Norbanakoak, udalak eta hezkuntza ardatz EHEren ikasturte berrian
Euskal Herrian Euskaraz mugimenduak (EHE) 2014-2015 lan urterako Nazio Plangintza onartu du larunbatean Lakuntzan egindako batzarrean. Jorratu beharreko hiru ildo nagusi ezarri dituzte: norbanakoen aktibazioa, udalen euskararen aldeko hizkuntza politikak babestu eta sustatzea eta eskola euskalduna aldarrikatzea.
aurre egingo dieten hedabide independenteak
EHEk 35 urte beteko ditu azaroaren 4an, eta euskararen normalizazioaren geroaz hausnartzeko mahai-ingurua antolatu du egun horretarako. Apirilaren 18an beste hitzordu garrantzitsua ezarri du EHEk, egun horretan ospatuko baita Euskaraz Bizi Eguna.
Hainbat ekimen eta dinamika antolatuko ditu EHEk 2014-2015 lan urtean. Euskaraz Bizi dinamikaren baitan hiru ildo nagusi lehenetsi dituzte.
Norbanakoen aktibazioa
Euskararen normalizazioan norberaren jarrerak paper garrantzitsua duela nabarmendu du EHEk.
Horregatik, euskaldunak euskararen alde “egotetik” euskararen alde “egitera” eraman nahi ditu eragile euskaltzaleak.
Adierazi dutenez, “norberak euskaraz bizitzeko egiten duen haututik hasten da aldaketa”, euskal hiztun komunitatea aktibo egon dadin.
“Udalak eta biok euskaraz” / “Herriko etxeak eta biok euskaraz”
Iaz abiatutako dinamika da hau: administrazioei eskari indibidualak aurkeztea udalen eta herriko etxeen eta norberaren arteko harremana euskaraz izateko helburuarekin.
Aurten beste urrats bat emango dute dinamika honen baitan: hizkuntza politika eragingarri eta eredugarriak indarrean jartzen dituzten udalak eta herriko etxeak babestea, eta horiek onartzeagatik salaketak jasotzen dituztenei sostengua adieraztea.
EHEk salatu du iaz Lapurdin, Nafarroan, Araban, Bizkaian eta Gipuzkoan 70 udal eta erakundek baino gehiagok salaketak eta helegiteak jaso zituztela hizkuntza irizpideak ezartzeagatik.
“Guk eskola euskalduna!”
“Euskaraz biziko den herria eraikitzeko ezinbestekoa da ikasle euskaldun eleanitzak euskal curriculumaren baitan heziko dituen hezkuntza eredua”, aldarrikatu du EHEk.
Espainiako eta Frantziako hezkuntza ministroen erreformek hori saihestea helburu dutela ere salatu dute, eta horren aurrean alternatibak proposatzearen garrantzia nabarmendu dute.
Seaskaren aurkako erasoak eta ikasketak euskaraz egiteko eta Iparraldean Baxoa euskaraz pasatzeko eragozpenak ere salatu dituzte.
Bilbao Arena –Miribillako estadioa– leporaino bete nahi du Euskalgintzaren Kontseiluak abenduaren 27an. Iazko Euskararen Nazioarteko Egunean (abenduaren 3an) euskararen larrialdi egoeratik indarraldirako bideari ekiteko beharra aldarrikatu bazuen, indarraldia... [+]
Loraldiak eta EHU Kultura Bizkaiak elkarlanean aurkezten dute Sormenola 2025-26 programaren edizio berria. Loraldia Gaztea ardatz estrategikoaren barruan kokatzen den ekimen hau euskal sorkuntzaren harrobi gisa finkatu da, eta aurten apustua areagotzen du: interesa izan... [+]
Iraila, errutinara buelta, askorentzat ikasturte berria eta horri dagozkion zirrarak: ikasturtea norekin konpartitu, nor izan alboan, zer ikasi, nola eta nora joan… Batzuentzat, esperientzia berriak bizitzeko lehen aldia.
Aldiz, beste batzuentzat esperientzia berririk... [+]
Ertzetatik aztertu dute hizkuntza UEUk antolatutako Euskararen periferiak jardunaldietan. Euskarak dituen testuinguru oztopatzaileez mintzatu dira Beñat Garaio HABEko ikerlaria, Iker Villa abeslaria eta aktorea, Diego Pallés EHUko ikerlaria eta Maialen Gago Guka... [+]
"Euskaraz bizi nahi dugu" mezua tindatu zuten larunbatean, eta 48 oren inguru eman dituzte atxiloaldian ekintzaileek. Gorka Torre kontrol judizialpean askatu du prokuradoreak, epaiketaren zain; bertze hirurak komisariara deituak izanen dira.
'Hiri Buruzagia loratzen. Loratu ala hil' lelopean sortu da Irauli proiektu berria, euskarazko kalitatezko jarduerak eta zerbitzuak eskaini nahi dituena; hizkuntzaren indarberritzean oinarrituta.
Iragan berria den Donostiako Zinemaldian euskarazko hiru lan eskaini dira prestigiozko Sail Ofizialean: Maspalomas, Karmele eta Zeru ahoak.
Festibala gutxi gorabehera erdira heldu zenean ohartu nintzen laugarren bat ere bazegoela euskal zinea labelarekin: Los domingos. Bilbon... [+]
Buruilaren 27an ebiakoitz huntan Euskal Herrian Euskaraz-ek Baionan salatu du Euskara bigarren mailako hizkuntza bezala kontsideratua dela. "Euskaraz bizi nahi dugu" mezua margotu dute departamenduaren egoitzaren gainean.
'Itun Soziopolitiko berrirako eskaintza' dokumentua aurkeztu du Euskalgintzaren Kontseiluak, Batuz Aldatu dinamikaren barruan hainbat eragilerekin egindako agerpenean. Eragileek atxekimendua egiteko dokumentu sinagarri bezala aurkeztu dute, eta luze eta zabal azaltzen... [+]
Euskara biziberrituko bada, hizkuntza politiketan jauzi bat ematea ezinbestekotzat du Euskalgintzaren Kontseiluak. Jauzi hori emateko proposamen bat aurkeztu du, eta itun soziopolitiko berri baterako deia egin du, irailaren 26an, Batuz Aldatuko Sinatzaileen II. Batzarrean... [+]
Telesforo Monzon laborategiak antolatutako uda eskolak euskararen etorkizunaz gogoeta egiteko plaza beroa ekarri zuen Bergarara. Hasieran, Garikoitz Goikoetxeak eta Olatz Altunak euskararen egungo egoera eta etorkizuneko joerak marraztu zituzten, eta horren gainean aritu ziren... [+]
Orain arte ez dugu aipatu, baina bada 6-12 urte arteko umeen kirol jarduerari –aisialdiari, oro har– lotuta dagoen eta azpimarratzea merezi duen beste osagai bat: hizkuntza erabilera. Zentzu horretan, euskararen arnasgune dira Eskola Kiroleko programak, lekuan lekuko... [+]
"Ongi etorri Iruñera" zikloa bueltan da. Urriaren 30ean hasiko da migrante eta errefuxiatuekin euskarara hurbiltzeko topaketen bigarren edizioa eta izena emateko epea irekia dago.
Mugikortasun agenteen euskara eskakizunaren sententzia salatzeko, Egiako Justizia jauregiaren aurrean elkarretaratu dira Donostian.