Astelehenean irten da euskal preso politiko durangarra Basauriko espetxetik.
Etxeratek eman du kaleratzearen berri astelehen goizean. “Ongi etorri Oier! Bat gutxiago!” adierazi du euskal preso politikoen lagun eta senideen elkarteak.
Oier Andueza Antxia Durangon jaio zen. 2001ean atxilotu zuen Espainiako Poliziak Bilbon, ETAko kide izatea eta hainbat hilketekin zerikusia izatea leporatuta. Espainiako Cáceres edo Sotol del Real (Madril) espetxeetan egon da preso, baina zigorraren urte gehienak Murcia II kartzelan eman ditu. Azken espetxe horretan funtzionarioek Andueza jipoitu zuten 2014an, Etxeratek salatu zuenez. Adin txikiko bi seme-alabaren aita da.
Espainiako Auzitegi Nazionaleko Manuel Carcía Castellón epaileak sei pertsona epaituko ditu Ongietorrien auzian: Antton López Ruiz Kubati, Kai Saez de Egilaz, Pipe San Epifanio, Haimar Altuna, Oihana Garmendia eta Oihana San Vicente. Guztiak Sortuko kideak... [+]
Astelehenean jakinarazi du albistea Etxerat elkarteak. Otxandioko preso politikoa baldintzapeko askatasunean zegoen 2023ko martxoaz geroztik.
Kontzertuen bidez euskal preso eta iheslariak laguntzea da xedea. Aurten, Rakatapunk, Xutik eta Esne Beltza dira egitarauan.