertatzea, bide normala litzatekeela uste dute.

Jon Darpón Osasun kontseilariak dio, epe luzerako hitzarmenaren aldeko direla, Onkologikoak egonkortasun ekonomikoa izan dezan eta zerbitzu eskaintza berma dezan. Eta ondokoa gaineratu zuen Legebiltzarreko atzoko jarduna entzun eta gero: “Gure asmoa ez da Onkologikoaren etorkizunaren aurrean begiak ixtea, ez dugu hori nahi. Alabaina, ez dugu ahaztu behar zentro hori Kutxarena dela”.