2022ko urtarrilaren 22a
Ostegunean aurkeztu dute txostena Carlos Gimeno Nafarroako Hezkuntza kontseilariak eta Luis Campos Errealitate Sozialaren Behatokiko zuzendariak. Inkesta DBHko 28.000 ikasleri bidali diete, eta horietatik 1.156en erantzuna jaso dute. Kontseilariaren esanetan, lagin hori "estatistikoki oso esanguratsua" da.
Inkestak erakutsi duenaren arabera, gazteen %63k ez daki zer den GAL. Beste %19ri ezaguna egiten zaio, baina ez daki zehazten. Alegia, %82k ez du ezagutzen, soilik %11k erantzun du baiezkoa. Ekintza zehatzei buruz galdetuta, %2k soilik gogoratzen du baten bat.
"Eskuin muturreko taldeek egindako ekintza terroristak" ez dituztela ezagutzen esan du ikasleen %73k. Aitzitik, ETAren ezagutza bestelakoa da: %57k ezagutzen du; %9k ezezkoa erantzun du eta %29ri ezaguna egiten zaio, baina ez daki zehazten. Beraz, erantzun dutenen %38k ez daki ETA zer den. ETAren ekintza zehatzen bat gogoratzen du galdekatutakoen %29k.
NAIZek jarri du sarean inkestaren txosten osoa.
Gero eta gehiago dira ikastetxeetako egoera salatzen duten ahotsak: pandemia kudeatzeko dituzten lan-karga eta ardurak, baliabide falta, protokoloekiko zalantzak eta egoerarekiko kezka azaleratu dituzte.
Komikiari buruzko alderdi teorikoak modu grafikoan erakusten ditu How to study comics & graphic novels gidak. Iaz plazaratu zuen Oxfordeko unibertsitateak, eta EHUko LAIDA Literatura eta Identitatea ikerketa-taldeak ekarri du euskarara.
Hamazazpi kiroletako federazioek adierazpen bateratua egin dute astelehen goizean. Haurrek asteburu honetatik aurrera lehiatzeko aukera izan dezatela eskatu dute. Kirola segurua dela adierazi dute, eta haurrentzako oinarrizko beharra.
Ikastetxeetan pandemiaren kudeaketa gero eta zailagoa egiten ari zaiela eta baliabideak behar dituztela adierazi du Ikastolen Elkarteak: “Inpotentziaz eta nekez bizitzen ari gara ematen ari diren hainbat egoera eta ez dagozkigun ardurak hartzen ari gara gure gain... [+]
