ELA, LAB, CCOO, UGT eta Steilas sindikatuek lan-baldintzak hobetzea eta "benetako" negoziazioa eskatu dute.
ELA, LAB, CCOO, UGT eta Steilas sindikatuek Nafarroako Gobernuaren menpeko sektore publiko osoa deitu dute lan baldintzak eta zerbitzu publikoa hobetzeko mobilizatzera. Legez ezarritako mahai eta foroetan "benetako" eta edukizko negoziazioa eskatzen dute. "Ikusten ari gara nola ari diren mahaietatik kanpo gauzak negoziatzen, zerbitzu publikoaren kalitatearen kontrakoak direnak, eta pentsatzen dugu hori ezin dela onartu", azaldu du Isabel Artieda LABeko arduradunak.
Sektoreko langileen lan baldintzak hobetzea aldarrikatzen dute zerbitzu publiko hobeak eraikitzeko. Esaterako, sektore publikoko pribatizazio politikarekin amaitzea eta orain arte pribatizatu dena iraultzea.
Foru eskumenak erabili
Bestalde, Nafarroako Gobernuak bere autogobernu eskumenak gauzatzea eskatzen dute sindikatuek. Baita enpleguaren egonkortasuna eta behin behinekotasuna %8tik behera murriztea eta langile kopuruaren dimentsionamendua egokitzea ere.
Sindikatuen arabera, hobekuntzak langile guztientzat ezarri behar dira, eta horretarako legez ezarritako mahai eta foroetan negoziatu behar dira. Grebaren bidez Nafarroako Gobernua Mahai Sektorialetan eta Mahai Orokorrean negoziazio erreal eta edukizkoa egitera behartu nahi dutela esan dute.
Aste honetan egiten ari dira lanuzteak, lan-baldintzetan hobekuntzak exijitzeko. Aurreko hiru hilabeteetan ere izan dituzte grebak.
Gaur, apirilak 16, Eusko Jaurlaritzari eta Industria Sailari beren industria-politikan jarrera aldaketa bat exijitzeko manifestazioa egin dute Bizkaiko 60 industria-enpresa inguruk Mecaner enpresako langileakaz batera, Bilbon. Adierazi dute "hitzetatik ekintzetara"... [+]
LABek jakinarazi duenez, martxoaren 14an materiala garraiatzen ari zela zama gainera erori ondoren larri zauritutako langilea zendu da asteartean. Jadanik hamazortzi lagun dira urtea hasi zenetik lanean hildakoak, sindikatuaren arabera, eta lan istripuen "gorakada... [+]
Langileen aldarrikapenak eztabaida politikoaren erdigunera eraman, eta aldaketa soziopolitikoa lortzeko "eragile aktibo" izanen dela nabarmendu du LABek 50. urteurreneko ospakizunean.
500 lagun batu dira Baionan buruturiko manifestazioan. Sektore publikorako erreformarekin Frantziako Gobernuak sektore pribatuko logika funtzionarioen baitan txertatu nahia salatzeko mobilizazioa ere izan da.